حب و إجرام (باللهجة التونسية )

الحلقة 36

الحلقة 36 :
باقي يسوق ... تعابير وجهو تبين اللي هو موش مليح ..، اصلا جرحوا مزال جديد ... غزرت للبيبي كي رقد ... تلفتت لقيتوا يغزرلوا ... مبعد كمل ... تعدا شوي وقت عينيا باش يتغمضوا ... تاعبة عاللخر .. توا يومين موش راقدة ... دوب ما وصل .... نزل من الكرهبة ... و جا حللي الباب ... طبس هز البيبي بالشوي .. نزلت دوب ما راني نحل في عينيا ... تعثرت قريب طحت .. تركزت عالكرهبة... تلفتت غزرلي ....
أمير؛ صافا ؟؟
أيلول؛ اممم مليحة
دخلنا للفيلا ... قدمت مدبرة المنزل ... خبرتوا اللي الكل ملموين فالصالة ... خبرها تعيط للطبيبة ... دخلنا للصالة قابلتني وفا و نضال ... و العدول ... غزرتلهم و تلفتت غزرتلوا مكانش في بالي يكونو هوما شهود ... جات الطبيبة ... هزت من عندو الطفل هي و مربية الأطفال اللي طلبها ... خبرها تتلها بيه و تشوف شنوة ناقصوا ،،، يجيبوه رجالو ..، هو يحكي معاه ..، جات عندي وفا .. نغزتني من كتفي قريب طيرتلي اللحم ... توجعت من الفازة ... ڨحرتلي ...و قدمت لوذني
وفاء؛ اتو نتفاهموا عليها ... وليت تعرس هكا فيسع ...
تلفتت تبسمتلها ... انا وين و هي وين ... تلفتت جات عيني عليه ،..كي عمل فازة متاع متوجع .. قعدت قعدت وفا في جرتي
العدول؛ سي أمير حاظر ؟؟
أمير؛ اممم
العدول؛ مدموزال دارك تقبلي تعرسي بأمير
هزيت راسي غزرتلوا ... جات عيني فعينوا ... جاوبت العدول من غير ما نزل عيني عليه
أيلول؛ وي نقبل
العدول؛ مسيو أمير المالكي ولد محمد المالكي تقبل بدارك زوجة لك ؟
جاوبوا من غير ما ينزل عينيه
أمير؛ وي نقبل
العدول؛ توا الشهود
جاوبوه بوي ..، مدلي الورقة باش نصحح ... منعرش علاش خايفة من هاذ القرار... رغم انو مصلحة اكهو ،،، اما مترددة اني نمشي فاها ..، يمكن خاطر جامي خممت ففكرة الزواج ،.، و منحيتها جكلة من مخي .،. و منأمنش بالحب ،.. و توا وصلت لمرحلة انا نخاف من روحي شنوة ننجم نعمل ،.. المهم نكون مرتاحة فمخي ... قطع عليا ..يدو كي هزت الورقة صحح ....غزرتلوا ... حط الورقة قدامي و باقي واقف ... غمضت عينيا .. خذيت نفس خفيف .. و صححت ..، كملت وفاء و نضال صححوا ...، بروحهم موش فاهمين شنوة اللي قاعد يصرا .،، في عينين وفا ...، الف سؤال و سؤال ... و نضال كيف ..، انا بروحي حايرة ... كمل ريقل الورق ووقف ...وقفنا الكل ...
العدول؛ أعلنكما الآن زوجا و زوجة
مد يدو صافحنا ..، قدمت وفا تسلم .. و نضال يباركلوا ... دوب مارانا نتبسموا ... انا و هو اكهو نعرفوا بالذات حقيقة الزواج هذا ... خرج العدول ...
نضال؛ توا سامحونا جماعة باش نمشوا ...
وفاء؛ اممم وقت بونوي عزيزتي ... مبروك عليكم مرة أخرى
قدمت تسلم عليا ... همست فوذني
وفاء؛ عندنا ما نحكوا..، اما توا ركزيلي عالليلة ... نحب ندي خبرة من عندك ... ضحكت من تبهليلها،،، دوب ما راحوا ... ذكرت البيبي ..، نطرت من بلاصتي ،، تلفتت في جرتي ..
أيلول؛ البيبي؟؟ نحب نشوفوا كان صافا
غزرلي فهمت شيقصد ... تبعتوا من غير حتى كلمة ... طلعنا للطاج لول ... دخل لبيت صغيرة ... دوب ما دخلتلها تفآجأت ..، بيت بيبي موجدة من كلش ،،، ياخي من وينتا وجدها ... و هو مخبرش الرجال اللي باش نديو معانا الطفل و كلش صرا فيسع ..، غزرتلنا المربية .. دوب ما غزرلها خرجت ،،، قدمت ريتوا راقد عالسرير ... دبشوا مبدل ..، محلاه ... محلاها البراءة ... حطيت يدي على يدو ... طلعتها بستها ... و نزلت بستوا ... مبنوا الفرخ ... توا فما أم تلوح ملايكة كيف هكا !!!
منجمتش نسيب يدو ... اما لازم يرتاح توا ... انا بالسيف ماراني واقفة ..تلفتت ريتوا متكي عالباب ... يغزرلنا ... ريڨلت للبيبي الغطا ... و مشيت ... تعثرت فالزربية متاع الباب ... كنت باش نطيح ..، اما حسيت براسي كي تخبط فكتفوا ... طلعت راسي غزرتلوا ... باقية مكبشة فيه لين وقفت ...
أمير؛ برا اختار بيت ارقد
غزرت لجرحوا ...و غزرتلوا ... مزال مكبشة فيه ...
أيلول؛ حتى نشوفلك جرحك
جبدت روحي شوي ...
أمير؛ اتو تشوفوا الطبيبة .. برا ارتاح ... باش تطيح من التعب ...
أيلول تحكي :
منعرش علاش وليت نريڨل من فكرة انو تعدي عليه الطبيبة ... رميت يدي للجرح ،،، جا باش يبعد ...
أيلول؛ ريض أمير
ركح ،.. غزرت للجرح ..، احسن شي متفكش ... رغبة قوية تملكتني ...أني نعنقوا ... على اللي عملوا مع الطفل ... و هدرتوا قدام الپوليسية ... كلمة مراي بحد ذاتها طيرني لسابع سما ...طلعت راسي غزرتلوا ...
أمير؛ هاكي وليتي مرتي موش قتلك اللي انتي وقف تنفيذ أيلول ...
أيلول؛ لعبة أمير ... دخلنا في لعبة متوفاش ... احنا مجرد ورق تتقلب فوقت محدد ... صحا قولي شرايك فكاس نخب زواجنا
أمير؛ ماكش تاعبة ياخي ؟
أيلول؛ هأه
أمير؛ ايجا
قفل الباب... نزلنا للتحت ... قعدت عالفوتاي تكيت راسي للتالي ... توحشت أيامات نعمل جو ..... حط قرعة الشمپانيا و الكيسان قدامي ... و قعد رميت يدي صبيت كاس ليا و كاس ليه ... مديتلوا كاسوا ... و هزيت كاسي شربتوا مرة وحدة... ترهوجت خاطرو مدوزي ...
أمير؛ علاش شربتوا هكا !!!
أيلول؛ نفحتلي
زدت عبيت كاس خلاف .... و شربتوا ...جيت نصب الثالث فك. الكاس من يدي ..
أيلول؛ أميير س ...سيب
أمير؛ من زوز كيسان دخت ... هذا موش نخب
أيلول؛ هههه شنوة باش تلعب دور الزوج المثالي ... اللي ميخليش مرتوا تشرب ... فك عليك أمير ... انا و انتا بالذات نعرفوا اللي كلشي كذبة ...
أمير؛ هيا نوصلك لبيتك
رميت يدي قومتها ... لفت يديها على رقبتي ...
أيلول؛ علاش دخلت لحياتي أمير ... علااااش
أمير؛ خايب للدرجة هاذي
أيلول؛ و أكثر
أمير؛ منطولش و نخرج ... تهنيت ... هيا توا
أيلول؛ هأه منحبش
أمير؛ أيلوول يزي من التخلويض ... برا لبيتك
أيلول؛ منحبش نسيبك ...باش تروح لاكا الطبيبة المصفارة تداويك ... نقتلك و نقتلها
ضحكت من كلامها .. ريقلت وقفتي ... باقي نتبع في حركاتها ... احسن حاجة أنها موش باش تتذكر شي كي تفيق ...
أمير؛ هههه علاش ماهي طبيبة لازم داويني
مشات بيدها من رقبتي لدقنونتي و كبست علاها
أيلول؛ أملاك دارك تنجم تحافظ عليها
🔜🔜🔜🔜🔜🔜