#بداية_الخلق_قصص_الأنبياء
🌹🌹🌹🌹الحلقة 3🌹🌹🌹🌹
السلام عليكم ورحمة الله وبركاته
هنبدا ونقول كان ياما كان ولا يحلى الكلام الا بذكر النبى عليه الصلاة والسلام...
شوفنا يااا حلوين المرة اللى فاتتت ازاى ربنا خلق ادم من طين..وانه بعد ما خلقه امر كككككككل الملايكة انها تسجد له...وفعلا كل الملايكة سمعت كلام ربنا وسجدت...معاداااا واحد بسسس...واحد بس قال ﻷ
الواحد دا ياا ولاد مش من الملايكة...الواحد دا هو الشيطان ... ربنا خلقه من النار...مش زى الملايكة مخلوق من النور
لكن ربنا كرمه ورفعه ليكون وسط الملايكة فى الملا الاعلى
🌹🌹🌹🌹🌹🌹
اما ابليس ...ودا اسم الشيطان... قال ﻷ مش هاسجد لانه شايف انه احسن من ادم...ربنا طرده من المكان الجميل اللى كان فيه...طرده من مكانه وسط الملايكة ف الملا الاعلى ... طرده ونزله يعيش ف الارض
الشيطان علشان هو وحش وخبيث مزعلش...تخيلوا يااولاد...مزعلش ان ربنا طرده وانه عصى ربنا... ومطلبش ان ربنا يسامحه او يغفرله
لو كان الشيطان طلب من ربنا العفو وندم على الحاجة الوحشة اللى عملها كان ربنا غفرله...لكن هو مرضيش يطلب الغفران لكن طلب حاجة غريبة جدا
🌹🌹🌹🌹🌹
طلب ان ربنا يسيبه لحححححححد يوم القيامة...عارفين عايز يسيبه ليه...عايز يفضل يخلى ككككل النااس وحشين زيه وعايزهم يعملوا حاجات وحشة كتير تخلى ربنا مش راضى عنهم واخليهم ميدخلوش الجنة
ربنا امهل ابليس ليوم القيامة..وجعل ليه اولاد كتير...فابليس بدل ما كان واحد بس...دلوقتى بقى فى شياطين كتييير جدا جدا....جيييش كبير من الشياطين... هدفهم دلوقتى انه يخلى اى حد يعمل اى حاجة غلط...
علشان كدة ياولاد احنا مش لازم ابدا ابدا نسمع كلامه ف اى حاجة وحشة يقولهالنا
انا عايزة اقولكم حاجة مهمة جدا يااا اولاد
🌹🌹🌹🌹🌹
دلوقتى ابليس دا عمل حاجة واحدة بس اللى غلط...معملش حاجات كتير... بس الحاجة الواحدة دى جعلت ربنا يغضب عليه ويلعنه ويطرده من رحمته... يعنى محدش يقول انا هعمل الغلط دا ودى حاجة بسيطة ولا يقول دى حاجة واحدة
لازم نفضل طوول الوقت نسمع كلام ربنا واى حاجة نعرف انها صح وانها هترضى ربنا علينا نعملها على طول حتى لو كان فيها تعب علينا...كل ما نتعب واحنا بنرضى ربنا كل ما هناخد حسنات
الحاجة التانية المهمة ياااولاد...ان رغم ان ابليس كافر وانه وحش وان ربنا لعنه...لكن اما دعا ربنا... ربنا استجاب...ابليس دعا ربنا انه يسيبه ليوم القيامة وربنا استجاب
🌹🌹🌹🌹
فاحنا نتعلم كدة ان اى حاااجة نحتاجها ولا نعوزها نطلبها الاول من ربنا وان شاء الله ربنا هيستجاب ويحققها
