حب و إجرام (باللهجة التونسية )

الحلقة 37

.. الحلقة 37 :
أيلول؛ أملاك دارك تنجم تحافظ عليها ...نقتلها و نقتلك و تعرفني ننجم نعملها ...
أمير؛ باهي تو كي تفيق نشوفوا كان تتذكر كلامك هذا هههه
ترمات عنقتني ... استغربت من الفازة ... باقي تعدي فيدها على شعري من التالي ... و اليد الثانية كابسة على ظهري ... و هي غاطسة راسها هكاكا ... هزتني لدنيا خلاف... البارفان متاعها موش نورمال عاللخر .. افففف أمير ملازمش تضعف توا ... جيت نبعدها ... كبشت اكثر ...جبدت يديها .. حكمت يديا و لفتهم على وسطها ...غمضت عينيا ... الفرخة رايحة تهبلني نص ليل ... نزلت يدي لفيتهم على رجليها ..و هزيتها
أيلول؛ اعععع أميييير نزلني .... جررررحك تو يتفك ... أماااااان ...
باقي تفارع فيا .. مبعد سلمت ... دوب ما وصلت جيت نحطها عالسرير... جبدتني ليها ... طحت عليها تركزت بيديا الزوز  عالجوانب ...ضحكت غزرتلها نفهم علاه ضحكت
أيلول؛ تحبني أمير ؟
سكتت للحظة ... عديت عينيا على وجهها الكل ... توا بالحق هادي أيلول ... اللي دايما تعارك ... نفسها هادي اللي هادية عاللخر ...
أيلول؛ مجاوبتش خايف من إجابتك ولا من الشي اللي تحس فيه
لفت يدها على رقبتي و جبدتني ... رمات يدها غمضتلي عينيا .... أول مرة نكون مسيب روحي هكا مع طفلة ... حسيت بشفافها كي تحطوا على شفافي ... باستني بوسة خفيفة ...و نحات يدها ... بالسيف حليت عينيا و غزرتلها .... رهوجتني ...
أيلول؛ تحبني هه
أمير؛ لا
حطت يدها على قلبي ...و دزتني ...جات فوقي
أيلول؛ أنا زادة نكرهك لدرجة الحب
أمير؛ شتقصد ؟
أيلول؛ يعني الكره اللي فيا خلاني نحطك فراسي... و كي حطيتك فيه سكنتلي فما ...لدرجة ولات متفوتش دقيقة متكونش في بالي ...أما
أمير؛ أما شنية ؟
أيلول؛ خايفة
قامت عليا ... تكات على ظهرها...
أيلول؛ يجي النهار و نعلن حبي ... وين حد ما ينجم يدخل بيناتنا ... و نعلنك ملكي و متاعي ... أما من غيرهم الكل ... تجبد بيا انتا ... و تخليني ... أمير توا ...في بالك اللي أنا ... محاجتيش نعرف شكونو العراب ... ولا شيحب ... خاطر أقل شي ... أنو نبدل البلاد الأسم و الشكل ...و يوفا كلشي ... أما حاجتي بيك أمير.. رغم اللي عملتوا الكل ... منجمش نراك تتأذى ... ههه اما باش توفا ...تعرف علاش ....خاطرني دوب ما نلقا العراب ... باش يوفا كلشي و نهج ... عالم المافيا باش يتعبني... على أذاكا ههه باش تتوحشني بقدر كرهك ليا و كرهي ليك ...
أمير يحكي :
كلامها التالي خلاني نرڨل من العصب .. فكرة أنها تبعد تقتلني ... تقعدت من بلاصتي ... غزرتلها .. باقية تغزر للسقف ... مبعد غزرتلي ... تبسمت و قامت ... جا وجهها مع وجههي ... عينيها ذابلين ... أصلا مرهوجة ... تبسمتلي .. منعرش شبيني مربط و انا نسمع في هدرتها ....
أيلول؛ متخممش برشا ... ههههه أما قولي ... شنوة اللي كان يصير كان متقابلناش ..، كنت باش نضعف هكا ....
غزرلي غزرة منجمتش نفسرها ....كانوا حاب يقول .ّ يزي ... شوي اكهوا .. و كنت في حملتوا... كابس عليا تقول باش نهرب ...جيت نبعد كبسني كثر... نفسوا طالع هابط ... بقينا اكاكا لين هدا ... بعدت شوي غزرتلوا ... غزرتوا بعيدة ... المفعول متاع الويسكي بدا يخف ... تلفتت غزرلي ... طلع يديه لفهم على رقبتي ... نزل راسوا ... حط جبهتوا على جبهتي ... خشموا زادة ... خذا نفس طويل ... و حل شفافوا ...
أيلول؛ ش....
قص عليا كي غطس في شفافي ... جيت نبعد كبس عليا كثر ... الشي اللي منجمتش نفهموا من غزرتوا ... فهمتوا من تعنيقتوا ليا ... جبد روحو شوي ... باقي ناخذوا في نفس واحد يتقسم بيناتنا .... نزل راسو غطسوا في رقبتي طبع بوسة خفيفة... مبعد عضني بقوة ...خرجت مني آه ... طلع راسوا غزرلي ... عضيت شفافي متوجعة من الفازة ...
أمير؛ هذا عقاب خفيف عالتخلويض اللي كنت تحكي فيه ..
جبدني من رقبتي بقوة ... غزرتلوا ... طلع صبعوا نحا شفتي ..من بين سنيا ... و نزل عضها ...
أيلول؛ آآآي ياخي علااااش
أمير؛ باش متزيدش تعمل الفازة هادي قدامي ...
أيلول؛ يييي منك أمير والله وجعتني .... متوحش
أمير؛ هههههه صار متوحش ... ماريت شي ... ماو كي عدت مسايسك معملت والو ...
أيلول؛ امممم توا دالتي
أمير؛ دالتك ؟!!!
عدات يدها على الوشوم اللي على ذراعي الكل ... غزرتلها مبهم ...قدمتلي  وجهي بيدها .. و باستني ... انسجمت معاها ... طيرتني لبعيد من بوسة اكهوا ... حسيت بظفارها كي ترشقوامن رقبتي من التالي ... و جبدت على طول رقبتي لين وصلت لسدري... اما متوجعتش قد ما راني مستحلي الشي اللي نحس فيه ... جات باش تبعد جبدتها اكثر ...و غطست في رقبتها ... حسيت بيها كي رخفت بين يديا ... باقي كان نفسها يعلى و آهات خفيفة ... تخرج منها ... تكيتها للتالي ...ببستها بوسات مرصوصة على طول عضمات الزين ... غزرتلها كيف مسلمة و متفاعلة معايا في كل حركة نعملها ... جامي توقعت قربها يضعفني لهاذ الدرجة ... وين نسلم ...تي جرحتني بظفارها ..، اما ماحسيتش ... الأهم انو هي توا معايا ،.. و بين يديا ... يروح كلشي للجحيم ... معادش يهمني ... اما فقت على روحي ... هي توا موش فايقة للي تعمل فيه ... الويسكي كهو مأثر علاها ... مستحيل نظرها ...ولا نعمل شي معاها و هي فهاذ الحالة ... هكا نكون نستغل فيه ،... مهما وصلت للطوپ أما موش من تربيتي نعمل هكا ... قمت من البلاصة ..، لازم نخرج فيسع من هوني خير ما نعمل شي نندم عليه ... حلت عينيها غزرتلي ...
أيلول؛ هذا أكثر شي نحبوا فيك
أمير؛ شنوة!
أيلول؛ هه شي ..
غمضت عينيها ... جيت باش نتلفت
أيلول؛ باش تخليني أمير ؟
سؤالها حبسني... ياخي منين تجيب فيهم الأسئلة هاذو ...
رجعت قعدت قدامها ...مبعد تكيت ... دورتها عندي باقية تغزرلي ... تستنا نجاوبها ... عديت يدي على وجهها رجعت شعرها للتالي ...
أمير؛ أيلول ... من أول كره ليك حبيتك ... كرهتك لدرجة وليت نعشق دين أمك ... نتنفسك راني ... فكرة انك معادش تكون موجودة معايا ..، تقتلني الف قتلة ... في بالك اللي باش نسلم ... و انا وصلت لنقطة ... وين كي منشوفكش فالنهار نهبل ... ارقدي ملكيتي قبل ما نجيبوا بيبي...
أيلول؛ بونوي راجلي  ....غمضت عينيها .. و لفت يديها عليا ... عنقتها لين رقدت ... باقي نعدي فيدي على شعرها ... عشقت يا أمير شباش يقدرك ... طبعت بوسة خفيقة على جبهتها و غفيت 
🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🗡