جبدتها شوي كبشت فيا كثر ... شوي كهو و جبدت روحها ... نسمة باردة عاللخر ...باقي نغزرلها... كيف تغزر للبعيد .. تلفتت غزرتلي ...
أيلول؛ الناس عندها يوم تحتفل بيه كل عام .. اما انا عندي يوم نتمنى فيه الموت ..
أمير؛ علاش
سكتت نزلت راسها ... مبعد طلعتوا غزرت للسما ... نزلتوا و مشات خطوات ... لين وصلت للشجرة قعدت ... و تكات راسها للتالي ... تبعتها. .. قعدت جنبها ... محبيتش نحكي ... وقت تكون هي مرتاحة باش تحكي وحدها ...باقي نغزرلها و كهو .. نغزر لكل دمعة قاعدة تنزل ... رميت يدي مستحتهم ... غزرتلي مبعد حطت راسها في حجري ...كبشت في يديا ..
أيلول؛ ه ه ااذ النهار اللي أنا وليت وحيدة فالدنيا هاذي ... فهاذ اليوم ماتت ماما و بابا .... من اكا النهار و أنا وحدي لليوم .. و باش نبقى .. تعرف شنية اللي يوجع فيا. .. انو محتاجة أمي تعدي يديها على وجهي و تقولي اللي كلشي باش يكون مليح ... حتى لو موش باش يكون ... محتاجة بابا اللي يعلمني كيف نسوق الفيلو... هه من غيرو علمتني الدنيا كيف نهز السلاح و نقتل ... الناس يتمناو الدراهم و السلطة ... اما الشي الأهم اللي ما يتمناوهش هو ريحة امهم و بوهم ... نظن هاذي الحاجة اللي باش تخليني معقدة طول عمري منها ... ساعات نخمم كون ما ماتوش كون توا ...رانا عايشين حياتنا كيف الناس الكل ... منوصلش نكون dark ... هه تعرف اللي أنا وليت dark فنفس هاذ النهار ...
أمير؛ شنية اللي خلاك تولي
هزت عينيها غزرتلي ... مسحتلها الدموع ...
أيلول؛ كلها ظروف كهو
نزلت راسي بستها على جبهتها ... و طلعت راسي ... باقي نعدي في يدي على خدها ...
أمير؛ صح الظروف تجبرنا نعملوا حوايج ... و نتمناو كان مصراتش جملة... اما كون معملتيش ... مكنتيش تحسي باللي صرالك ... انتي توا تتمناي انو عايلتك معاك ... خاطرك وحدك ... اما انتي موش وحدك ... الشي اللي يصرالنا متعلق بخياراتنا ...انتي مثلا كنتي تتوقعي انو باش يجي يوم ... و تحكي اللي يوجعك ليا ... و احنا دوب نعرفوا بعضانا ... هي كلها أقدار ...
أيلول؛ متوحشتهم
نزلوا دموعها ...
أمير؛ اششش يزي ..
أيلول؛ تاعبة برشا ...
أمير؛ امممم شقولك في فكرة
أيلول؛ شش .. نية
أمير؛ متأكدة انو عندك روح المغامرة ... خاطر مفماش رجعة
أيلول؛ علاش
أمير؛ اممم باش نخطفك سمانة نسيك الدنيا اللي عايشتها شوي .. و نديك لدبي
أيلول؛ دبي ؟
أمير؛ اممم
#يسرى_أمجوج
#حب_و_إجرام
أنت تقرأ
حب و إجرام (باللهجة التونسية )
Action#حب_و_إجرام🔫 كرونيكتي الجديدة اللي باش تهزكم من عالمكم لعالم الاجرام... وين الكل وقع على حياتو ... و راهن عليها أكبر رهان ممكن يعملوا ... بعد #خطوة_نحو_الجحيم🔥 باش ندخلوا في تجربة جديدة ... و أحداث جدد ...تفاصيل تحبسلكم انفاسكم و تخليكم تقراو السط...
