نغزر للكلمات غمضت عينيا ،.. عديت يدي على شعري بلاكشي ...نهدا و ما نعمل حتى غلطة توا ...هزيت الورقة ... باقي نرشق فاها القارو...كل كلمة حرقتها ... باش نحرقوا ....الا ما نعرفوا شكون ... هزيت راسي غزرتلها منحبش نحكي معاها جملة ... متحكم في روحي قد ما ننجم ..، كلشي لازم يبقا في بلاصتوا ..
مشيت للكوافوز ...هزيت تيليفوني ...كلمت واحد من رجالي يحضر كلشي الشهود و العدل ...في داري ..، علقت و غزرتلها كيف تغزر من البلار ،.
أمير؛ تو نخالط عليك
تلفتت خرجت من غير ما نغزرلوا ... جيت نازلة ... ريت الفرملية هازة طفل صغير الظاهر توا وين زاد ... و معاها زوز بوليس ... الطفل الظاهر معندوش يوم ملي زاد ... مزال لحموا حمر ... منعرش علاش ركزت معاهم ... باقي يتعاود في وذني كان صوت البكا متاعو ... هزوني رجليا ليهم ...
أيلول؛ شبيه الطفل يبكي هكا ... قريب يموت من البكا ...
الفرملية؛ مجاتش الطبيبة .. و هو جيعان محبش يشربلنا الحليب هوني
أيلول؛ ويني مو ترضعوا
البوليسي؛ هربت
أيلول؛ شنييية كيفاش هربت
البوليسي؛ خاطر ولد غير شرعي ... و خلات ورقة تنازل عالوصاية ... ماك تعرف الجيل الصغير هاذا كيف طايش
أيلول؛ بلااااهي !!!!
باقية نغزر للفرملية .... كيف تهز فيه باش تفعصوا الطفل.... رميت يدي خذيتوا من عندها ..
الفرملية؛ هاي يا شسمك شتعمممممل !!!!
هزيت راسي ڨحرتلها .... و نحاول نسكت فالطفل اللي بدا يحبس فالبكا ... المسكين كانت كابسة عليه ...
أيلول؛ كون ماش الطفل فيدي ..، تو نوريك شمعنى تقوليلي ياشسمك
الفرملية؛ بلاهي حضرة الظابط ... تهدد فيا على عينكم ... و خذات طفل من مسؤولية السبيطار ..و
أمير؛ موش من مسؤولية السبيطار ... من مسؤوليتي ..،
تلفتت غزرتلوا ... الزوز بوليسيين اللي كانوا واقفين ... لونهم تبدل
المفتش؛ سي أمير صافا انشالله بخير
أمير؛ امم حمدالله فهمت بلي الطفل هذا للتبني ...
البوليسي؛ اما لازم عايلة سي أمير ... و انتا
أمير؛ الظاهرلي عندك مشكل فعينيك ..، ماكش ترا في مرتي قدامك ...
تلفتت غزرتلوا على كلمتوا التالية ... قلبي خض عليا ... كورون قوي سرا في كرشي ... بلعت ريقي ... نستوعب اللي صار توا ...
المفتش؛ آ مبروك سي امير مفيباليش عرست
صافحوا
أمير؛ باش نهزوا الطفل معانا ... ميجيش نخلوه هكا ... و يتلها بيه طبيب القصر متاعي ... و الورق تعرف وين تجيني و نفرزوهم
المفتش؛ باهي سي امير ...طلباتك أوامر ...
تعداه من غير حتى كلمة ... خالطت عليه في يدي الطفل...احساس غريب متملكني ... و هو راقد في حملتي ... باقية نغزرلوا كهو ... اصلا تشديت فيه ... و دوب ما عرفت انو توا ولا بلا ام و بو ... قلبي وجعني ..، اما ما كانتش عندي الشجاعة انو نتبناه ... تلفتت غزرت لأمير ..، ملامحوا الباردة متعكسش خلاص داخلوا ... منعرش شنية التالي اما المهم انو نطمن على هذا الصغير و خلاص ... تلفتت غزرلي ... فهمتوا يفركس عالمفتاح ...عملتلوا اشارة بعيني بلي فجيب السروال... خاطر منجمش نجبدو ... قدم عندي رما يدو للجيب ... جبدوا من غير ما يغزرلي ...باقية نتبع فيه بعينيا... تلفتت غزر للطفل ..، طلع يدو ريقلوا الغطا ... و مشا ... حل الكرهبة ..، حللي الباب ...
أمير؛ هات الطفل اركب سع
مديتهولوا ... ركبت ّ... طبس يمدهولي ... حكمتوا باقية نغزرلوا ... دوب ما طلع راسو شوي ..، جات عيني في عينو ... عدا عينيه على وجهي و طلع فيسع ... قفل الباب متاع الكرهبة ،.. و ركب ...
🔜🔜🔜🔜🔜🔜🔜🔜🔜🔜🔜🔜
#حب_و_إجرام
#يسرى_أمجوج👑
أنت تقرأ
حب و إجرام (باللهجة التونسية )
Action#حب_و_إجرام🔫 كرونيكتي الجديدة اللي باش تهزكم من عالمكم لعالم الاجرام... وين الكل وقع على حياتو ... و راهن عليها أكبر رهان ممكن يعملوا ... بعد #خطوة_نحو_الجحيم🔥 باش ندخلوا في تجربة جديدة ... و أحداث جدد ...تفاصيل تحبسلكم انفاسكم و تخليكم تقراو السط...
