حب و إجرام (باللهجة التونسية )

الحلقة 7

الحلقة 7 :
أيلول؛ لا اللي يهمني اني نعاود نلقا اكا الفرخ ... نوريه اللعب بالقدا ...
وفاء؛ ماكش رايحة تحبسي هكا أيلول
أيلول؛ لا باش نحبس وفا ... انتي كهو اوثق فيا ...
وفاء؛ باش تهبليني عقاب عمري راو
أيلول؛ بووو زينو اللي يحكي تونسي
وفاء؛ ههههه تلفيني هكاك
أيلول؛ وجدت البون الفطور جيعانة برشا ... و زادة راسي باش يطرشق لازم دوا ...
وفاء؛ و بعدها باش نروحوا للشركة
أيلول؛ باهي ايجا نفطروا
............
واقفين قدام الباب متاع دارهم
أمير؛ وراس حبي هذا اللي صار
منال؛ كي عاد هكا ... علاش باقية تحكي معاك كانت تنجم تقولك صحيت و تروح
أمير؛ منال اغزرلي تعرفني بالقدا وقت يكون فما شي كنت نخبرك ... منحتاجش تساليني و تحاسبيني ... تي اصلا منفسرش للعباد شنعمل ... و تعرفني وقت كان عيني فالبنات شعملت ... من غير ما نحكوا توا ... وقت تصدق و تتعلم تاثق عيطلي باهي
مشيت منحبش نتلفت نغزرلها ... العصب ركبلي وصلت للتوب ... توا عندي عام نعرفها... بحكم دخلت كراعي لشركة أزياء ...عرفتها صدفة وقتها كان نص ليل ... و كانت تطلب في تاكسي في روسيا ... وصلتها من اذاكا ولينا صحاب ... بحكم فدلاكة برشا و شخصيتها حلوة ...نجمت تنسيني شكنت نعمل في عام كامل ... الحب في حياتي كان عندو جانب تدميري ... خاطر وقت حبيت وحدة موش من نصيبي ... على اذيكا قررت نتجاوز كلشي ... و نسافر لروسيا ... نركز على خدمتي ... اما اللي صار انو باقي نخمم... باقي موجوع منجمتش نتعدا كلشي ... و نغمض عينيا و نقول كلشي وفا ... هذا الشي خلاني نروح لطريق الشراب و البنات ... كنت كل ليلة مع وحدة ... اما مع الوقت فديت ... و لقيت روحي ... قاعد نضيع كهو ...على اذاكا غطست فالخدمة لين عرفت منال ...  زدت قنعت اكثر ... يمكن خاطرها قرات علم النفس نجمت تضغط عالجانب اللي مجروح فيا ... و تنجم تعاوني نتجاوز كلشي ... غطست راسي فلورق نحب ننسا كهو ....
.......
أيلول؛باهي نحب الأرباح في فرع فرنسا تزيد يعني مدخولها بالمقارنة مع الفروع الكل ناقص ... على اذاكا نحب مجهود اكبر فالمشاريع الجاية ... و نحب التفاصيل القانونية الكل ... اممم و نحب الفريق للتقني يتأكدلي من معايير الجودة متاع الروج الجديد اللي خدمناه لازم يكون فالمستوى ... و يحدث ضجة فعالم المايك آب ... هذا يخلي البراند <she>... تطلع في أسهم البورصة ...امممم نظن بلي الاجتماع خلص ... باش نكم ل ندرس ملفات المبيعات ... و قبل ما ننسى ... ميشال نحتاجوا عارضات جدد ... باسكو االروج الجديد ...لازم نعرضوه مع بداية العام ... و نسموها the New Year collection.
ميشال؛ أوكي
أيلول؛ الاجتماع خلص تنجموا تتفضلوا لخدمتكم ....وفا الحقيني للبيرو ...
دخلنا للبيرو وحلنا مع الخدمة ... تي تعب كبير ... كنت ديما نخدم اما توا كلش ... في يدي و عليا ...تعداو ساعات تلفتت لوفا رقدت .... غزرت للساعة 8 ... طبقت الدوسي ... غمضت عينيا تعبت برشا ... اما موش من الخدمة بالعكس .. هي جيست سبة كهو باش نتجاوز ...  قمت من بلاصتي قومت وفا ... بسيف ما راهي تمشي ... اصلا تعبتها برشا  ... وصلنا للدار سندتها عليا لين وصلتها لبيتها ... غطيتها مليح و خرجت ...رحت لبيتي رميت الطالون و تكيت للتالي ... تذكرت اكا الساقط الدم طلعلي ....
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫