:
⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 43🌹🌹🌹
📌داوود عليه السلام جزء 1
كان ياما كان ولا يحلى الكلام الا بذكر الله ثم الصلاة على رسول الله
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
شوفنا المرة اللى فاتت ازاى يهود بنى اسرائيل كانوا عايزين يحاربوا الاشرار اللى طردوهم من ارضهم واخدوا التابوت بتاعهم وطلبوا من الرسول بتاعهم قائد يجمعهم ويروح يحارب بيهم
وفعلا ربنا ارسل ليهم ملك عليهم اسمه طالوت واخدهم حارب معاهم الاشرار وفضلوا يدعوا ربنا انه ينصرهم ويثبتهم وفعلا ربنا استجاب لدعاهم ونصر المؤمنين على الكفار الاشرار وقتل البطل داوود قائد الاشرار الل اسمه جالوت
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃🍃
وبكدة انتهت الحرب وبقى طالوت هو اول ملك ملَّكه الله على بنى اسرائيل ....
وبعد طالوت لما مات ... جيه بعده البطل داوود وبقى هو تانى ملك لبنى اسرائيل وفى نفس الوقت اول ملك رسول
فداوود ربنا رزقه الملك وبقى هو الملك ورزقه كمان الحكمة والعلم علشان يقدر يحكم صح
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وكمان داوود كان عنده
كتاب زى موسى عليه السلام ما كان عنده التوراه
وهنشوف عيسى عليه السلام عنده الانجيل
ومحمد صلى الله عليه وسلم واحنا المسلمين عندنا القران
وكان داوود ياولاد دايما بيقرأ الزبور ويسبح لله وكان بيصوم احب الصيام لله وكان بيصلى احب الصلاة لله زى ما رسولنا محمد قالنا
عارفين كان بيصوم ازاى وبيصلى ازاى؟
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
كان بيصوم يوم ويفطر يوم
وكان بينام نص الليل ويصحى يصلى تلت الليل وينام تانى سدس الباقى
فداوود عليه السلام كان من اعبد الناس لربنا وكمان كان ملك وكمان كان قوى وشجاع
كل دى نعم من ربنا لداوود عليه السلام وربنا ذكر فى القران ان داوود كان بيشكر دايما نعم الله عليه
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
واحنا كمان لازم نشكر نعم ربنا علينا باننا نزداد عبادة ونزداد تسبيح ونزداد ذكر لله وكمان نتعلم ونشتغل ونبقى اقوياء بحيث اننا نبقى من اعبد الناس واشجعهم
مش نكون عباد لكن ضعفاء وجبناء
داوود عليه السلام ياولاد صوته كان جمييل جدا جدا زى ما قلنا وربنا انعم عليه بنعمة تانية ان الطيور والجبال كانت بتسبح معاه لما بتسمعه بيسبح
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
سبحان الله !!!
الجبل الكبير اللى بنشوفه دا كان اول لما يسمع تسبيح داوود عليه السلام يبسبح على طول معاه
صحيح احنا مش سامعين صوته لكن متاكدين انه كان بيسبح لان القران ذكر لينا ان ربنا أوحى للجبال تسبح مع داوود
وكمان الطيور اللى احنا بنسمعها تصوص او تصفر او تطلع اى صوت كانت بتسبح بس احنا مش بنكون فاهمين اللغة الل بتسبح بيها
ودى من نعم ربنا على داوود عليه السلام
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وكمان نعمة تانية عظيمة ربنا انعم بيها على داوود وهى ان الحديد الجامد القوى دا ربنا جعله طرى فى ايد داوود
فداوود قدر يعمل اسلحة من الحديد ودروع يلبسها الجنود وهم بيحاربوا علشان تحميهم من اسلحة الاعداء
صحيح كان ملك وصحيح كان رسول إلا انه كان بيشتغل بايده ويعمل من الحديد اسلحة ودروع
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
الحديد الل بنحتاج دلوقتى مصانع علشان تقدر تشكله وبتحتاج نار ودرجة حرارة عالية جدا علشان تسخنه فيقدروا يشكلوه ربنا القادر على كل شى جعله طرى فى ايد داوود عليه السلام
وربنا انعم كمان على داوود بانه كان عنده ابن اسمه سليمان
وسليمان عليه السلام هو كمان ربنا رزقه بعلم وبفضل كبير والاتنين كانوا بيشكروا الله وبيعبدوه وبيحبوه جدا جدا
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وفى يوم داوود وسليمان عليهما السلام اعدين ودخل عليهم رجلين
واحد منهم بيشتكى من التانى وعايز داوود عليه السلام يحل المشكلة بينهم
قال الراجل للداوود انه عنده مزرعة او ارض مليانه زرع وبليل وهو نايم الغنم بتاعة الراجل التانى دا دخلت ارضه واكلت الزرع وباظ كله ومبقاش نافع
وطلب من داوود انه يقول حل للمشكلة دى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
داوود عليه السلام قال طالما الغنم بوّظت زرعك ومبقاش عندك خلاص حاجة ومزرعتك مش نافعة يبقى تاخد الغنم بتاعته ويتحمل هو الخسارة انه ميبقاش عنده غنم
لكن سليمان عليه السلام ربنا رزقه فهم احسن للمشكلة ولاقى حل غير انه ياخد غنم الراجل التانى والحل ياولاد انه صاحب الغنم يشوف الزرع اللى باظ دا بكام ويدفع لصاحب الارض تمنه
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
وكان فى حل تانى ان صاحب الغنم يسيب الغنم بتوعه عند صاحب المزرعة لحد لما يزرعهاله تانى زى ما كانت وبعد كدة يبقى ياخد غنمه وصاحب المزرعة ياخد مزرعته
سبحان الله داوود وسليمان عليهما السلام ربنا رزقهم نعم كتير جدا ورزقهم الفهم والحكمة وعلمهم ازاى يقدروا يحكموا على الامور لانهم كانوا ملوك وكانوا رسل
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
ونقف هنا المرة دى ونشوف المرة الجاية مين هايجى بمشكلة لداوود تانى عليه السلام وهيبقة عايز حلها وهنشوف هتتحل ازاى
ونكمل المرة الجاية
يتبع .....
