حب و إجرام (باللهجة التونسية )

الحلقة 38

الحلقة 38 :
وفاء تحكي :
غمضت عينيا ... نسمة باردة سرات على وجهي ... اما مزال فما حرقة الداخل تحرق فيا .... منعرش أصلا كيف صرا كل هذا ... فلحظة اكهو سيبت في شرفي ...شبيني رخست روحي هكا ...دموعي محبوش يحبسوا .... فالتالي لوحني كيف أي وحدة *****.... و خبرني اللي هو من الاول حاجتوا بأيلول ... هزيت كفوف يديا ... مسحت دموعي ... اما من غير فايدة ... لوحني عدا ليلتوا معايا ... و رماني كيما اي ***** و رما عليا فلوس .... غمضت عينيا ... عيطت بكل قوتي ،.. بلاكشي يطلع كلشي حلمة خايبة ... و انو نضال ميعملش هكا .... سنين كانت كلها كذب ... فالتالي يطلع حاجتوا بيها هي .... حب حياتي يطلع فالتالي يستغل فيا ... باش يوصل ليها ...
فلاش. باك ~~~~~~~~~~~~~~~~~~~~­~~~~~~
وفاء؛ متوقعتعاش تعرس هكا !! و أمير ... بالزربة هاذي ...علاش زعما ؟
نضال؛ اخطانا منهم حبي ... تعرف اللي هي تختار مصلحتها و المناسب ليها ...و تو مع الوقت نعرفوا علاش ...
وفاء؛ أما محلاهم يطلعوا كوبل يفتق
تلفت حكملي يدي ...و طبس قدامي.. غزرتلوا و ضحكت
وفاء؛ شبيك نضال ...ههه باش تطلب يدي ؟
نضال؛ اممم ... وفاء
وفاء؛ هههه يزي عاد
نضال؛ تقبل تعرس بيا
وفاء؛ باش نصدق راني !!
نضال؛ منيش نفدلك
غزرتلوا غزراتوا فيها لمعة ... منعرش علاش نصدق اي حرف يقولوا ... هزيتلوا براسي اي ... نطر عنقني ... كبشت فيه زادة ...
نضال؛ نحبك أيل.... وفاااء
جبد روحو شوي ... غزر لشفافي و نزل عليهم ... طاوعتوا فكل لقطة ... أصلا نعشق فيه راني ... نزل لرقبتي دوخني ... طاوعتوا في كل بوسة ... هزني في حملتوا و طلعنا لبيتوا ....حطني ... غزرلي ... و نزل بيديه فك الشوميز ... لحظات تعداو بالشوي ... اما عملوا تغيير كبير ... تكا قدامي ينهج ... زوز دمعات نزلوا ... بقينا ساكتين ... منعرش اما نحس بالندم ... قلبي مقبوض .... قام من بلاصتو... دخل للدوش... تقعدت من بلاصتي ..شوي باقية لافة الغطا ...باقية نغزر لبيتي كأني أول مرة نراها ..شوي هكا خرج ... لابس دبشوا ... مشا للتابل هزكاس عباه فرد مرة و شربوا ... أصلا نهار الكل و هو يشرب ... تلفتت غزرلي ... و قدم عندي ... قعد على طرف السرير... حكم يدي و تبسم ...
نضال؛ ههه شبيك خايفة هكا
وفاء؛ منعرش نضال ... منيش فاهمة روحي توا
نضال؛ موش لازم تفهمي .. ههه
وفاء؛ شبيك تحكي بلافاصون هادي نضال
نضال؛ باز خاطرني متقزز ملي عملتوا توا
وفاء؛ شتقصد ...
قام من البلاصة
نضال؛ ههههههه وفاء ... قداكش دغفة ... و مهبلة ...ياخي منيتك تصدق اللي أنا نحب وحدة كيفك انتي ...لاباس في مخك ماهو ...
قمت من بلاصتي ...باقية شادة الغطا عليا ...نحاول نفهم او عالأقل نستوعب
وفاء؛ نضال يزي من هاذ الهدرة ...حتى لو تفدليكة و تمثيل ... أما موش وقتوا ...عيش حبي ... نظن كثرت فالشراب
نضال؛ هههههههههههه وفاااء منيش مرهوج صاحي راني ... و منيش نفدلك .. اممم صعيب تتقبل الحكاية ...هاني باش نعطيك من التالي ... محاجتيش بيك و جامي نغزرلك على اساس مرا نحبها ... منيتك نحب وحدة بشخصية كيفك ...ضعيفة مهزوزة ... ههه تبع مشاعرها اكهو ....منعشقش اللي كيفك ... اللي نعشقها قوية برشا ...خزرة منها برك ... تنجم توصلك اللي شي ما يهزها ... واللي كلشي يمشي تحت رجلها ...
وفاء؛ ش ش شكوو..نها ..
نضال؛ ههه مبينة دارك
وفاء؛ تقصد أيلول ؟!؟!
نضال؛ ههه غلطة انو مكنتش نعرف اللي دارك هي أيلول ... اللي يهم من هذا الكل أنوجامي نسيتها ... دارك هي حب حياتي و باش تبقى ... متوقعتش جملة انو تكون عشيرتي أيلول ... اما محلاها مفآجأة ...
دموعي نزلوا و انا نسمع فيه يحكي عالمرا اللي يحبها ... فالليلة اللي خذا فاها شرفي ...
وفاء؛ كي هكا... ع . علا. ش ... قدمت لياو عملت هاذا الكل ... تنازلتلك على شرفي راني ....
نضال؛ خاطر بدنك محلاه تشهيتوا عاللخر ... آآ كان تحب فلوس هاك
غزرتلوا كي جبد البورتموني
وفاء؛ اخرج عليا
نضال؛ شنوة
وفاء؛ برا اقلب منظرررررك عليا منحبش نراك جملة برااااا
غزرلي من فوق للتحت و خرج ...نزلت على ركبتي كلشي تعدا بين عينيا ،..، سنين من الحب ... من الانتظار ... فالتالي كنت جرد وحدة ***** تشهاها ... و تعدا ... و شكون يحب دارك ... كان باش يعدي وقيت بيا ... اما كي رجعت هي للساحة ... كمل كلشي ... وطلعت انا الدغفة ..، اللي سلمت فروحي لواحد هكا ... هزيت يديا نمسح ددموعي نحاول نرد نفسي اللي تقطع عليا ... منعرش كيف تعدات الليلة و أنا نغزر لبقعة دمي خلي نقول غلطة حياتي
الحاضر: ~~~~~~~~~~~~~~~~~~~~­~~~~~~~~~~
الوجيعة اللي نحس فاها حد ما ينجم يحسها ... نغزر للسكين اللي فيدي ...بلاكشي هكا ننجم ننسا ... هزيت للتيليفون نغزر لنومروها ...
____________________­__________
أيلول تحكي :
ضو خفيف ضرب في عيني ... خلاني نتحرك بطبيعتي ... منحبش الضو متاع الصباح يفيقني .. جيت نتحرك ..حسيت بحاجة رزينة محاوطتني ... حليت عينيا ...غزرتلوا... تفجععععت ... شنوة راقدة في حملتوا!!! و محضنتوا زادة ... باقية نتذكر ... شنية اللي صار البارح ... اما شي لمحات اكهوا ... اللي كنا نحكيو ... مبعد جابني هوني و ... باسني... غمضت عينيا بقوة ... نحاول نتذكر شحكينا ولا شصار بعدها شي ... نطرت جيت قاعدة في بلاصتي ... غزرت لدبشي مزال مريقل .. يعني ما صار شي ... حل عينيه مفجوع ... من نطرتي ... شديت الضحكة على منظروا ...كبست روحي ... عدا يدو على شعرو ... و غزرلي ...
أيلول؛ شنوة سي أمير عحبتك النومة
أمير؛ اممم عاللخر
تيييي و يجبد عليا بالماسط صباح ربي ... رميت عليه المخدة ضحك ... يعني هو عندو حق ... محسيتش جملة ... رقدت مرتاحة اما لازم توا توا نعرف شحكينا ... اما كيف مستحيل نسقسيه .. بعد المخدة و غزرلي
أمير؛ ياخي انتي ديما هكا صوڤاج
أيلول؛ امممم ...من التالي شنوة صار البارح ... نقصد
نوقز تيليفوني جبدتوا من الفاست ،.. وفا تطلب ...هزيت عليها ... و وقفت منين البلار نحكي معاها ...
أيلول؛ وفا صافا ماو!!!

وفاء؛ كللللشششششي بسبتك أيلول ..
أيلول؛ وفاء شبيك ؟؟
وفاء؛ شبيييييني !! كلشي صرا انتي السبب فيه ..ماك كل مرة تطلع منها سالمة و
أيلول؛ وفا حبسي البكا و احكي قد قد شفمممما؟!؟
وفاء؛ هه جامي تفهمي .. اصلا عايشة حياتك .. انا كهو اللي جراير انتقاماتك ... قداش كرههههتك ...جاااامي نسسسامحكك ...جامي...تو كي نموت نشوفوا فيمت توحل توا ...
أيلول؛ وفا ..شبيك ..وينك ياخي...احكي !!!
علقت عليا ..طاح التيليفون من يدي ... موش فاهمة حتى شي .. شبيها ... محسيتش بيدين أمير اللي باقي يهز فيا من كتافي باش نفيق من الصدمة ... عشيرتي باش تتنتحر و أنا السبة !!!!!

أيلول؛ ب ب ااش تنتحححر أمير
أمير؛ شكون أيلول ...احككككي شبيك ... حبببس البكا
باقية حاطة راسها بين يديها و تشهق .. شوي كهو و فاقت من اكا الهستيريا .. نطرت هزت المفاتح متاع الكرهبة .. و راحت تجري ... هزيت تريكو اللي جا و لحقتها ...
#يسرى_أمجوج
#حب_و_إجرام