حب و إجرام (باللهجة التونسية )

الحلقة 41

الحلقة 41 :
أيلول تحكي:
فقت على ضو اللي ضرب فعيني ...تململت شوي في بلاصتي و نضت ... غسلت وجهي ... حليت الخزانة بلاكشي نلقا دبش ... لقيتوا مستف .. الظاهر وصالي عليه ولا ندرا شنية.. خذيت جينز بوي فراند مع تي شيرت بيض و أديداس كيف ....سيبت شعري مبلول .. أصلا ما عيني في شي توا ... حليت باب البيت و رحت لبيت الطفل لقيت النونو ديجا لبستلوا دبشوا ... هزيتوا بستوا ... و خرجتوا من البيت أصلا ديما فاها ...نازلة الدروج ... ريحة الفطور البنينة .. تغلغت لنص كرشي
أيلول؛ اممم مبنها ريحة ... مجعتش انتا
باقي يلعب في حملتي .. بستوا و مشيت للكوجينة ... غزرتلوا كي واقف .. عاطي بالظهر و يقلي فالأوملات ..  سرحت فاكا الكتاف و الكور ... قص عليا سرحتي كي جبدلي البمبينو شعري ..
أيلول؛ أيييي
أمير؛ ههههه بونجوغ
غزرتلوا
أيلول؛ بونجوغ
قدم عندي ...لين معادش فما مسافة بيناتنا ... عدا عينيه على وجهي ...و نزل راسو بين رقبتي و البيبي ... باسوا على خدودو... ترهوجت من الفازة ... متأكدة عامل عليا بالعاني... .بعد شوي هزو من حملتي .. نضت نتمتم بين شواربي ..
أيلول؛ كون من اللول خذيتوا فاش قام الدراما هاذي
تلفتلي بعد ما كان يلعب معاه
أمير؛ نعم ! قلت حاجة ؟
أيلول؛ لا قلت اللي انا جيعانة برشا
أمير؛ اممم حتى انا خممت فيك .. ... نقصد هاني وجدت فطور اقعدي تفطري
أيلول؛ مرسي....
قدم بعدلي الكرسي باش نقعد .. غزرتلوا مستغربة من الفازة .. و قعدت .. قابني .. حط البيبي في حجروا .. غزرت للطابل .. هاو طلع يصنف بالقدا...غطست فالماكلة ... أصلا جعت برشا ... و ما نفرغ غشي كان فالماكلة... هزيت الكاس متاع الجي .. رشفت منو و باقية نغزرلوا كي يلعب فيه... و يضحك للحظة سرحت و مخي هزتي لأفكار مزيانة برشا ... و اللي جامي تكون واقع ..
أمير؛ أيلول
أيلول؛ اممم
أمير؛ نختارولوا اسم
أيلول؛ يااا بالحق ..فما برشا أسماء شقولك في مازن ولا معاد
أمير؛ معجبونيش .. نظن أويس خير
أيلول؛ أُوَيْس ؟؟
أمير؛ اممم غريب و مختلف برشا
أيلول؛ يعني مليح
أمير؛ باهي ولدنا توا اسموا أويس ...
قام من التابل .. قدم عندي طبس ... باقي واقفة على كلمة ولدنا ... تلفت غزرتلوا مبهمة ... حتى من أويس يغزرلنا ... لاح يدو مسح الشوكولا من تحت شفافي..  و غزرلي فعينيا ..
أمير؛ طيارتنا عال 11 بعثولي موقع نضال ..
أيلول؛ ب ب باهي
عدا عينيه على وجهي و وقف ... غزرتلوا كي كلا الشوكولا اللي على صبعوا ... باس أويس و مشا... دوب ما خرج ... خذيت نفس طويل ... هزيت يديا نلوح بيهم على وجهي ... باش يطرشقوا خدودي من السخانة ...
أمير؛ أويس زادة باش يمشي معانا
تنطرت من هدرتوا ... توا اكيد شافني داخلة بعضي... راح ... قمت من التابل ...لفيت على روحي ...قعدت على حرف التابل ... هزيت الصحن متاع الفراز ...قاعدة ناكل و نخمم ف فازاتو متاع الصباح ... تلفتت نغزر للفطور كيفاه مصنفوا .. صحة فيه كل مرة يخرج بحاجة .. تلفني جملة ... باقية ناكل فالفراز قداش نحبوا ... دخل للكوجينة لابس تريكوا بيض بلا ذرعين بينت التاتواج اللي على ذراعو.. مع سروال كحل ... و باسكات بيضا .. و نواضر فيدوا .. لحق يبدل دبشوا .. غزرلي و راح حل الفريجيدار ... جبد دبوزة متاع ما .. وقدم خذا كاس صب و شرب ...
أيلول؛ أويس وين؟
أمير؛ بلل روحو باش تبدلوا جينا دبشوا
أيلول؛ جينا ؟
أمير؛ اممم النونو متاعو
أيلول؛ هاك حافظ اسمها بالقدا
تلفتت غزرلي ... غزرة فهمتها
أيلول؛ نقصد تهتم بالخدامين متاعك برشا
أمير؛ اممم قد اهتمامك انتي بالفراز اللي فحجرك ..
حط الكاس و قدم عندي ... ريحة البارفان متاعو وصلت قبلوا.... وقف قدامي ... طبس عليا ... و رما يديه ورايا....
أيلول؛ فاااش تعمل !!
جبدت البوات متاع النوتيلا  من ورايا ... جبد روحو شوي و هزها فالهوا متاع هاو شكنت نعمل...غمضت عينيا و حليتهم بالقوة متاع اتحملي هاذ الفازات ايلول ...
هز حبة فراز .. رشقها فالشوكولا .. و كلاها ...
أمير؛ امممم مبنها
أيلول؛ صحة ليك عندك تحصلك برك ..
حطيت الصحن و نضت ..هز حبة فراز .. و جبدني .. جا ظهري مع الحيط ... طلعت راسي غزرتلوا ... حط الفرازة فالشوكولا ... و حط البوات فوق الرف ...اللي فوق راسي ... لز ليا أكثر ...غزر لشفافي .. و حكا بصوت مبحوح
أمير؛ متحبش تاكل انتي
أيلول؛ هأه ..
أمير؛ ثبتي مليح
غزرتلوا ... نحاول نحبس قلبي اللي باش يطير من بلاصتوا هاذا غير الكورون اللي فكرشي ... بلعت ريقي .. طلع يدو حكم باها فكي ..الفازة اللي خلاتني نحل فمي ... حطلي الفرازة عضيت منها .. كمل كلاها هو .. رجعلي شعري للتالي  ورا وذني ... غزرت لشفافو و غزرتلوا ...طبس عليا ..جا باش يبوسني
روزا؛ مسيو أمير أويس ...أه بربي سامحوني
جبد روحو شوي ...حمحم... بعدت عالحيط ..
أمير؛ لا عادي روزا .. انا نطلع ليه ... آ أيلول كيما كنت نحكي فاليزتك واجدة
خرج من الكوجينة .. ڨحرتلها خرجت ..
أيلول؛ افففف مالا صبحة ...
هزيت 5 كعبات فراز و كليتهم  فرد فم ... و خرجت ..  ال11 قلعت الطيارة ..  غزرتلوا .. موش قد بعضوا...
أيلول؛ أمير شفما بيك شي ؟
أمير؛ لا ارقدي شوي
أيلول؛ متأكد ؟
أمير؛ اممم هاني فايق
أيلول؛ متقلق على اويس كي ما جبناهش ؟.
أمير؛ لا أصلا مزالو صغير .. و رايحين فمهمة موش تفرهيد ..
أيلول؛ أما كنت باش تجيبوا ... في لحظة بدلت رايك
أمير؛ ماو قتلك علاش ارتاحي
أيلول؛ باهي
أمير يحكي :
غزرتلها كي تكات راسها للتالي ... و غمضت عينيها... تخمامي الكل مع الميساج اللي وصلني من عند الكيلر... { كلشي مبروك عالعرس صاحبي ... هاكم فيسع فرزتوها ... اما الخبر خايب برشا ... توقعاتي تأكدت و العراب هو ....}
قص على تفكيري كي لفت يدها على يدي و تكات راسها على كتافي ... غزرتلها ...طلعت راسها غزرتلي ...
أيلول؛ شبيك مقدرتش نرقد اكاكا تكيت عليك
طلعت يدي...نزلت راسها على كتافي... لحظات كهو و غفات ..  منعرش كيفاش باش نخبرها شكون عمل هاذا الكل.. أصلا ماجاش في بالي جملة هاذ الإسم ... ساعات و حطت الطيارة ... فيقتها و نزلنا ...
أيلول؛ وين ماشيين توا
أمير؛ الاوتال لازم نلقاوه فيسع قبل أي حد
أيلول؛ شتقصد بقبل اي حد ؟
أمير؛ منعرفوش شنوة باش يصير... ريقلي الفرد متاعك هوكا منين رجلك ...
أيلول؛ باهي
دخلنا للاوتال .. بالسيف ما مدتلنا اكا المسبوعة معلومات عليه ... اكيد بعد ما تمجنت حتى شبعت على أمير ... طلعنا فالصونصور ...
أيلول؛ هاك تعرف تجيب معلومات بالقدا .. المخلوقة قريب شتموت ... كون خدمت عميل مخابرات تطلع عليك ... خاصة كي
تلفت غزرلي
أمير؛ أيلول ريض شبيك ... ديماريتي هكا ..
فقت على روحي ريڨلت وقفتي ..
أيلول؛ شي نشكر في بطولاتك
أمير؛ موش وقتها توا ... اسمعي أيلول .. خليني نروح و انتي ابقاي هوني ... هكا خير ننجم نطمن انك تكوني بخير
أيلول؛ أمير راك توا تحكي مع دارك موش أيلول و نضال حسابوا معايا قبل اي حد.. فك عليك توا
أمير؛ افففف
تنرفز ..  نعرفوا بالقدا وقت يبدا الموضوع دارك ... زصلنا للسويت متاع السي الشباب ... بدلنا دبشنا على اساس عمال تنظيف ... طبطبنا تحل الباب... دخلنا ... الدار فارغة ما فيها حد .. ا
أيلول؛ كيفاه تحل الباب .؟؟
جبدني من يدي مشا قبلي و أنا وراه ...دخلنا لبيت النوم مفماش ... فقنا على صوت الباب كي تقفل خرجنا نجريو ... غزرتلها كي متكية عالباب ..
أيلول؛ و و وفاء ...
تلفتت غزرتلوا كي مرمي فلرض مكوي بالدخان من الجوايه الكل ... و بين رجليه يسيح بالدم .. غزرتلي و ركحت الفرد ...
وفاء؛ موش قتلك معادش تدخلي فخصوصياتي
أيلول؛ هاذا انتقامنا الزوز وفا يزي من التخلويض فيسع نسيتي عشرتنا ... وفا متنسايش سنين و احنا كيف كيف
وفاء؛ قصدك و انا تابعتك ههه
أيلول؛ تعرفي بالقدا اللي مكنتش دايرتك تابعتي ..
ضحكت باستهزاء و قدمت ليه .. قاعد يمهمه الظاهر قطعتلوا لسانوا... نزلت عندوا حطت الفرد فراسوا ... جيت نروح حكمني أمير و كبس عليا ..
أيلول؛ وفا حبسي  لازم يت....
صوت الرصاصات خلاني نوقف و نغزرلها .... كي فرغت السلاح لول  فيه ... تلفتت عندي تضحك ضحك هستيري... أمير  باقي حاكم  ذراعي باش منقدمش... تلفتت غزرتلوا هزلي براسوا لا ... غزرتلها .. كي نزلت راسها ... شعرها طاح على وجهها باقي كان الدموع اللي ينزلوا ... فكيت يدي من أمير و قدمت عندها ... حطيت يدي على كتافها و جبدتها حضنتها ... شوي كهو و حبست البكا تبسمت... و طلعت يدها في بالي باش تعنقني ... أما حسيت بالفرد الثاني كي اخترقوا الرصاصات اللي بقاو فيه جسمي ...جبدت روحي شوي ..حطيت يدي على بلاصة الرصاصات.. غزرتلها تبسمت ...آخر شي ريتوا يدين أمير كي حاوطوني .. ووجها اكاكا ... و كلشي ظلام ....
وفاء؛ وفينا
أمير؛ أيلوول ... وفااا
وفاء؛ قصدك العراب ...ههههه .. توا دالتك أمير ..هاك كل مرة تنفذ منها بفضلها ...
غزرت لأيلول اللي غارقة فدمها ... و غزرت لوفا االلي هازة السلاح فوجهي ... أصلا كي قريت الميساج مصدقتش اما توا ... بان كلشي ... قمت من بلاصتي رغم كلشي ... باش تتفهم أيلول اللي باش نعملوا ...
#يسرى_أمجوج
#حب_و_إجرام