حب و إجرام (باللهجة التونسية )

الحلقة 22

الحلقة 22 :
جبد روحو شوي ... ضحك استغربت من ضحكتوا ... قص عليا وقت سمعت ضحك من التالي ... هاذ الصوت بالذات نعرفوا ... رعشة قوية سرات في جسدي ... خلاتني نجبد روحي و نتلفتت ....  طاحت عيني في عينوا .... عينيا تحلوا متوقعتش جملة يكون هو ... قاعد و بالمرتاح .... تلفتت غزرت لأمير نسال فيه بعينيا .... علاش و شصار و ... برشا أسئلة ... أما من غزرتوا فهمت كلشي ... غمضت عينيا ... تبسمت و غزرتلوا ...
براء؛ غزرتك تبين أنو معجبتكش السورپريز عزيزتي
أيلول؛ هه شنوة براء ... وليت تقليدي برشا لدرجة أنو تستعمل الطرق البايخة هاذي
براء؛ هههههه أيلووول تذكر أنو قتلك يجي النهار هذا اللي تكوني قدامي و متنجمي تعملي شي
أمير؛ هههه براء توا راهي ما فاهما شي خلي نفهمها ما يجيش
أيلول؛ من غير ما تحكي جرد طعم هههههه بلاهي معايا اللعب هذا ... برااااء نظن متذكر آخر مرة شعملت في اكا الساقط صاحبك
حسيت بيديه كي كي تغرزوا في كتافي... طلعت عينيا غزرتلوا..  يحكي و يلز على سنيه ...
أمير؛ الساقط اللي تحكي عليه كان عشيري ... تعرفي شمعناها عشيري ... عندي عامين نفركس عليك ... كلشي صرا لتوا من اكا الديسكو كنت مخططلوا بالحرف ... و انا اللي حرضت خطيبك السابق باش يتبعك ... كلشي لتوا كنت حاسبلوا ... امممم ختمتها زادة ب ....
غزرلي ملفوق للتحت ... ضيقت عينيا ... فهمت الغزرة هاذي ... قلبي خض عليا ... نبضات قلبي زادت ... بلعت ريقي بالسيف ...محال تكون الفكرة اللي فراسي ..
أمير؛ ههه كيف ؟ خاطر خدرت الماكلة اللي تعشيتيها ... هههههه تعرفيه نوع المخدر هذا أكيد ...
أيلول؛ ساااااااااقط .... تو نوري....
جيت شنهز يدي ... رخفت ... ضبابة سرات على عينيا ... صوت ضحكاتهم ماشي و يبعد... قد ما حاولت نحلهم شي ... الظلمة غطات على كلشي و ما عاد حسيت بشيً. ً..
.............
وفاء؛ منعرش نضال توا راني في يومين نطلب فاها ... اما شي باش نهبل راني
دموعها نزلوا ... قدمت عنقتها ...
نضال؛ خلاص يزي ... ماو تعرفها أيلول تحب تجبد روحها ساعات ... تركح جوها و ترجع ..
وفاء؛ أمـ ...ا جامي غابت بلا ما تخبرني هكا ... موش مطمنة جملة .... باز يكون عمها عندو يد فالشي ... و وقت هجموا عالفيلا ... افففففف مخي باش يتحرق ...
نضال؛ وفا عيش حبي اهدا ... هاني بعثنا الرجال متاعي و متاعها ... تو يجيبولنا  خبر ... اهدا انتي توا ....
وفاء؛ افففف
🔜🔜🔜🔜🔜