حب و إجرام (باللهجة التونسية )

الحلقة 23

الحلقة 23 :
براء يحكي :
عديت يديا على وجهها ... نتحسس في كل شبر منها ... منعرش علاش منجمتش نفرغ الفرد في راسها ... وقت خلاني أمير و راح... كانت وقتها تعرف رامي كصديق ... و منو أنا عرفتها ...كنت دايما لاصق جراير رامي ... باش نشوفها شكون أصلا فهاداك الوقت ....dark .... الإسم اللي يخلي أي واحد يرعش كي يسمعوا ... امراة قدرت تهز عالم المافيا و تقلبوا... منين ظهرت ولا كيف كبرت هكا ... حد ما نجم يعرف .... كنا انا و رامي و أمير صحاب تعرفنا فروسيا ... وبعدها أمير تلها في ايطاليا ... و وقت رجع ... راح لدار رامي وين لقاه ... مصاوب بثلاث رصاصات ... بعدها dark اختفت و حد ما نجم يعرف وين ولا كيف راحت ... الكل قالوا اللي هي اغتيلت ... اما محال نأمن بلي وحدة ... كي توقف بين 1000 راجل ... يحسبولها ألف حساب. .. تموت هكا...  الغل تاع الإنتقام متاعي و متاع أمير ... خلانا نقلبوا الدنيا باش نلقاوها و أخيرا نجمنا نوصلولها .... حتى أني كي شفتها معرفتهاش ... بدلت روحها عاللخر... لون. شعرها اللي كان كحل ... رجعتوا اشقر... أما لمعة عينيها نفسها ...اكا الأزرق المخلط بالألوان ... وقت جات لنيويورك ... قرر أمير يتحرك ... على اذاكا بعث اما الراجل اللي تحرش بيها ... و كلشي صرا خططلوا ... تكيت قدامها و باقي نغزرلها .... قص عليا كي نوقز التيليفون ... هزيتوا طفيتوا .. و حطيتوا .... شبيني كنت نجري من وراها ... على أساس انتقام ... و توا منجمتش نقتلها ... كان أمير راو عملها ...أصلا متغشش من الفازة متاع كي اغتصبها ... تنهدت تنهيدة من عروش قلبي ... توا بالحق دخلت بعضي ... عدوتي قدامي ... و موش ناجم ناخو حق عشيري ... و كان نكلم أمير ... باش يقولها من غير ما يخمم مرتين ...  أصلا راح خاطر الخدمة ... ووثق فيا أنو ننجم نعملها ... مفعول المخدر اللي عملناه قوي برشا ...تقعدت شوي ... تحل الباب تلفتت غزرتلها كي دخلت ....
ريناد؛ برااء
تقعدت و غزرتلها ... غزرت لأيلول و غزرتلي
براء؛ علاش مدقيتش الباب
ريناد؛ ليا الكلام هاذا ياخي ...من وكتاه بيناتنا الرسميات هاذي ... و زادة موش هاذي
براء؛ وبعد شنحكوا ريناد... موش قادر نحكي توا ... اقفل وراك الباب
هزيت راسي... نحاول نستوعب شقاعد يحكي فيه ... جامي عملي هكا ... تي كان ليل مع نهار يتبع فالخيوط باش يوصلها كنت نعاون فيه .... وتوا متكي قدامها ...دخلت في حيط... برشا أفكار يروحو و يجيو في مخي ... اففف شبيني نخمم هكا ... موش قتلت عشيرو ... كيفاه باش يخمم يقرب منها ولا حتى تعجبوا ... رجعت شعري للتالي و نزلت للصالة للتحت ...
................................
منال؛ تفدلك أمير ...
أمير؛ من وكتاه نفدلك في حوايج كيف هكا... ماو تعرفي كيف كان رامي بالنسبة ليا ...
منال؛ كي هكا علاش مقتلتهاش من لول ... علاش خليت هاذ ليام الكل ...
أمير؛ مهيش هاذاك العبد الساهل اللي تنجم تفرغ فيه الفرد و صاي
منال؛ افففف المهم وفات حكايتها
أمير؛ اممم صاي
منال؛ في بالك اللي أنا متوحشتك برشا ...
قدم عندها لف يديه على وسطها ... لفت يديها على رقبتوا
أمير؛ قداش يعني
طلعت راسها ... حطت جبهتها على جبهتوا ... و غزرت لشفافو
منال؛ تحب تعرف انتا؟
باسها بوسة خفيفة
أمير؛ اممم
جبدت عليه شوي ... جبدتوا من فلس سوريتوا..  باقي مخالط عليها ... لين ترمات عليه فوق السرير...
أمير يحكي :
قدمت باش تبوسني ... جات بين عينيا أيلول ... وقت باستني .. حاجة غريبة سرات فجسمي الكل ... ذكرت كي عنقتها ... و كي بستها أنا ... غمضت عينيا بقوة ... براء كان عندو حق ... عندها تأثير... حد ما ينجم يقاوموا ... غزرت لمنال .. اللي فعالم ثاني ... جبدتها من رقبتها ... و فرغت فاها غشي الكل ....
🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫