حب و إجرام (باللهجة التونسية )

الحلقة 27

الحلقة 27 :
أمير يحكي :
هاز الكاس شربتوا الكل فرد مرة ..  منيش هادي جملة ... ريتوا كي دخل ... غزرتلوا شافني قدم عندي ... خمس يدو فيدي ... و قعد عالكونتوار ... غزر للنادل
براء؛ كاس فودكا
تلفت غزرلي
براء؛ صاڤا ؟
أمير ؛ تنجم تفهمني فاللي صار توا
براء؛ شنية؟
أمير؛ براء من التالي ... كان عندي شك ... و بعملتك تأكدت ... علاش منجمتش تعملها ؟
براء؛ منحبش نحكي فالسوجي
أمير؛ ******** بيااا توا ...
براء؛ نحبهااااا نحبهااااا صافا هكااااا ..... و توجعني فكرة انك اغتصبتهااااااا... نحبهااااا أمييير
أمير يحكي :
كلاموا التالي ... خلاني نتصدم ... خاطر توقعت كلشي غير هاذ الفازة ... هزيت كاس خلاف شربتوا ... و هو زادة باقي يشرب ... هزيت زوز قرع ... و خرجت من حب نحكي حتى كلمة ... شبيني متحملتش هاذ الفكرة بالذات ... براء !! ...صاحبي !!! .... يحبها!!!!!... . ركبت الكرهبة .... نسوق و نشرب ... كلش بدا يضبب .... بين عينيا ... تصويراتها ... الحوايج اللي صراو من لول للتالي ....نزلت دمعة مني منعرش علاش ... شصارلي ... محملتش كي قال نحبها. .. نحس روحي ناقم عليه ... كملت القرعة الثانية... الكراهب دوب ما راني نشوفهم ...حليت الباب متاع الكرهبة ... جيت شننزل قريب طحت ... حكمت فالباب .... و باقي متركز عليه .... عينيا دوب ما راني نحل فيهم ..
أيلول؛ أمييييييييييييييييييييير
أيلول تحكي :
جبدتوا من ذراعوا بكل قوتي ... طحنا من فوق الجرف ....باقيين تكركبوا للتحت .... ذراعي و رجليا تجرحوا ... هزيت راسي غزرتلوا ... دايخ !!! قدمت ليه فيسع ... طلعت راسو ... تجرح !!! و يسيل بالدم ...
أيلول؛ أمييييير أمييييير فييييق ... باش يجوا يفركسووووا ... قوووم يزززززي
باقية نحرك فيه شي ... سمعت الحس كي ماشي ... الظاهر قاعدين ينزلوا ... تي أمير ما لقا كان لبلاصة هاذي يحبس فاها ... و زيد سكران ... حتى للفرد متاعو فالكرهبة ... حليت الفرد ... 6 رصاصات كهو ..  و عددهم يبان بزاف .... شنووووة باش نعمل
أيلول؛ نورمالموا نخلي جدك هنا ... مكفاش اللي درتوا .... افففف منك أمير افففف ....فيييق أماااان
باقية نخبط فيه بالشوي على وجهوا ..  حل عينيه بالشوي ... الجرح اللي فراسوا ... باين خطير .. حتى ذراعو ...
أمير؛ أه .. ه ...هاذي نتي
أيلول؛ لا الشجرة ... قوم فيسع
أمير؛ أخطيني
أيلول افففففف معمن نحكي ... سكران و زاد تجرح ... تقول نخليك هنا
أمير؛ تعرفي اللي اللوك هذا بدلك كامل ...
جبدتوا من يدوا ... بسيف ما وقف ... ركزتوا عليا ... و
أيلول؛ هيا ماشي فيسع ... لازم نتلفوهم ...
أمير؛ هههههه ترديلي فالفازة اللي عملتها معاك
تلفتت ڨڨحرتلوا ... و وربنا فخطواتنا ... كل مرة يتعكل في حاجة ... ظاهر شرب عشر قرع فودكا السخطة ... لقينا كهف ...
أيلول؛ أمير ايجا ندخلوا هوني
تبعني من غير ما يحكي ... باقي يغزرلي كهو ... دخلنا ... هزيت حطب مطيش على برا ... غطيت بيه الكهف لين ولا مموه ... شعلت الفلاش متاع التيليفون ... و غزرتلوا ... طرشق بالضحك ...
أيلول؛ فما كلون هوني ؟
أمير؛ امممم
أيلول؛ حط يدك على راسك يحبس الدم
أمير؛ يهمك برشا ... أما
أيلول؛ يزيك من التخلويض ... نص ليل راك ففددتني بالحق ...
أمير؛ علاش رجعت هكا ...هههههه ... يعني انتي وليت مزيانة أما ...
أيلول؛ اششششش نسمع في حس باز قربووووا
رميت يدي طفيت الفلاش ... رعشة سرات فيا ...بلعت ريقي ... نفسي بدا يعلا ... الظلمة بحد ذاتها تفكرني بأكا الليلة ... حسيت بيه كي جبدني ...جيت فحملتوا ... لف يديه على كرشي ...ظهري على سدرو ... جيت باش نتحرك كبس عليا ...
أيلول؛ فااااش تعمللللل ؟!
أمسر؛ اشششش
الحس قرب لينا ... بقيت ساكتة .... ملازمش يشلقوا بينا.... قص عليا كي قرب لوذني و همس
أمير؛ علاش تعمل فيا هكا ... منجمش نشوفوا يحبك أيلول ... و منيش باش نسمح.... الكره اللي بيناتنا .. أقوى من الحب ... على اذاكا حد ما يقربلك مادامني عايش ... و اللي يحب يختارك ... يكون اختار الموت ... انتي ملكي أيلول ... تاعي بـرك .. و بالقوة زادة ...
أيلول تحكي :
دوب ما بعد الحس ... شعلت الفلاش ...خبطتوا بذراعي فلتني ... تلفتت ڨحرتلوا ....غزرلي بنظرة ذابلة أما كلها تحدي ...
أيلول؛ سي أمير راك تحكي مع dark موش أيلول ... نظن تعرف عليا و كان مسمعتش سقسي صاحبك شكوني ... أنا اللي نحط القواعد ... و رايي اللي يمشي ..
أمير؛ باش نشوفوا
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫