⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 30🌹🌹🌹
📌موسى عليه السلام الجزء التانى
🌲🍒🌲🍒🌲🍒🌲🍒🌲🍒🌲🍒🌲
كان ياما كان و مايحلي الكلام إلا بذكر الله ثم الصلاة على رسول الله
قلنا يا حلويين المرة اللى فاتت ان سيدنا موسى بعد اما مامته رميته ف النيل
اخدته مرات فرعون الشرير هى طيبة وكويسة وحبيت موسى اوى ومامت سيدنا موسى كانت بترضعه وبتاخد بالها منه وان سيدنا موسى اتربى ف قصر فرعون الشرير 🌹🌹🌹🌹🌹🌹🌹🌹🌹🌹🌹🌹🌹
دلوقتى سيدنا موسى كبر وبقى قوى اوى وفى مرة دخل السوق لقى اتنين بيتخانقوا وبيضربوا بعض
واحد من قوم فرعون وواحد من بنى إسرائيل
الراجل اللى من بنى إسرائيل اول لما شاف سيدنا موسى نداله وقاله الحقنى الحقنى
راح سيدنا موسى يحوش ما بينهم وزق الراجل اللى من اهل فرعون
راح الراجل وقع ماات
بس سيدنا موسى مكنش قصده يموته
هو بس كان بيبعد بينهم علشان ميضربوش بعض
بس محدش عرف ان سيدنا موسى هو اللى قتله
🌲🍒🌲🍒🌲🍒🌲🍒🌲🍒🌲🍒🌲🍒
تانى يوم سيدنا موسى بردوو دخل السوق لقى نفس الراجل بتاع امبارح بيتخانق وبيضرب واحد تانى من اهل فرعون
واول اما شاف سيدنا موسى نداله وقاله الحقنى الحقنى
سيدنا موسى اضايق اوى من الراجل وعرف انه وحش وهو اللى بيتخانق مع الناس وكل يوم يضرب حد
فراح سيدنا موسى علشان يزوقه هو
راح قاله انت عايز تموتنى زى ما قتلت الراجل امبارح
راحت كل النااس عرفت ان سيدنا موسى هو اللى قتل الراجل الاولانى اللى من اهل فرعون
راح سيدنا موسى مشى وسابهم
بعد شوية واحد جيه لسيدنا موسى وقاله انا سمعت قوم فرعون بيتفقوا مع بعض علشان يقتلوك زى ما قتلت الراجل بتاعهم اهرب بسرعة وسيب البلد
🎀🍃🎀🍃🎀🍃🎀🍃🎀🍃
سيدنا موسى سمع كلام الراجل ومشى وساب مصر
فضل ماشى ماشى ماشى
لحد اما وصل بلد تانية اسمها مدين
لاقى شجرة كبيرة اعد تحتيها علشان يستريح من السفر
ولاقى ايه حواليه.
لاقى بيير ماية
البير دا حفرة ف الارض بتكون مليانة ماية من الامطار وبيبنوا عليها سور وينزلوا الجردل بتاعهم بحبل ياخدوا ماية ولقى حوالين السور دا رجالة كتير واقفين بيملوا ماية علشان يشربوا ويشربوا الحيوانان بتاعتهم
لاقى حاجة غريبة اوى كماااان
لاقى ايه
🌲🍒🌲🍒🌲🍒🌲🍒🌲🍒🌲
لاقى بينتيييين
يااا بنتين وقفين عند الرجالة كدة
اه بنتين وقفين على جنب ومعاهم الغنم بتاعهم
سيدنا موسى استغرب اوى لان رعى الغنم ومليان الماية دا شغل رجالة مش ممكن بنات تعمله وراح للبنات يسالهم ايه اللى جيابهم عند الرجالة قالوله ان ابوهم راجل عجوز ومعندهمش حد يجبلهم ماية ولا يشرب الغنم
راح سيدنا موسى علشان هو كويس اوى وبيحب يساعد الناس جابلهم ماية وشرب الغنم بتاعهم وراح اعد تانى تحت الشجرة واعد يشكر ربنا علشان ربنا اداله صحة وقوة واخلاق جميلة يساعد بيها الناس
البنتين روحوا لباباهم وحاكوله على اللى حصل راح بابهم قال لواحدة فيهم تروح تناديله علشان ياخد اجر الشغل اللى عمله
🌺🍃🌺🍃🌺🍃🌺🍃🌺🍃🌺🍃🌺
البنت نادت سيدنا موسى وهو معملش كدة اصلا علشان ياخد اجر بس راح معاها لباباها وحكاله على كل حاجة
على بنى إسرائيل وقوم فرعون والراجل اللى مات وانه هرب من البلد
الراجل قاله يا موسى متخافش هنا محدش هياذيك ابدا وقاله ايه رايك لو تعيش معانا وتتجوز بنت من بناتى وتفضل سبع سنين ترعى الغنم بتاعنا وتجبلنا الماية ولو عايز تخليهم عشرة ماشى...
🌹🌹🌹🌹🌹🌹🌹🌹🌹🌹🌹🌹🌹🌹🌹
راح سيدنا موسى وافق واتجوز بنته وبقى عنده بيت واهل بعد ما هرب من بلده واعد عشر سنين يرعى الغنم ويسقى ماية واما العشر سنين خلصت سيدنا موسى قال انه عايز يرجع بلده تانى مصر
اخد سيدنا موسى مراته ومشيوا رايحيين لاهله ف مصر بس حصل حاجة غريبة جدا ف الطرييق
🌷🍃🌷🍃🌷🍃🌷🍃🌷🍃
ودا هنعرفه المرة الجاية ان شاء الله
يتبع .....
والصلاة والسلام على رسول الله
