الحلقة 16 :
أيلول؛ سوپرااايز
نطر من الكرسي ... غزر للسلاح اللي في يدي و الدم اللي عليا الكل ..
مجد؛ أي .... لووووول
أيلول؛ أووووه شنية ما عجبتكش المفآجأة متاعي
مجد؛ ك ك كيييف و
أيلول؛ هه كيف وصلللت بلاهي هذا سؤال تسالوا ... الكل ننجموا نوصلوا موش هكا خطيبي السابق ... أممم بيروك باهي برشا حتي الفيلا مااحلاها اما دوماج توسخت برشا بدم رجالك المطيشين برا ..
مجد؛ انا
أيلول؛ انتا تعديت حدودك برشا السي شباب ... اغلط اي غلطة اما متغلطش في حق أيلول ...
ريقلت السلاح و غزرتلوا في عينيه ...
مجد؛ لا ماكش باش تعمليها ... وكتاش تعلمتي تهزي السلاح..
قدمت لين وصلت ليه ... قعدت عالبيروا ... عديت السلاح على وجهوا لين وصلت بين نص عينيه ... نحس فالرجفة متاعو بسلاحي ..
أيلول؛ امممم نظن أيلول متنجمش تعملها أما dark تنجم .. تعرف dark موش هكا ؟
مجد؛ تتتت...قصد اللي اننن ... تي
أيلول؛ باي باي وليد عمي
صوبت عليه من غير نخمم مرتين ... دمو طرشق عالكرسي وراه .. جبدت السلاح من قدام وجهو ... هزيت الفاست حطيتوا في وسطي .. و نزلت من فوق البيرو ... دوب ما تلفتت جات عيني في عينوا ... يغزرلي ... غمضت عينيا بالقوة و حليتهم ... تلفتت غزرت لكتافي اللي ينزف ... تذكرت اكا القناص اللي فوق الفيلا كي صوب عليا ... و توا فهمت نوع الرصاصة ... الضباب بين عينيا زاد كثر ... حاولت نتركز بأي شي نلقاه قدامي اما .. كلشي ظلام و معاد حسيت بشي ...
............
وفاء؛ تي نضال أفكارك عجيبة برشا ... جامي توقعت نروح رحلة تخييم هكا .
نضال؛ هههه ما شفتي والو
وفاء؛ ههه صحا بعد ما نصبنا الخيمة و شعلنا النار ؟
نضال؛ نروح نجيب المطارق متاع الشوا و الحوايج لخرين ...
وفاء؛ اوكي هاداك هو نعيط لأيلول نطمن عليها و نخبرها اللي احنا باش نباتوا نضال؛ اوكي
تبسمتلوا ... هزيت تيليفون جيت شنكلمها مكانش ريزو ... تي مالا حالة.. احسن شي نخليلها مساج .. وقت يرجع الريزو يتبعثلها ... قمت نعاونوا ..
نضال؛ عيطتيلها _؟؟
وفاء؛ مكانش ريزو
نضال؛ آآآ ينقص في بلايص كيما هاذو مي يرجع ... اصلا اخترت مناطق تخييم ... باش نتفادى أي خطر .. اغزر هوكا كوپل شيخيم قريب منا ... فما زادة لي فامي ...
وفاء؛ وقت نكون معاك نعرف باش نكون ف أمان ...
نضال يحكي :
جيت نهز لي بوات ... اما طلعت راسي على كلامها التالي ... غزرتلها كي هزت الزربية و مشات ... يعني هدرت بلا ما تفيق ... اصلا الطبيعة هاذي ديما فيها... تبسمت من عفويتها ... هزيت لي بوات و لحقتها... عدينا نص للنهار اللي بقا نفدلكوا بعد ما تغدينا ... الظلمة بدات طيح .. تكينا للتالي نغزرو للشمس كيف تغرب
وفاء؛ مرسي نضال جورني موش نورمال
نضال؛ مكانش مرسي بيناتنا ...تعديناها مرحلة المرسي
وفاء؛ و توا احنا في مرحلة شنوة هههه
نضال؛ مرحلة انو بديت نحبك !!
🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫
أنت تقرأ
حب و إجرام (باللهجة التونسية )
Action#حب_و_إجرام🔫 كرونيكتي الجديدة اللي باش تهزكم من عالمكم لعالم الاجرام... وين الكل وقع على حياتو ... و راهن عليها أكبر رهان ممكن يعملوا ... بعد #خطوة_نحو_الجحيم🔥 باش ندخلوا في تجربة جديدة ... و أحداث جدد ...تفاصيل تحبسلكم انفاسكم و تخليكم تقراو السط...
