حب و إجرام (باللهجة التونسية )

الحلقة 28

الحلقة 28 :
ڨحرتلوا ڨحرة متاع موت و تلفتت ...نغزر بين الشجر .. نشوف لكان راحوا ... اما مزال فما حس ...جبدت شوي ... حسيت بحاجة تمشي على رجلي ... دورت الفلاش لقيتها حشرة منعرش شنيييية ... نطرت نقز و نضرب فيها ... اذاكا اللي ناقصني ... الفوبيات متاعي الكل ... جبدت روحي ... غزرتلوا كيفاش شايخ عليا بالضحك ... طفيتوا و باقية نغزرلها ... كيف تزغد قدامي ....
أمير؛ هههههههههههههههههههه .....ههههههههههه .....  Dark الكل تخاف .....هههههه من جرد ....هههههه حشرة ....ههههههههههه
أيلول؛ صاي اقتلها برك
بعد عالحيط ... و قدملي عاللخر .. قريب يبوسني ... غزرلي في عينيا و طرشق بالضحك ... ضيقت عينيا ڨحرتلوا ... عض شفافو و تلفت للحشرة اذيكا طبس هزها ... عينيا تحلوا
أيلول؛ فاااااش تعممل
أمير؛ باش نعرفك باها ...
أيلول؛ أمممييييير متفدلكش معايا ... ابعععععععد
أمير؛ هههههه ايجاااا
قدمت عندها باقية تغزر ليدي .... جا وجهي مع وجهها ....ههه متوقعتهاش جملة ... تخاف من الحشرات ... غزرتلي فعينيا .. لمعة متاع خوف ... رميت اكا الحشرة فلرض و عفستها ....هزيت راسي غزرتلها ... جبدتها لعندي عنقتها ... باقية من غير ردة فعل ....
أيلول؛ منحملهمش هوما و الظلمة عندي فوبيا منهم
أمير؛ باهي سامحني مكانش قصدي نأذيك
جبدتها شوي من حضني ،.. لقيتها غزرتلي غزرة متاع لوم ...
أيلول؛ أما عملتها أمير ... جامي نسامحك عليها ...
أمير؛ أيلول أنا ...
قص علينا كي سمعنا صوت طلقات متاع السلاح ... قدمنا نغزروا بين الحطب اذاكا ... يبان كان الضو اللي فيدهم و صوت السلاح
أيلول؛ حاب يوصل ميساج من خلال رجالوا ... تو يروحو ...
أمير؛ كيف عرفتي بلي مستهدفيني ؟
أيلول؛ كي تصحا نحكيو ... منعرش قداش من قرعة شارب ..،
أمير؛ متخافش ميدوخنيش برشا نص ساعة كهو ... دوخني حاجة خلاف
هزيت حاجبي .. و غزرتلوا
أيلول؛ شنية الحاجة هاذي
أمير؛ انتي
أيلول؛ هههههههههههههه أمير ... يزي الفيلم متاعك وفا ... تعرف عرفت بزاف ساقطين في حياتي أما كيفك مريتش
جبدني من ذراعي ،.. رجع بيا للتالي ... خبط ظهري فالحيط .،،حسيت مسلاني طار من بلاصتوا .... طلعت راسي ڨحرتلوا ....
أمير؛***** في بالك اللي انا ننجم نظرك اكاكا ... ******* كي يعود عيني فالشي هذا ... كاين مليون وحدة ... بإشارة مني كهو ناخو اللي نحب عليه ... حتى نخمم اني نعمل هاذ الشي معاك و انتي مخدرة ،.. فييق أيلول
أيلول؛ هدرتك اللي قلتها ...و
أمير؛ أيلول برا اعمل فحص تتأكد صافا هكا
جبد روحو .. قعد فالارض ...جبد ڨارو و بدا يتكيف .... قعدت أنا زادة كل مرة نرمي عيني ليه .... مصدقة و موش مصدقة كلامو ... منعرش علاش تخلطت ...موش حاب ينتقم لعشيرو ... أفكار تدي فيا و تجيب منحبش نسقسيه أصلا...البرد يقتل ... تلكمت على روحي .. لابسة تريكو فوق اللحم كهو مع سروال ... باش نتجمد ... ضميت راسي مع رجليا ،،،، و حطيتهم عليه ....حسيت بالفاست متاعو كي تحطت على كتافي ... طلعت راسي غزرتلوا كي ولا لبلاصتوا ... لابس تريكو ديميمونش ... غزرت للفاست اللي عليا ... حسيت بحاجة منعرش ...حكمت الفاست ووقفت ...  باقي منزل راسو يرحي فالدخان ..  قعدت قدامو هزيت الفاست حطيتها علينا الزوز ... نزل راسو غزرلي .. طلعت راسي غغزرتلوا من غير ما نبين تعابير وجهي ... تلفتت ... جبدني من كتافي ... حطيت راسي على كتافو ... باقي لاف يدو عليا ... حط الدخان ريڨل الفاست ... و هزوا
أمير؛ ارقد شوي
لزيت ليه ... كثر ...دخلت راسي في رقبتوا ... پارفانتوا المخلطة بريحة الدخان ... ياسر دوخ ... نفسي بدا يرزان ... لين غفيت
🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام