#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 21🌹🌹🌹
📌يوسف عليه السلام جزء 4
كان ياما كان ولا يحلى الكلام الا بذكر النبى عليه الصلاة والسلام
دلوقتى طبعا كل الولاد الشاطرين فاكرين ايه اللى حصل ف المرات اللى فاتت
وفاكرين الامتحانات الصعبة بتاعة ربنا ليوسف عليه السلام
امتحان ان اخواته ميبحهوش ويرموه فى البير وهو يصبر وميزعلش منهم
امتحان انه يتربى ف قصر الوزير وبردوا فضل بيسمع كلام ربنا حتى وهو ف القصر
امتحان مرات العزيز وبردوا صبر ومرضيش يسمع كلامها ولا كلام الشيطان
امتحان دخوله السجن وبردوا صابر وراصى بحكم ربنا
وفى كلللل الامتحانات دى يوسف دايما دايما بيدعى ربنا وبيطلب من ربنا انه يساعده ويبعد عن اى شر
دلوقتى زى ما قولنا ياولاد يوسف فسر او شرح الحلم بتاع الشابين اللى كانوا معاه فى السجن
وفعلا احلامهم اتحققت زى ما يوسف قال والخباز مات والساقى اشتغل عند الملك بيجبله المشروبات والعصاير والماية وكدة
وفى يوم الملك حلم حلم غريبببب جدا جدا ... وكان نفسه اوى يعرف معنى الحلم دا ايه... اعد يسال الوزراء بتوعه والمساعدين والعلماء والحكماء ويسال كل الناس عن معنى الحلم لكن مكنش ابدا حد بيعرف يرد عليه
لان دا ياولاد علم ربنا رزقه ليوسف ومش اى حد يقدر يشرح الاحلام لكن من فضل ربنا على يوسف انه اعطحلمي البدري:
اله العلم دا
وفى يوم والملك عمال يسال عن حد يشرحله الحلم بتاعه الساقى اللى عنده سمع الموضوع وعرف ان الملك عنده حلم
وعلى طووول افتكر ميين
مظبووط
على طول افتكر يوسف انه بيعرف يشرح الحلم وبيتحقق زى ما قال بالظبط
فبسرعة بسرعة الساقى دا راح ليوسف فى السجن وقاله يايوسف الملك شاف حلم ونفسه حد يشرحهوله
وطلب منه انه يشرح معنى الحلم علشان يروح يبلغ الملك
الحلم الغريب ياولاد كان عبارة ايه بقى
الملك شاف فى الحلم ان فى 7 بقرات تخينة وقوية وصحتها كويسة... وبعد كدة شاف 7 بقرات تانية ضعييييفة ورفيعة وصحتها تعبانة خالص
بس الغريب ياولاد انه شاف البقرات الضعيفة دى بتاكل البقرات التخينة القوية فاستغرب جدا الملك واتخض
ازاى البقرات الضعيفة بتاكل البقرات القوية
وكمان شاف حاجة تانية .... شاف 7 سنبلات ... والسنبلة ياولاد دى زرعة بتاعة القمح ... بيكون اسمها سنبلة... عبارة عن جيوب كدة صغننة فوف بعض كل جيب فيه قمحاية
المهم الملك شاف مع البقر اللى بياكل بعضه شاف 7 سنبلات خضر جمال اوى اوى وشاف 7 تانين ناشفيين
يوسف ياولاد اول لما شاف الساقى مزعلش منه انه نسيه مع ان يوسف قاله اول لما تطلع من السجن تقول للملك انى مظلوم فى السجن لكن الساقى نسى
ويوسف اخلاقه جمييلة اوى اوى ومرضيش يزعل منه ولا يضايقه ولا يقوله انت ليه نسيتنى كل دا
وعلى طول يوسف شرح الحلم بتاع الملك
وقاله الحلم دا حلم للبللللد كلههها
لان السبع بقرات التخينة القوية دى هى سبع سنين مليانين خير ومطر كتير
والمطر يااولاد لما بينزل بيسقى الارض فتطلع احلى زرع واحلى خضار وفاكهة
وكمان المطر بيملى الانهار ويبقى النهر مليان ماية الناس تشرب والحيوانات
فاول 7 سنين هيكون فى مطر كتير وزرع كتير وشرب كتير فالناس والحيوانات هتاكل وتشرب وتبقى صحتها تمام وتمام
بس لازم حاجة مهمة جدا.... لازم فى السبع سنين دول اللى مليانين خير مياكلوش وميشربوش كل الاكل والشرب
لازم ياكلوا ويشربوا حبة صغيرين والباقى كله يحوشوه
عارفين ليه
علشان هايجى بعدهم 7 سنين تانين ضعاف... فاكرين السبع بقرات الضعاف... هم دول
سبع سنين مفيش مطر والارض هتنشف والنهر هينشف والزرع هيموت والحيوانات والناس هتجوع وتعطش بس هياكلوا منين
مظبوط
هياكلوا من اللى حوشوه من السبع سنين اللى فيهم مطر وخير ... بس كمان لازم بردوا مياكلوش كل اللى متحوش ... يسيبوا شوية لبعدين
وبعد السبع سنين دووول الضعاف اللى مفهمش اى اكل وشرب هايجى سنة كلها خير ومطر والزرع يطلع من تانى والنهر يتملى من تانى والحيوانات والناس تاكل وتشرب وصحتها تبقى تمام التمام
طبعا ياولاد الملك اول لما سمع شرح الحلم بتاعه على طوول فرح اوى بيوسف وقالهم هاتولى يوسف دلوقتى حالا وخرجوه من السجن
تفتكروا ياولاد يوسف هيخرج من السجن
تفتكروا الملك عايز ايه من يوسف
هنقف هنا المرة دى ونكمل مع بعض ان شاء الله فى الحلقة الجاية
يتبع .....
