حب و إجرام (باللهجة التونسية )

الحلقة 2

الحلقة 2 :
دخلت للفيلا ... رميت المفاتح و الفاست عالفوطاي و ترميت للتالي ... توا ارتحت ... نوقز التيليفون ... هه ديجا وصل الخبر ...
أيلول؛ وي وفا
وفاء؛ بربييييي مبردة قلبك عاللخر و تقولي وي وفا علاش قتلتوا !؟
أيلول؛ هه وفا ليا الهدرة هادي ...هذا أقل عقاب ليهم ...
وفاء؛ موش قلتي تحبس الشي هذا ...فاش قام تقتلوا كنت تنجم تعاقبوا اما القتل لاه
أيلول؛ هه نختم بيه
وفاء؛ باش تجلطني انتي باهي وكتاه تطلعي لنيويورك
أيلول؛ باز غدوة
وفاء؛ باهي
أيلول؛ بونوي
علقت عليا .... ذاكرتي رجعت بيا 5 سنين للتالي ... وقتها كنت خارجة نشري الدوا لبابا ربي يرحمو ....كانت الدنيا ليل ... و المطر تصب مفما حتى حد .. دوب ما خرجت من الفارماسي و مشيت خطوات هدوا عليا زوز ....
- وين بيها فهاد الوقت بب
- اممم ميصلحش بيبيشة تخرجي وحدك فهاد الوقت
- هههههه بلاك هادي خدمتها صاحبي
- هههه مالا تزهينا الليلة حبي
وفاء؛ تعيشوا خليوني نروح
- هههههه هيا تبانلي ماش رايحة تجي بالمليح
بداو يجرو فيا ... داوني لبلاصة خالية ... باقية نبكي ونحاول فيهم يطلقوني والو... قطعولي قشي ... هاذاك الموقف مزال بين عينيا وقتها غمضت عينيا و تأكدت اللي صاي ضاع شرفي ..حسيت بيهم كي طاحوا هزيت راسي غزرت لوحدة واقفة لابسة كلش كحل ... باين غير عينيها و تاتو تاع الأسد في صبعها اللي كابسة بيه عالسلاح ... تفجعت وقت قاموا و هجموا عليها ... اما وقفتهم بزوز رصاصات بين عينيهم جاو فلرض ... حطيت يديا على عينيا من المنظر ... تاعهم و الدم يسيل ... حسيت بالفاست و الشال متاعها كي رماتهم في حجري...نحيت يديا غزرتلهم و غزرتلها كي مشات بخطوات ... شهقاتي علات تلفتت غزرتلي ... و قدمت طبست ليا ...حطت الشال عليا ....
وفاء؛ ع عي عيشك
أيلول؛ قوم فيسع نوصلك
قومتني عاودت لبست السروال متاعي و التريكو مقطع غطيتو بالفاست كوير متاعها .... مشينا خطوات لين لقينا كرهبتها ... ركبتني فيها .. و ركبت ...
أيلول؛ وين تسكني
وفاء؛ حي *********
أيلول؛ تو نوصلك ...اما شمخرجك عقاب الليالي
وفاء؛ خ خرجت نشري الدوا لبابا خلصلوا ولازم يشربوا
راكات الطوموبيل بالقوة ... لين وليت و رجعت ... تلفتت شفت معاها ...مدت يدها
أيلول؛ الاوردونونس وين ؟
دخلت يدي في جيوبي نفركس عليها ... مديتهالها ... حكمتها و نزلت ... هزيت راسي ... غزرت للفارماسي ... لحقت تحبس قدامها ....رغم خوفي و رجفتي ... اما كانت كيف المعجزة اللي أنقذت شرفي ...حلت الباب حطت الساشي في حجري ...
أيلول؛ باباك مريض بالقلب
هزيتلها براسي اي ...
أيلول؛ تعلمي حاجة فهاذ الدنيا انك لازمك تكوني قاتلة موش مقتولة ... خاطر الضعف ...ميوصلكش البعيد ...
حطت سكين في حجري غزرتلوا ...
أيلول؛ تعلمي تكوني قاتلة و متكونيش مقتولة ... خاطر كون تبقاي ضعيفة باش ياكلوك ....
🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫