#بداية_الخلق_قصص_الأنبياء
🌹🌹🌹🌹الحلقة 5🌹🌹🌹🌹
وفاة ادم ونبى الله ادريس
كان ياما كان... ولا يحلى الكلام...الا بذكر النبى..عليه الصلاة والسلام
🌹🥀🌹🥀🌹
شوفنا ياا ولاد مع بعض ازاى ربنا خلق السموات والارض ف 6 ايام
وخلق الملايكة من نور... والشياطين من نار... والانسان من طين
شوفنا خلق ادم وسجود الملايكة ليه وكره الشيطان وعداوته لادم
🌹🥀🌹🥀🌹
شوفنا دخول ادم الجنة وخلق زوجته ومعصية ادم فى اكل الشجرة بعد وسوسة الشيطان ليه
🌹🥀🌹🥀🌹
وشوفنا كمان ازاى ربنا غفر لادم وسامحه لانه زعل اوى انه عمل حاجة غلط بعكس الشيطان اللى ربنا مسامحوش ووعده بعذااااب كببيرر اوى لانه غلط وفضل يتمل الغلط ومرديش يبطل غلطه
وكمان شوفنا ان ادم وزوجته حواء والشيطان كلهم نزلوا يعيشوا فى الارض وربنا حذر الناااس من الشيطان وومكره
🌹🥀🌹🥀🌹
وشوفنا ازاى اولاد ادم كانوا بيتولدوا اتنين اتنين ... وكل واحد بيتجوز اللى بعده
وشوفنا ازاااى الشيطان وسوس لابن ادم فقتل قابيل اخوه هابيل ... وربنا بعتله غراب يعلمه ازاى يدفن اخوه
🌹🥀🌹🥀🌹🥀🌹
ودلوقتى ياااولااد حواء خلفت اولااااد كتيير اوى... واولادها خلفوا كتييير ازى بردوا...واولادهم خلفوا كتيير اوى... كانوا عاايزين يملوا الارض الفاضية دى ناس
وفعلا بقى فى ناس كتيرة شوية عايشين ف الارض وكلللللهم مسلمين بيقولوا لا اله الا الله
🌹🥀🌹🥀🌹🥀🌹
وادم عجز اوى اوى وجيه وقت موته...لان لازم كل الناس هتموت...محدش هيعيش على طول
ادم مات واولاده دفنوه وعاشوا من بعده مسلمين طيبين
🌹🥀🌹🥀🌹
عاشوا سنيييييين طوووويلة جدا جدااا بيعبدوا ربنااا ومبيسمعوش كلام الشيطان... لحد اما جيه وقت شوية ناس ابتدى تنسى ان الشيطان عدوهم... وابتدوا يعملوا شوية حاجات وحشة
🌹🥀🌹🥀🌹
فربنااا علشان هو بيحبنااا ورحييم بيناا بعت للناس نبى يعلمهم ويفكرهم ان الشيطان شرير ومش لازم ابدا يسمعوا كلامه... ويفكرهم ان الدنيا دى مهما كانت طوويلة فهى هتخلص... والمفروض اننا نجمع حسنااات كتييير اوى كل يوم وكل ساعة علشان ربناا يىضى عنا ويدخلنا الجنة تانى
🌹🥀🌹🥀🌹
المهم ربنا ارسل للناس نبى اسمه ادريس.. ادريس دا طبعا كان من احفاد ادم ... وفضل يعلم الناس ازاى يكونوا طيبين مسلمين... وازاى يجمعوا حسنات... وازاى ميسمعوش كلام الشيطان
🌹🥀🌹🥀🌹
ورجع الناس تانى طيبين وبيعبدوا ربنا... ومات سيدنا ادريس... وفضل الناس طيبين مسلمين سنين وسنين
🌹🥀🌹🥀🌹
لحد اما جيه وقت كان فى 5 رجالة كويسيين اوى اوى...كانوا بيعملوا كل اعمال الخير والناس كانت بتحبهم اوى اوى
الرجالة دول كان اسمهم .. ودا وسواع ويغوث ويعوق ونسرا
🌹🥀🌹🥀🌹🥀
الرجالة دى اما ماتوا... الشيطان بدا يوسوس للنااس.. الشياطين قالت للناس انهم لازم يعملوا تماثيل للرجالة الصالحة دى علشان كل اما يشوفوا التمثال يفتكروا اعمال الخير ويفتكروا طريق ربنا
🌹🥀🌹🥀🌹
وفعلا الناس عملت التماثيل وكانت لسة بتعبد ربنا وكل اما يشوفوا التمثال يفتكروا الصالحين دول ويروحوا يعملوا زيهم
🌹🥀🌹🥀🌹
الناس اللى عملت التماثيل دى ماتت... وجيه بعدهم ناس تانية لقوا التماثيل موجودة.. فالشيطان قالهم اما تحتاجوا حاجة ابقوا قولوا للتماثيل لانها بتاعة ناس صالحين ربنا كان بيحبهم..
وبدا الناس يدعوا التماثيل بدل ما بيدعوا ربنا
🌹🥀🌹🥀🌹
وبعدين سنين وسنين جيه ناس تانين الشيطان قالهم ان التماثيل دى هى ربنا...وبدا الناس فعلا يعبدوا التماثيل بدل ما بيعبدوا ربنا
بقوا يصلوا للتمثال ويتصدقوا للتمثال ويدعوا التمثال
🌹🥀🌹🥀🌹
شوفتوا يااولاد الشيطاان شرير اوى ازاى ونفسه كل الناس تبقى شريرة زيه ومتسمعش كلام ربنا
🌹🥀🌹🥀🌹
نفسه كللللل الناس متخدش حسنات ومتحبش ربنا وتسمع كلامه ومتدخلش الجنة
🌹🥀🌹🥀🌹
دلوقتى الناس بدات تعبد التماثيل ومبتعبدش الله... لكن علشان ربنا بيحب الناس ورحيم بيهم بعتلهم نبى واحد تانى يعلمهم ويفكرهم
🌹🥀🌹🥀🌹
هنقف هنا دلوقتى ونشوف مع بعض مين النبى دا وعمل ايه والناس سمعوا كلامه ولا سمعوا كلام الشيطان
🌹🌹🌹🌹🌹
والسلام عليكم ورحمة الله وبركاته
يتبع..
