حب و إجرام (باللهجة التونسية )

الحلقة 26

الحلقة 26 :
جريت للطاقة ... باقية نفركس على اللي رما ...
أمير؛ سلاح مؤقت فيه مستشعر لطلوع القمر ... يعني كي يطلع القمر البرمجة اللي فيه تخليه يصوب تلقائيا ... سهم واحد و سم معندوش علاج ..  خمس دقايق يطيح الضحية ..
غزرت للسلاح اللي محطوط خارج الفيلا عالشجرة ... و تلفتت غزرتلوا ... هزني و حطني ...هزيت حاجبي نحكي
أيلول؛ شتعمل هوني انتا ؟ آآآ نتا ورا التمثيلية هاذي زادة ... ههه ممليتش من لعب دور البطل ... موش كل مرة تعدي عليا ... احترم ذكائي شوي
أمير؛ نظن انتقمت كيما نحب ... يعني كلش تقفل توا
أيلول؛ صدقني الثمن باش تدفعوا غالي ...باش نخليك تبكي كيما جامي بكيت ...ولا ما نتسماش dark ...
أمير؛ هه على هاذي رجعت لون شعرك ... وتفاصيل dark ... هذا الكل خاطر اللي عملتوا فيك انا هههه_!؟
أيلول؛ هه لا اطمن dark من بكري موجودة ... و باش تبقى ...
أمير؛ باش نخبرك انك غلطت فوقت عودتك ... و مزال حساباتنا
عطاني بالظهر ... باش يخرج
أيلول؛ بالعادة أعدائي نحيهم من الطريق بزوز رصاصات... اما انتا بالذات باش نجرب معاك شي مختلف
أمير؛ باش نستمتع
خرج ... تلفتت غزرت للسهم اللي رشق ... يعني بالحق طلعت وحدة من الأهداف الستة ....
➖➖➖➖➖➖➖➖➖➖➖➖➖➖فلاش باك ➖➖➖➖➖➖➖➖➖➖➖➖➖
أيلول؛ وفا تنحالك الغش ؟
وفاء؛ لا مزال ياخي تغيبيها ... تخليني حايرة اكاكا نلوج عليك كيف المهبولة ... فالتالي تقوليلي طلعتي رحلة لإسپانيا ....
أيلول؛ وفا تعرفني وقت نفد
وفاء؛ كنت تنجم تخلي ميساج ... و كان هكا فاش ترجع شكل dark موش كلش وفا ... بين ليلة و نهار ديسيديتي ترجعي لكلش عانيتي منو من قبل ... عييت نفهمك ... و قررتي كان كي وحلت فالعالم الأسود ...
ايلول: علاش شصار ؟
وفاء؛ مفيبالكش بلي ماكس زعيم المافيا الصينية تقتل وقت جا هوني لنيويورك ... باش يشرف على صفقة المخدرات
ريقلت قعدتي ... واحد كيف ماكس يتقتل بالسهولة هاذي ... أكيد ففما حد كبير ورا الحكاية ....
أيلول؛ شكون ورا الحكاية ؟
وفاء؛ مبانش صاوبوا قناص محترف ... و خلالهم ميساج ... انو العالم الأسود باش يتقلب جملة ... و أول راس راح ... مكتوب بالتركية
أيلول؛ بالتركية ؟؟؟
وفاء؛ اي و توا انتي مدام مزلتي ما استدعيتيش رجالك ... و ما شغلتيش حساباتك فالبنكا و الشركات المشمعة ... متعملي شي ... عالأقل لين تتوضح الحكاية ... خاطر باش تكوني أكبر هدف ينجموا يوصلوا ... ما صدقوا أنك سيبون معدتيش فالساحة ...حقا أمير زادة نظن باش يكون فخطر ... بحكم حاكم المافيا الروسية ... صحيح بعد ... اما متنازلش على منصبوا .. اما نظن هو زادة باش يكون هدف
أيلول؛ باش يستهدف جاك زعيم المافيا الأسترالية ...دانيال زعيم المافيا المكسيكية ... براء زعيم المافيا الفرنسية ... أمير زعيم المافيا الروسية ...
وفاء؛ و ظهورك باش يخليك هدف...   dark زعيمة المافيا بلا حدود
أيلول؛ منجمش نتراجع توا وفاء ... فما حسابات لازم نريڨلهم
وفاء؛ تفدلكي موش هكا !!! ياخي تكوني عمبالك بلي حاب يعمل الإنقلاب متكونيش انتي اللي
أيلول؛ لا منيش أنا .... اما فضول كبير يخليني نحب نعرف شكونو هذا ... باش نستمتع
وفاء؛ منظنش باش تبدلي رايك ... على اذاكا من غير ما نحكي ... هاني في بيرويا
أيلول تحكي :
تكيت راسي التالي ... أفكار برشا في مخي ... هذا الضغط اللي كنت فيه رجعتلوا .... رميت يدي للبيسي ... حليت لي كونط متاع حساباتي... جيت نكتب المودباس ... وقفت منعرش اما اول مرة نتردد في قرار... رميت يدي كتبتوا و درت entrer ...قابلتني اكا الجملة اللي خلات كلش صرا يتعدا قدام عينيا .... * تم تفعيل حسابات dark * ... جبدت يديا ... قمت هزيت ساكي ... غزرت للمرايا ... توا بالحق ضاعت أيلول فملامح dark ... كلمت اللي حاكم رجالي
أنس؛ أيلول مثبتة تحب ترجع ؟
أيلول؛ أنس من وكتاه نخمم مرتين
أنس_؛  باهي باش ترجع للقصر ؟
أيلول؛ غدوة نحب كلش حاضر ...
أنس؛ باهي welcome back dark 
أيلول؛ thank's
➖➖➖➖➖➖➖➖➖ الحاضر ➖➖➖➖➖➖➖➖➖➖➖➖➖➖
أمير يحكي :
خدمت الكرهبة ... باش نطرشق من العصب ... نسوق و تفكيري مخلط ... من جيهة الإنقلاب منجمتش نعرف شكون وراه ... واللي صرا دوكا ... خلاني نتأكد انو هي خاطيها ... هي زادة هدف ليه .... ياخي شكووونو هذااا شكووون ... خبطت الفولون .... شديت فران بالقاوي ... هزيت التيليفون ....
أمير؛ براء لاقيني فالديسكوا عندنا ما نحكوا
براء؛ باهي
🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام