حب و إجرام (باللهجة التونسية )

الحلقة 40

الحلقة 40 :
باقية متبعتوا لين وصلنا للجاردان للي فالتالي ... محضر المشوة و اللحم و المطارق متاع الكبدة و ... مريڨل لي فوتاي و البلايص متاع القعاد ...تلفتت غزرتلوا
أيلول؛ شنوة اللي قاعد تعمل فيه أمير ؟ موش احنا نكرهوا بعض ..،و بيناتنا مصلحة اكهوا ...
أمير؛ اممم شكون قال غير هكا ... اما باش نعقدوا هدنة ... نفذوا فاها انتقامنا من العراب ...
أيلول؛ هههههه هدنة !؟ قداش مدتها يعني ؟
أمير؛ اممم شهر ؟
أيلول؛ اما شهر ننجموا نلقوا العراب في سمانة خاطر عرسنا و الكيلر تو يعطينا الأدراس ...
أمير؛ اممم في بالي ... خليت مدة باش نحتفلوا
أيلول؛ باهي
مد يدو ليا غزرتلها و غزرتلوا
أمير؛ ماش باش نتصافحوا بمناسبة الهدنة
أيلول؛ بالطبيعة أمير
صافحتوا ...باقي يغزرلي .. دوب تبسمت و جبدت يدي ...
أمير؛ تحبي الشوا ؟
أيلول؛ اممم برشا
أمير؛ باهي إيجا
قعدت عالكرسي ... نغزرلوا كي يحط فالشوا ... و يفدلك ..جامي توقعت انو ندخل في هدنة انا و هو ... تكيت راسي للتالي نغزر للسما ... الفترة الجاية باش يتقلب كلشي .. اول مرة نضيع هكا ... و نحبس لدرجة انو مطلبتش من الكيلر اسم العراب ... توا فراسي نضال اكهو لازم ندموا على عملتوا فوفاء ...
أمير؛ نديرلك سندويش ؟؟
طلعت راسي غزرتلواّ.... ساعات نحسوا عدو ليا ... و نكرهوا و ساعات نحسوا قريب و يتصرف على اساس صديق و باز اكثر ... قمت من الكرسي .. قدمت عندو غزرتلوا ... باقي يستنا شنية باش نعمل ...
أيلول؛ اممم تو نصب زوز كيسان لينا
أمير؛ باهي ...
مشيت صبيت زوز كيسان ... هزيتهم و مشيت عندو .. حكم عليا الكاس و مدلي السندويش .. هز تاعو و قعدنا عالبساط ... باقية ناكل و ساعات نرمي عينيا عليه ... أحسن شي انو توا رانا في هدنة ..، يعني مفماش علاش نتعاركوا .. ىأصلا اللي يدور فراسي توا ... أهم من عركاتي ...
أمير؛ سافر لتركيا
أيلول؛ شنية؟
أمير؛ نضال ... سافر عال 12:30
أيلول؛ تو نلحقوا
أمير؛ نلحقوه
غزرتلوا و تلفتت ناكل ... نحس في روحي ضايعة عاللخر ...
أمير؛ كلش باش يتعدا أيلول
أيلول؛ امم باش يتعدا أمير ... أما كيفاه باش يتعدا ...كل مرة نقول صاي نهدا نرجع نلقا روحي وحلت أكثر ... هاذ العالم اللي كل مرة نهرب منو ... نلقا روحي مكبلة فيه اكثر..، و منجمش نخرج منو ... أمير كي خرجت قلت صاي وفا كلشي ..، اما لا شي ما خلص ..، هروبي كان حجة اكهو ... كل مرة مشكل .. الظروف قاعدة تحتم عليا اني نولي دارك اللي ما ترحم حتى حد ... عشيرتي اللي خلاتني فالوقت اللي لازم تكون معايا .،، واش ذنبي كي عاد يحبني و يعدي معاها ليلة ... نعرف اللي تعدا عليها صعيب ... اما موقف متاعها هدني امير... خاطرها تعرفني قداش نعزها ... تي ماي تعرف شنوة نعمل على جالها .. آخر واحد قاسها برصاصة جانبية ... صدقني يا أمير ... أني يديه قصيتهم من التالي ... بحضورها ... و توا تتعامل معايا كانو ،.. كنت رراضية انو يلعب باها ... تهديت أمير ... تصدق اللي انا بكيت زوز مرات فحياتي .. مرة على عايلتي و مرة على جالها .... لازم نلقاه فيسع ... باش نوريه لعب دارك ...
أمير؛ صعيب برشا اللي صارلها ..على اذاكا تعاملت هكا ..، موش قليل زادة ...غدوة نسافروا بالطيارة متاعي
أيلول؛ باهي أمير
نوقز تيليفوني ..، جبدتوا نغزر للنومرو ماسكي ... علقت عليه عاود طلب ...
أمير؛ هزي
هزيت
--------: بونصواغ روح قلبي
أيلول؛ شكونك
------------: اممم عيب عليك مسقسيتيش شنوة احوالي ... هممم اما نعرف طبايعك ... و نعشقها زادة ..، اما الفازة اللي غابتلي انو صديقة الجامعة أيلول هي نفسها دارك ...اللي كنت نعشقها انا مالا صدفة
أيلول؛ نضال باش تغيبلك اكثر كي نتقابلوا نضال
نضال؛ هههه روح قلبي اكيد باش تغيبلي ... اللي متغيبلوش فحضورك ... اكيد موش عبد
أيلول؛ ابدا العد التنازلي و اهرب قد ما تنجم
علقت عليه نريڨل من العصب ... نشرب من دمو ولا ما نتسماش دارك ... فقت على صوت الزجاج كي تكسر ،.، تلفتت فيسع لامير ... قام من بلاصتوا .. كسر الكاس فيدوا ... تبعتوا بعينيا .. باقي كابس على يدو... عدا يدو الثانية على وجهوا ...حطيت كاسي و السندويش و قمت ليه ...مشا للمشوة يطفي فيها ... باقية نغزرلوا نحاول نفسر فردة فعلوا هاذي و علاش يعمل هكا ...
أيلول؛ برا اغسل يدك أمير
طفاني .. و كمل يطفي فالمشوة
أيلول؛ أمييييير نحكي معاك راني
باقي مطفيني ..، طلعلي العصب ،..جبدتوا من ذراعوا ... قابلني
أيلول؛ أميييييييييير
جبدني من وسطي ...و غطس في شفافي ...باقية جامدة في بلاصتي ...بعد عليا ينهج ... نفسوا يضرب في وجهي ... حط جبهتوا على جبهتي ... يرد فالنفس ... جيت نحكي قص عليا ببوسة خفيفة كملها بعضة ... توجعت شوي ... باقي نتنفسوا فنفس الهوا ...
أمير؛ منجمش أيلول منجمممش
أيلول؛ متنجمش ش شنية ؟
أمير؛ نرا حد يحبك ... انتي ملكيتي أنا كهو ... متاعي أنا ... مهما باش يصير ... و مهما تعدا و باش يتعدا انتي ملكيتي
كلاموا خلا قلبي يخبط عاللخر ... قربوا وحدو يكفي باش يدوخني ... منعرش شبيني سكت اكاكا .... جبد روحو عدا عينيه على وجهي الكل ...و مبعد جبدني عنقني ... طلعت يديا بالشوي لفيتهم عليه ...دوب ما حس بيديا كبس عليا اكثر ... ريحتوا المخلطة بالدخان محلاها ... باقية اكاكا لين تفكرت يدو ... نطرت جبدت روحي ...
أيلول؛ ييدددك
أمير؛ نعبوه الجرح توا موش وقتوا جملة
ڨحرتلوا ... نزل راسو تبسم ... تبعني من غير ما يحكي ... تفكرت بوستوا... عضيت شفافي و تبسمت ... توا بالحق هذا عبد نكرهوا ... في دقيقة قلبلي مورالي ... دخلنا لبيتوا عقمتلوا الجرح متاعوا ... باقي يغزرلي اكهوا ... انا بروحي موش فاهمة اللي قاعد يصرالي ... دوب ما كملت ...غزرتلوا...
أيلول؛ موش كل حاجة تقلقك تكسر كاس باهي ...كسر حاجة خلاف هههه
أمير؛ هههه صار هكا ...في بالي باش تقوليلي متكسرش جملة
أيلول؛ ههه منجمش ننصحك بحاجة انا منعملهاش بطبيعتي نكسر
قمت جيت ماشية دوب ما وصلت للباب ...سمعت صوتو من التالي
أمير؛ تكسري القلوب
نزلت راسي تبسمت ... جاوبتوا من غير ما نتلفت
أيلول؛ التيليفونات أمير هه... بونوي .. مشيت لبيت البيبي ... لقيت النون رايحة تخرج بعد... خبرتني اللي هوو شرب حليبوا و رقد .. دخلت للداخل غزرتلوا ... محلاه ... يتقرمش ... قدمت ليه بستوا .. حكمت يدو ... باقية نتلمس فيه .. باز كنت ناخوا في قوة منو .. غطيتوا مليح ... و تكيت فالسرير اللي قدام سريرو .. باقية نغزرلوا من بعيد ... و نخمم غدوة شباش يصير ... حطيت يدي تحت خدي ... و غفيت ... 🔜🔜🔜🔜🔜🔜🔜🔜
#يسرى_أمجوج
#حب_و_إجرام