حب و إجرام (باللهجة التونسية )

الحلقة 35

الحلقة 35 :
أيلول؛ صار هاذي الكل خطة منك و منو ... هاكم بالقدا حسبتولها
أمير؛ محسبتش أيلول توا وين وصلني الميساج بلي انتي ... خاطر مامنتش اللي هو ينجم يعملها و أصلا حتى انا ضمن هاذ الشرط ... محبش يخبرني شكونو العراب
أيلول؛ المهم توا مفماش عرس ..تو نلقاه بطريقتي
قدم ليا عيونو حمر باش يطرشق ... دزني بمرفقوا ... للحيط
أمير؛ بلاكشي تطلع تحب براء بالحق ... أيلول متفددنيش كثر ما راني
طلعت راسي ... بغزرة كلها استهزاء
أيلول؛ شبيك قاتل روحك باش تعرس بيا ههه
كلامها كان كيف سطل الما البارد.... خلاني نفيق على روحي ... موش أمير اللي يجري جراير طفلة هكا ،.، و تكون واش تكون بعد ،.، كبريائي أهم و قبل كلشي ... جبدت روحي هزيتها و حطيتها
أمير؛ هههههه موش لهاذ الدرجة ... اتهنا منقتلش روحي على مرا .. احنا بيناتنا مصلحة مشتركة كهو ... غير هكا ميهمنيش... ميمشيش بالك للبعيد عزيزتي
أيلول؛ و انا على جال مصلحتي نعمل أي شي غدوة نكتبوا الصداق .. دوب ما نوصلوا للعراب ... نفسخوها شقولك
أمير؛ باهي
غزرتلوا كي تلفتت ... عطاني بالظهر .. تي في دقيقة تحول ... تقول ماهو نفس العبد اللي كان بقربي توا ... و باسني ... فقت من سرحتي ... حليت الباب و خرجت ... خذيت نفس عميق ... و مشيت ... منحب نخمم في حتى شي ... نزلت للتحت ... دوب ما رحت الباركينغ ... تعدا عليا واحد بالموطو .. طاير عجاج ... رمالي ورقة و هرب ... غزرتلوا و نزلت هزيت الورقة ...
#متمردتي سأجعلك ختام عاصفتي ... و ستكون آخر طعم أتذوقه في الوليمة .... لذلك الوقت سأبقى متلهفا ... للقائنا المنتظر... مع قبلاتي.....
#العراب....#
كبست عالورقة بيدي ... شكووونو هذا اللي يحكي بهاذ الطريقة ... توا تأكدت اللي أنا نعرفوا و يعرفني ... من غير نخمم مرتين .... كبست عالورقة و طلعت نجري ... هديت عليه لقيتوا واقف عالبلار ... يرحي فالدخان كيف عوايدوا ... مكلفش يروحو يتلفتت يغزرلي .. قدمت وقفت قدام البلار .د
أيلول؛ صافا توا ؟
أمير؛ منظنش اللي رجعت باش تقولي صافا ... هات من التالي
ركزت مع ملامحو اللي باردة عاللخر ... جامي ريتوا هكا ... ملامحوا هادية مادل على شي.. مركز مع القارو كثر من هدرتي .. يمكن توا كلشي رجع لبلاصتوا ... توا تحددت علاقتنا على أساس مصلحة و كره اكهوا ... فقت من سرحتي ...
أيلول؛ نسال فيك باش نروحو توا توا نكتبوا الصداق
أمير؛ هه توا وليت انتي اللي مزروبة ... ماو غدوة ماش بعيد ..
خذيت نفس نحاول نهدي روحي ... هزيت يدي مديتلوا الورقة ... غزرلها مبعد غزرلي ...و حكمها ...
أمير يحكي : 
🔜🔜🔜🔜🔜🔜🔜🔜
#يسرى_أمجوج
#حب_وإجرام