#بداية_الخلق_قصص_الأنبياء
🌹🌹🌹🌹الحلقة 6🌹🌹🌹🌹
سيدنا نووح⛵⛵
كان ياما كان ولا يحلى الكلام الا بذكر النبى عليه الصلاة والسلام
🌹🌹🌹🌹
شوفناا ياا حلوين المرة اللى فاتت ازاى الشيطان ضحك على الناس وخلاهم يعملوا تماثيل للناس الصالحين... وبعد شوية خلاهم يعبدوا التماثيل دى وميعبدوش ربنا
🌹🌹🌹🌹
وقلنا ان ربنااا رحييم اوى اوى وبعت للناس رسول علشان يعلمهم يعبدوا ربنا تانى ويبعدهم عن الشيطان
النبى دا اسمه سيدنا نوح
🌹🌹🌹
سيدنا نوح راح للناس وقالهم...ياناس يا ناس...لازم تسمعوا كلام ربنا...لازم تصلوا...لازم تصوموا...لازم تكونوا طيبين علشان تروحوا الجنة....كل يوم كل يوم يروح يدعو الناس...
🌹🌹🌹🌹
ناس حبة صغيرين قالوا حاضر...احنا هنسمع كلام ربنا...احنا نفسنا نروح الجنة
🌹🌹🌹🌹🌹
ونااس تانية حبة كتييييير اوى قالوا لا احنا مش هنسمع كلام ربنا..احنا مش هنصلى ولا هنصوم... احنا هنفضل نعبد التماثيل . ..بس سيدنا نوح فضل يدعوهم... ويدعوهم... وبقى الناس الاشرار دول كل اما يشوفوا سيدنا نوح يسدوا ودنهم علشان ميسمعوش
🌹🌹🌹🌹🌹🌹
سيدنا نووح فضل برده يدعوهم...يوم ورا يوم...سنة ورا سنة...اعد يدعوهم 950 سنة...وهم برده اشرار مش عايزين يسمعوا كلاام ربنا
🌹🌹🌹🌹
ربنا قال لسيدنا نوح...يصنع سفينة...ايه دا يصنع سفينة...اه يصنع سفينة...وسيدنا نوح والناس المسلمين اللى معاه سمعوا كلام ربنا... واعدوا يصنعوا السفينة...بس كل ما حد من الكفار الاشراﻻ يشوفهم...يضحك عليهم...ويقول كلام وحش...عارفين ليه... علشان هم كانوا عايشين ف الصحرا...معندهمش بحر علشان السفينة تعوم فيه...بس سيدنا نوح مهمهوش انه ميكونش فى بحر...المهم انه يسمع كلام ربنا... علشان اكيد اكيد ربنا هو اللى بيقدر الخير... حتى لو احنا مش فاهمين..او مش مقتنعين...علشان احنا مخنا مهما فكر... مش هيقدر يعرف الخير فين لوحده...فلازم علشان كدة دايما نسمع كلام ربنا ... هو اللى هيقولنا دايما الخير فين
🌹🌹🌹🌹🌹
المهم بعد ما السفينة خلصت...ربنا قال لسيدنا نوح يركب هو والمسلمين اللى معاه....وكمان ياخد معاه من كل الحيوانات اتنين...اتنين اسد...اتنين فيل...اتنين ظرافة...اتنين حمار...اتنين قرد...اتنين من كل الحيوانات...وبعد كدة حصل ايه
🌹🌹🌹🌹🌹
ربنا قاااال للسما... يا سماااا نزلى ماية ومطرى كتيييير اوى....وقاال للارض... يا ارض طلعى الماية اللى جواكى.... لحد لما عملوا بحر كبييير اوى اوى...السفينة تقدر تعوم فيه...ربنا قدر ان اى حد مش ف السفينة هيموت ويغرق...علشان هو كافر مش راضى يسمع كلام ربنا.... واى حد طيب... بيحب ربنا... ومش عايز ربنا يعاقبه... يركب السفينة مع سيدنا نوح... والمسلمين الطيبيبن... وربنا هيحفظهم
🌹🌹🌹🌹🌹
المهم السفينة فضلت ف البحر دا... والكفار الاشرار غرقوا ف الماية.... وكان فى مع الكفار الاشرار دول.. ابن سيدنا نوح... كان كافر ومش عايز يسمع كلام ربنا.... سيدنا نوح اعد ينادى عليه... ويقوله تعالى اركب معانا السفينة وكون طيب ومسلم... وهو شرير مش راضى... وقال انه هيطلع فوق جبل عااااالى اوى علشان الماية متوصلوش... بس سيدنا نوح قاله... مفيش حاجة هتحميك من الماية ومن الغرق الا انك تكون مسلم طيب... وغرق ابن سيدنا نوح
🌹🌹🌹🌹
وبعد ما كل الاشرار ماتوا... ربنا قال للشمس... تطلع علشان تنشف الماية...وقال للارض... تبلع كل الماية تانى...والسفينة نزلت تانى على الارض... وسيدنا نوح والمسلمين اللى معاه والحيوانات. .. ابتدوا حياة جديدة... كلها ايمان... من غير اى كفر ولا اشرار
🌹🌹🌹🌹🌹
وبكدة يا ولاد لازم نبقى متاكدين ان اللى يسمع كلام ربنا... لازم ربنا هيحافظ عليه وهينصره... حتى لو فات وقت طويل... سيدنا نوح دعا الناس 950 سنة... ومزهقش... ومتعبش...علشان عارف ان ربنا هينصره ف الاخر
🌹🌹🌹🌹
وحاجة كمان ياولاد... ان الكفار الاشرار مش هينفعهم ان اهلهم يكونوا كويسين... يعنى ربنا عاقب ابن سيدنا نوح وابوه نبى... يبقى كل واحد يهتم بنفسه... وبعمله... علشان ربنا هيحاسب كل واحد لوحده
🌹🌹🌹🌹
وكمان يا ولاد لازم نتعلم اننا نسمع كلام ربنا على طول... حتى لو مش عارفين ليه..حتى لو مش مقتنعين ان دا كويس... حتى لو شايفين ان دا مش صح.... طالما ربنا قاال... يبقى هو دا الخير... وهو دا اللى هدخل بيه الجنة
🌹🌹🌹🌹🌹
وكمان ياحبايبى مش لازم ابدا نكون مع الكتير... مش معنى ان ناس كتير بتعمل كدة يبقى دا صح... شوفتوا سيدنا نوح والمسلمين اللى معاه... كانوا شوية صغيرين اوى... والاشرار كانوا كتيييير اوى اوى... مينفعش انا بقى اقول ما هو كل الناس بتعمل كدة.....ومش معنى ان ناس كتير بتعمل الغلط..يبقى الغلط دا بقى صح...لا دا معناه ان ناس كتير بتعمل الغلط.... وانا هعمل الصح... حتى لو كنت انا الوحيد اللى بعمله
🌹🌹🌹🌹🌹
وصل اللهم وسلم على محمد وسلم تسليما كثيرا
يتبع....
