حب و إجرام (باللهجة التونسية )

الحلقة 33 بارت 2

أيلول؛ اللي خفت منو وقع ... الكيلر مصدقش حكاية انو انا و انتا كوبل ... يعني كيف ما توقعت ،.. وقت سقساني اذا عرست ولا لا ... خبرتوا اللي انا و انتي كوبل ... باش ميخممش في أي ثنية ... اما فالتالي شرطوا طلع
براء؛ شنية؟
أيلول؛ نعرس
براء؛ شنووووووووووةة ... مستحيل تقبلي موش هكا .... باش نلقاوه العراب ... ماكش ملزومة تعرسي
أيلول؛ مسمعتش شنية اللي صار
براء؛ شنوة ؟
أيلول؛ مبعثولكش ميساج ؟
براء؛ اي اما مريتووش !!!
أيلول؛ جاك و دانيال صايي
براء؛ شنننننننوووووووة !!!
أيلول؛ هه متتفآجأش برشا ... مبعد نحكيو براء ...
مشيت مستنيتش ... الرد متاعو انا بنفسي ... موش مصدقة اللي نعمل فيه ... أول مرة نتلز ... نخاطر هكا ... اما دوب ما نعرفوا ... شكون ... باش نوريه شمعنى يلعب معايا حليت الباب ..جات. عيني فعينوا ...
أمير؛ وين رحتي ؟
أيلول؛ غير هنا ....صافا توا ؟
أمير؛ اممم مليح
غزرتلوا و مشيت للبلار ... الكيلر مدلي أصعب ثمن ممكن ناخذوا كنت متأكدة ... اللي شرطوا باش يكون حاجة كيف هكا ... على اذاكا طلبت من براء اكا الخطة ...
أمير؛ شفما ؟
تلفت غزتلوا...كل ما نغزر للجرح ننقم عالعراب أكثر ...
أيلول؛ شي أمير ... جعت تحب نجيبلك شي
جا باش يقوم ... نطرت جيت قدامو ...
أيلول؛ فاااش تعمل ريض
أمير؛ اقعد و احكيلي شفما ؟
قعدت على طرف السرير ...باقية نغزرلوا ... نزلت بعينيا للجرح اللي فنص سدرو ...
أيلول؛ باش نعرس
أمير؛ شنننننننننوة
أيلول؛ كيف ما سمعت امير تقعد جبدني من وجهي بيدو ... حسيت صوابعو ترشقوا فيا ...
أمير؛ نقتلك ... وراس امي نقتلك أيلول ... متخممش جملة فاها ... صدقني غشي خايب ... و الله نقتلوا قدامك ... متقوليلييش براااء ؟!

#يسرى_أمجوج
#حب_و_إجرام