حب و إجرام (باللهجة التونسية )

الحلقة 30

الحلقة 30 :
أيلول؛ هههه براء توا باش تجي ياخي طلبتك من ساعتين راهو ..
براء؛  تلهيت ماكي تعرفي الخدمة .. مزال ربع ساعة ميسالش نلحقوا روطار ...
أيلول؛ هههه بالطبيعة كيف بكري
غمزتوا ... تبسم
براء؛ حاضرة
أيلول؛ امممم
هزيت الفرد ... طلعت الفاست كوير... حطيتوا في وسطي من التالي ... رجعت شعري لورا،.. باقي يتبع فيا في كل فازة نعملها ... نزلنا من الشركة ... ركبت في كرهبتوا ...وفاء خبرتها متروحش ..لازم نخليها بعيدة قد ما ننجم .... غزرت للتروفيزور .،، ريت رجالوا و رجالي ورانا
أيلول؛ براء في بالك بلي انتا المستهدف التالي
براء؛ اممم وصلني انذار
أيلول؛ باش نعملوا خطة
تلفتت هزلي بحاجبوا ،... و مبعد كمل يسوق ...
براء؛ هي ؟
أيلول؛ باش تكون بيناتنا احنا زوز كهو .....
براء؛ نسمع فيك
.......................
أمير يحكي:
ركيت الكرهبة ... غزرت للرجال اللي محاوطين البلاصة ... غزرت لرجالي من المرايا ... منعرش علاش عملت حركة كيف هكا.... ولا شقصدها ...ميكفيش انو عالم المافيا تهز على عودة.dark .... فاش قام هاذ الاجتماع توا ...حليت الباب متاع الكرهبة و نزلت ... ريڨلت الفرد تحتي ... ورايا رجالي .... دخلت للاوتال ... طلعت لين وصلت للصال متاع الاجتماع ،.. حليت الباب و دخلت ... قابلني جاك و دانيال .. وفما المساعدين زوز متاعهم ... و رؤساء اللي حاكمين المافيا متاع البلدان الصغار ... طاولة معمرة الكل حضروا .،... كان براء وهيا .. براء لتوا ما وصل و هيا زادة ... مديت يدي صافحتهم .... اصلا منطيقهمش .... قعدت قدام راس الكرسي اللي بالطبيعة متاعها ...، مدام الاجتماع هي اللي نظمتوا ... نحب نعرف شنية هدفها ... تحل الباب .... طلعت راسي ترشقوا عينيا... على يديهم اللي مكبشين ... طلعت راسي غزرتلها ... كي سيبت يدو و قدموا ...
أيلول؛ باردون عالروطار جماعة ...
قعدت عالكرسي ..
براء؛ أمير صافا ؟
أمير؛ صافا عاللخر
وقفت حطت يديها على البيرو ... عدات عينيها عليهم الكل ... غزرة متاع شك
جاك؛ سبب هاذ الإجتماع دارك ؟
أيلول؛ بون من التالي ... نظن الكل في بالكم شنية اللي راهو يصير... و اللي فما حد بيننا ... كيما قادر يكون خارجي علينا يحاول يلعب بذيلوا
سام(واحد من الزعماء الصغار ) : انتي اول واحد محل شك ... خاطرك كنت غايبة سنين و ظهرتي مع هاذ الأحداث ... بلاكشي تكوني انتي ورا هاذ الشي الكل ...
تلفتوا الكل غزرولوا .... عديت عينيا عليه ...
أيلول؛ اممممم ملي دخلت لهاذ العالم ... ولا حد تجرأ يحكي معايا بهاذ الفاسون يعني راك .... مليح كي لتوا راسك في بلاصتوا... نظن متعرفنيش بالقدا ....dark زعيمة المافيا بلا حدود ...
خبطت يدها عالتابل ...
أيلول؛ و كي يعود عيني نعمل انقلاب لا انتا و لا غيرك باش يمنعني و منحتاجش نتخفا ،... نعملوا و انتا تتفرج باهي ...
نزل راسو للتحت ...
أيلول؛ توا باش نرجع لكلامي ،،، من قبل نحينا فكرة زعيم المافيا الكل ... نقصد الدون ...و نظن تعرفوا بالقدا شصار وقتها ..، كي حب يستولي على كلش ... توا باش نعاودوا تنظىيماتنا باش ننجموا نواجهوا "العراب"
سو جونغ ( مدير التنظيمات فالمافيا العالمية) : العراب ؟؟
أيلول؛  قلتلكم اللي انا سابقتكم من بكري لتوا ...ايه ملقب نفسوا العراب .... وقت كهو و نلقاه ....
و توا باش نرشحوا دون
دانيال؛ انا نحب نترشح
أنطونيو( من أقدم مؤسسي المافيا ... و تولى منصب الدون عدة مرات.... 55 سنة ) : أمير باش ياخوا منصب الدون
دانيال؛ علاش
أنطونيو؛ خاطر أثبت كفائتوا في مواجهة آخر انقلاب صرا في روسيا و اللي نتا ما نجمتلوش ولاحد غيرك ...
براء؛ و انا موافق
أيلول؛ باش نعملوا تصويت
هزو يديهم اللي مع امير و اللي مع دانيال ... ربح أمير بالطبيعة .... و عينوه الدون ....
أيلول؛ توا نظن بلي كلش واضح ... و كل عملية لازم الدون يكون عمبالوا باها ... يعني اي تحرك غالط .،، باش يجيب الشكوك على مولاه بلي خاين لمافيا * النرد* .... امممم شي خلاف انا و براء اون كوپل توا ...
تلفتت غزرت لأمير ...
أيلول؛ يعني تحت علم الدون ... باش ميكونش فما شك انو فما تخطيط بيناتنا .... مممم بالطبيعة فما عباد فالصال هاذي عندهم شكوك ... على فكرة هذا تكرم مني .... بطبيعتي منفسر لحتى حد
ڨحرت لاكا الراجل ..... أنطونيو نظن كلش واضح ...
الكل: وي
أيلول؛ مرسي على وقتكم تنجموا تتفضلوا ....
خرجت قبلهم ... نزلت الدر وج.... خذيت نفس طويل .... الجو اللي هربت منو رجعتلوا ... كيما قالها من قبل " باش تبقاي ججزء من النرد ... خاطرك يا دارك وحدة من الأوجه الستة متاعو " دخلت فالمصعد ... جيت نقفلوا ... وقفوا بيدوا ...، طلعت راسي غزرتلوا .... كيف يڨحرلي ... طفيتوا و رجعت للتالي ... قفلوا ... باقي عاطيني بالظهر ... رجعت شعري للتالي نريقل فيه فالمراية ... تحل الباب ... كملت نريقل فيه ... تلفتت جبدني من يدي ...
أيلول؛ أمييييير فاااش تعمل سيب ...سيببببني
أمير؛ نقص حسك توا
دزني للكرهبة و ركب قدامي ...  غزرتلوا كيف كشاكشوا طالعة ...
أيلول؛ هذا الكل كي أعلنت بلي أون كوپل مع براء ولا اني باش نرجع dark اللي عرفها عالم المافيا 
أمير؛ ***** اسكت أيلوول
خدم الكرهبة و طار. بيها ... تعدا الضو لحمر ... غزرت لابوليس من ورانا ... و غزرتلوا ...
أيلول؛ البوليس وراك
زاد فالفيتاس عاللخر ... كبشت فالباب.... جامي ريتوا هكا .... وقف الكرهبة قدام البحر جو بارد و البحر هايج عاللخر ... و زيد الظلمة منظر يخوف  ... نزل قعد عالقدام متاع الكرهبة و شعل ڨارو.....
#حب_و_إجرام🔫
#يسرى_أمجوج👑