حب و إجرام (باللهجة التونسية )

الحلقة 11

الحلقة 11 :
واقفة فالبيرو نروح و نجي ... لتوا منجمت نعرف حتى شي على اللي عمل اكا العملة ...  تي اول مرة تصرالي  منجمش نلقا ضحيتي ... قص عليا كي تحل الباب ... غزرتلها كي داخلة متلهفة ...
أيلول؛ حفلة متاع مارك بوارتو بمناسبة نجاح الشركات متاعو في مشوارها لمدة 10 سنين ...
غزرتلي مزهبلة ... فمها محلول ... ضحكت من تعابير وجهها ... قعدت فالبيرو ... حطيت راضي التالي نغزر للسقف ..
وفاء؛ ياخي كيفاه عرفتي انتي و الأنفيتاسيون دوك وين وصلت !!!
أيلول؛ سنين و انتي تخدمي معايا اما ديما تتفآجئي ... دايما نخبرك أنو سابقة الكل بخطوات ...
وفاء؛ باش تجلطيني كاش نهار ... صحا قوليلي نروحوا ياك ؟
أيلول؛ مفيباليش نحضر حفلات هاذ ليام ...
قدمت قعدت فالكرسي حطت يديها عالبيرو ... و حطت لي آنفيتاسيون ...
وفاء؛ تي عندنا برشا محضرناش حفلات كيف هكا امان ... و
أيلول؛ باهي
وفاء؛ آآآ عييشششك
أيلول؛ برا وصي على دبش يليق
وفاء؛ وصيت
هزيت حاجبي غزرتلها ... موش مستانسة تتحمس كيف هكا ...
أيلول؛ باهي تنجمي تروحي تحضري روحك لالا ... الظاهر مهمة برشا الحفلة هاذي ..
وقفت مشات خطوات و تلفتت
وفاء؛ و انتي كيف العادة ؟؟
أيلول؛ اممم
خرجت من عندها ... طبايعها ديما هي جامي تتبدل ... لازم دايما تكون هي اللخرة اللي تدخل الحفلات ... و ديما تبهر الكل باطلالتها ... رغم انو نوصيلها كيف كل مرة على الأكحل ولا الأحمر ولا الأبيض ... 3 ألوان جامي تبدلهم فالحفلات ... هزيت ساكي ... و مفاتح الكرهبة ... ديماريت للفيلا ... تو يكونوا وصلوا القش ... غمضت عينيا تبسمت ... خاطر عرفت من المشرفة عالحفلة انو نضال على رأس المدعووين ... رجعت بيا الذاكرة عامين للتالي ... وقتها كانت حفلة عيد ميلاد أيلول ... و كنت هازة كاس شراب أحمر لوحدة ... كنت مزروبة تخبطت فيه ... و ساح الكاس كل على الشوميز بيضا ... نتذكر وقتها تفجعت و...
وفاء؛ ياااا سامحني تعيش والله ما قصدي كنت مزروبة .... و
نضال؛ ههه صاي اركحي برك ... مقتلتينيش راكي
وفاء؛ والله ما قصدت ... ا ا .. يجا معايا نغسلهالك دوك تشيح في عشر دقايق
نضال؛ لا عادي دوك نروح
وفاء؛ محال نخليك ... كيفاش نفسد عليك الحفلة ... ميعطينيش قلبي ... هيا ...
جبدتوا من يدو ... طلعنا للطاج التاني... دخلنا لبييت تاعي ... قتلوا ينحيها ... دوب. ما نحاها ... سرحت في عضلاتوا ... فقت كي تبسم ..  الزح مالا حشومة ... حكمت عليه الشوميز حطيتها تتغسل فالدوش .. باقية واقفة ... لقيتوا واقف فالباب ... بقينا نحكيو و تعارفنا  ... الوقت هاذاك لين عصرتها و حددتها ... مديتهالوا لبسها ... ولينا نحكو ساعات ... لين سافر لاستراليا ... كنا قليل وين نحكيو ... اما اليوم باش يجي الحفلة ... الفكرة برك مخليتني طايرة بالفرحة...
🔜🔜🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام🔫