حب و إجرام (باللهجة التونسية )

الحلقة 17

الحلقة 17 :
حليت عينيا ... عديتهم عالبيت الكل ... موش غريبة عليا هاذ البيت ..  دار أمير ... جيت شنقوم .. حسيت بوجيعة في كتافي ... غزرتلوا كيف ملفوف بالفاصما و الدوا فوق التابل ... تركزت بيدي الثانية و قمت ... تي وجيعة موش نورمال .. أصلا الرصاصة اخترقت نص كتفي ... حليت الباب ... باقية نمشي بالشوي ..لين وصلت للتحت لقيت البون
البون؛ مدموزال صافا ؟
أيلول؛ اممم وين أمير ؟؟
البون؛ خرج في قضية موش راح يطول ...وصانا نتلهاو بيك ... دوك نوجدلك الفطور
أيلول؛ أوكي مع نيسكافي عيشك
البون؛ حاضر
راحت ... مشيت تكيت عالفوتاي ... تكيت راسي للتالي .. منعرش كيفاه باش نواجهوا توا ... تي منعرش حتى كيفاش بستوا ... أصلا اكا الجرأة اللي جاتني موش متاع أيلول ... هي جانب من جوانب شخصيتي الثانية ... للي عديت وقت ... نمحي فيها توا نعرف اللي كل مرة يخلوني نوحل مع روحي من جديد ... طبطب الباب ... ريڨلت قعدتي ... باش نشوف ردة فعلوا ... اماطلع خاطيه ... طلعت اكا الطفلة اللي نهار شافتني .... دوب ما دخلت حسيتها تصدمت كي شافتني ... نعرف فاش تخمم بالظبط ... قدمت بخطوات متثاقلة ... كانها تحب تفهم ... تكيت راسي للتالي و غمضت عينيا ....
منال؛ بلاهي مصح رقعتك ...كل مرة نلقاك هوني ياخي!!!!
أيلول؛ نقص حسك عالصباح
منال؛ شنننننننننننننووووووووووة !!!! ليا تقولي الهدرة هاذي ... تبانلي متعرفيش شكوني مليح
أيلول؛ هه شكونك
منال؛ درتي روحك معرفتينيش !
أيلول؛ من التالي علاه جاية عندي
منال؛ زوج كلمات منزيدش بعدي على أمير خاطر متتصوريش واش نقدر ندير
نزلت راسي ضحكت بالصوت. .. طلعتوا قدمت ليها جات عيني في عينها
أيلول؛ مالا شنقولك انو أمير اللي تحكي عليه ولا متاعي و برا اعمل شنتجم بب متنسايش تقفلي الباب وراك باي ...
خرجت تغلي ... خبطت الباب عاللخر ... ضحكت منعرش علاش عجبتني الفازة اللي عملتها ... رغم انو امير موش باش يعجبوا الشي ... رحت نفطر منجمتش نهز حتى الكاس ... كتفي نحسوا شيطير من بلاصتوا ... طلبت مني وحدة من لي بون تعاوني اما رفضت ... خرجت من الكوجينة ... حاسة روحي مهدودة عاللخر ...طلعت للبيت ... ترميت عالسرير ... نغزر للسقف ... منعرش قداش تعدا وقت و انا اكاكا ... لين حسيت الباب تهد ... كملت نشوف مع السقف من غير حتى رياكسيون ...
أمير؛ *** شعملت أيلووووول ... تي بحالتك هاذي و تعمل مع منال هكاك ... متنسايش روحك هاذيك حبيبتي ... معندكش حق تبكيها هكاك... تي منين تعرف اللي هي مجرد تعدية وقت ... وين تعرفيني باش تقوليلها هكاك ... منال موش تعدية وقت و **** كيف ما حكيت و ما نسمحلكش تقوليلها هكا ...
أيلول تحكي:
باقي يحكي هكاك ... تقعدت من الفراش ... حطيت رجليا فلرض ... الكورون ضرب في كتفي ... حسيت بحاجة سخونة في كتفي ... خاطر تركزت عليه .. غزرت للكوافوز ... ريت سلاحي و تيليفوني و الفاست زادة ... وقفت هزيت السلاح .. حطيت في وسطي ... رميت الفاست على كتافي ... و هزيت التيليفون ... تلفتت غزرتلوا الغش راكبوا عاللخر ... قدمت جا وجهي مع وجهوا ...
أيلول؛ مرسي باش نردلك معروفك
ضيق عينيه كثر ... كانوا يستوعب .. انا نشكر فيه على كي جابني لدارو ً ... و هو مغشش على حبيبتوا ولا ندرا شتكون ...تعديتوا و مشيت ... نزلت اكا الدروج ... عارضتني البون فالدروج
البون؛ مدموزاااال كتفك ينزف
تعديتها زربت في. خطواتي ... لين وصلت للباب ... جيت شنحلوا حسيت بيديه كي خبطوه ... غزرت ليديه اللي على جنبي ...
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫