#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 22🌹🌹🌹
📌يوسف عليه السلام الجزء 6
كان ياما كان ولا يحلى الكلام الا بذكر النبى عليه الصلاة والسلام
شوفنا ياولاد المرة اللى فاتت ازاى يوسف عليه السلام شرح الحلم بتاع الملك... الحلم بتاع السبع بقرات .... فاكرين يااولاد
يوسف بعد ما شرح للساقى الحلم... الساقى بسرعة بسرعة راح بلغ الملك
والملك ياولاد فرح جدا جدا ان فى حد قدر يشرحله الحلم بتاعه اللى البلد كلها معرفتش تشرحه وعلى طول وبسرعة قالهم هاتولى يوسف هنا
🌹🌹🌹🌹🌹🌹🌹
فبسرعة بسرعة ارسل الملك حارس ليوسف يجيبه من السجن...لكن ياولاد يوسف مرضيش يخرج من السجن
تفتكروا ليه ياولاد .......
يوسف ياولاد دخل السجن ظلم... دخل السجن وهو معملش اى حاجة وحشة... دخل السجن علشان هو كويس اوى ومرضيش يعصى ربنا
لكن الملك ميعرفش كدة والناس متعرفش كدة... والناس كلها عارفة ان اى حد يدخل السجن لازم يكون انسان وحش
بس دا مش صح ياولاد .... فى ناس كتير اوى عظماء دخلوا السجن علشان هم كويسين اوى ... دخلوا السجن علشان مرضيوش يغضبوا ربنا ويعملوا حاجة غلط
زى يوسف كدة.... فيوسف كان عايز الملك يكون متاكد انه بريئ وانه عمره ما خان ولا عمل حاجة وحشة ابدا
وهو لو كان خرج من السجن مع الحارس مكنش ابدا حد هيعرف الحقيقة دى... وكان الناس هتقول اكيد يوسف كان فى السجن علشان عمل حاجة وحشة
فعلشان كدة يوسف مرضيش يخرج من السجن وقال للحارس ارجع للملك واسأله عن الستات اللى عورت ايدها بالسكينة
وفعلا الحارس قال للملك على الستات اللى عورت ايدها بالسكينة.... وعلى طول الملك جاب الستات دى كلهم وجاب كمان مرات العزيز وسألهم على يوسف
وسبحان الله ياولاد ربنا اراد ان الحقيقة تظهر بعد كلللللل السنييين دى
الستات قالت انهم مشفوش ابدا ابدا يوسف بيعمل اى حاجة وحشة ولا سمعوا انه عمل اى حاجة وحشة
🌹🌹🌹🌹🌹🌹🌹
وكمان مرات العزيز قالت انها هتقول الحق وان يوسف معملش اى حاجة وحشه وانه مكذبش ابدا وكان صادق وانه دخل السجن ظلم وانها هى اللى وحشة وهى الل كذبت
وبكدة الملك والعزيز وكل الناس اتاكدوا ان يوسف معملش اى حاجة وحشه وان اخلاقه جميلة وانه مش ممكن هيعصى ربنا
فعلى طول الملك قالهم هاتولى يوسف علشان يكون قريب منى اسمع كلامه واخد رائه دايما.... ولما جيه يوسف واتكلم مع الملك .... الملك اعجب بيه جدا جدا واتاكد اد ايه يوسف انسان كويس واد ايه اخلاقه جميلة وقاله انه من النهاردة انت بقيت حد مهم جدا نسمع كلامك وناخد رايك ونثق فيك
فيوسف طلب من الملك ان يشتغل معاهم ويكون الشغل بتاعه انه هو اللى يقول نصرف كام ونصرفه فايه ونزرع ايه وناكل ايه ونحوش ايه ونعطى مين ونمنع مين
وعلى طول الملك وافق لان يوسف امين وهيحافظ على فلوس وزرع البلد ومش ممكن هيعمل حاحة تغضب ربنا
🌹🌹🌹🌹🌹🌹🌹
وبكدة يوسف بقى وزير ياولاد ...
يوسف بقة هو كمان عزيز مصر بعد ما اخواته اضايقوا منه اتخلصوا منه
بعد ما كان طفل صغير مرمى فى البير
بعد ما دخل السجن سنين
يوسف بفى عزيز مصر
نقف هنا ياولاد شوية ونشوف تانى مع بعض الل حصل ليوسف
يوسف ياولاد مرضيش ابدا يعمل حاجة تزعل ربنا .... ودخل السجن وهو مش مضايق ولا زعلان .... دخل السجن وهو راضى ودايما بيشكر ربنا على كل نعمه
🌹🌹🌹🌹🌹🌹🌹
واعد فى السجن سنيين كتير وهو مش زهقان ولا زعلان ولا عمال يقول كلام وحش انه عايز يخرج من السجن
بل بالعكس فضل السنين دى كلها يعبد ربنا ويحب ربنا ويصبر على اختبار ربنا ليه
ونجح فعلا يوسف فى الاختبار وخرج من السجن وبقى عزيز مصر
واحنا كمان ياولاد مش لازم ابدا ابدا نعمل حاجة تزعل ربنا
ولو عملنا حاجة تزعل ربنا وتزعل بابا وماما مش ممكن ابدا ابدا نكدب ونقول معملناش علشان نهرب من العقاب
🌹🌹🌹🌹🌹🌹🌹
لازم نقول الصدق حتى لو هنتعاقب
لازم نقول الصدق حتى لو هنتأذى
لازم نقول الصدق حتى لو عملنا حاجة وحشة جدا جدا
وان شاء الله ربنا هيكرمنا وينصرنا زى ما كرم يوسف
🌹🌹🌹🌹🌹🌹🌹
دلوقتى يوسف بقى عزيز مصر ... وقال للفلاحين يزرعوا ايه ... وطلع الزرع وخزنوه علشان ميبوظشى
وسنة ورا سنة المطر بينزل والزرع بيطلع الحيوانات بتاكل وبتشرب ويوسف بيخزن الاكل وبيدبر الامر
لحد لما السبع سنين اللى فيهم مطر وخير خلصوا
وابتدت السبع سنين الجفاف اللى مفهمش مطر ولا زرع
الزرع مات والارض نشفت والحيوانات ضعفت
ونقف هنا المرة دى ونشوف هيحصل ايه المرة الجاية
يتبع ......
