سلسلة بداية الخلق قصص الانبياء للاطفال

الحلقة 28

⭕️⭕️⭕️سلسلة بداية الوحى⭕️⭕️⭕️

🌹🌹🌹الحلقة 28🌹🌹🌹

📌يونس عليه السلام

كان ياما كان و لا يحلى الكلام الا بذكر الله ثم الصلاة على رسول الله
🍉🍇🍓🍇🍉🍇🍉🍇🍉
زماااان زمااااان....كان فى بلد صغيرة كدة....كل النااس اللى فيها مبيسمعوش كلام ربنا....وقلوبهم مكنش فيها خيير...فربنا ارحم الراحمين....بعت ليهم رسول...يعملمهم الخير...ويعرفهم طريق الجنة...ويقولهم اننا لازم نسمع كلام ربنا ونطيعه...ولازم نصلى ونصوم...ولازم قلوبنا تبقى طيبة...علشان ناخد حسنااااااات كتيييييير...وربنا يدخلنا الجنة....
الجنة اللى فيها كل حاجة حلوة احنا عايزنها...

الرسول دا كان اسمه يونس عليه السلام..وليه اسم كمان ذى النون...
🍒🍒🍒🍒🍒🍒🍒🍒🍒🍒🍒🍒
الناس دول مرضيوش يسمعوا كلام يونس... ومرضيوش يكونوا مسلمين طيبين...

يونس عليه السلام  اعد يدعوهم ويدعوهم... وهم برده مش راضيين يسمعوا الكلام....

سيدنا يونس اضايق اوى منهم وكان زعلان انهم مش راضيين يسمعوا كلام ربنا اللى خلقهم واللى رزقهم بكل حاجة حلوة...وبرده مرضيوش يسمعوا الكلام.... راح سيدنا يونس قالهم... انتوا مش بتسمعوا كلام ربنا...طب ربنا هينزل عليكم عذاب بعد تلات ايام... ومشى وساب البلد...راح ناحية البحر🛶⛵⛵⛵⛵⛵⛵⛵⛵⛵
سيدنا يونس من كتر ما كان نفسه الناس كلها تكون مسلمة وتحب ربنا وتدخل الجنة...قالهم ان ربنا هيعذبهم بعد تلات ايام ومشى...بس هو عمل كدة من نفسه...والمفروض ان الرسول ميعملش حاجة غير لما ربنا يقوله عليها...ربنا قاله ادعى الناس دى وعلمهم...لازم يدعوهم ويعلمهم وميسبهمش ابدا حتى لو مش راضين يسمعوا الكلام...

المهم الناس دول بعد ما سيدنا يونس مشى وسابهم....خافوا اوى من ربنا....وخافوا ربنا يعذبهم ...اتجمع كل الرجالة والستات والاولاد والبنات والاطفال....واعدوا يدعو ربنا...ويستغفروه...يعنى يقولوا يارب احنا عملنا حاجة غلط...واحنا مش هنعمل كدة تانى...وهنسمع كلامك .. وهنعبدك...متعذبناش يارب...
احنا خلااص بقينا مسلمين طيبيبن...

ربنا استجاب ليهم علشان هم دعوه...ربنا بيستجاب دايما لاى حد يدعوه بصدق
🌹🌹🌹🌹🌹🌹🌹🌹🌹
سيدنا يونس بقى...لما وصل للبحر...لاقى سفينة مسافرة...ركبها ..وكانوا عارفين انه سيدنا يونس رجل صالح وكويس....وبعدين بعد اما السفينة مشيت...وهى ف نص البحر...الرياح جامدة جت...والموجة بقت عالية اوى...
🌷🍃🌷🍃🌷🍃🌷🍃🌷
قالوا احنا لازم حد مننا ينط ف البحر علشان السفينة متغرقش...وقالوا هنعمل قرعة علشان نشوف مين اللى هنرميه ف البحر...يعنى ايه قرعة...يعنى زى حادى وبادى اللى بنعملها احنا

المهم القرعة جت على سيدنا يونس..بس الناس اللى ف السفينة قالوا...لا لا مش ممكن نرمى يونس علشان هو رجل صالح...هنعمل القرعة تانى...وبرده جت تانى على سيدنا يونس...وقالوا هنعملها تالت اخر مرة..وبرده جت على سيدنا يونس...راح سيدنا يونس نط ف الماية....
🌹🌹🌹🌹🌹🌹🌹🌹🌹
واييييييييه اللى حصل....

رااااااح حوووووووت كبييييييير جيه وبلع سيدنا يونس....

يا خبر الحوت بلعه...

ايوة الحوووووت الكبيييير بلعه
🌹🌹🌹🌹🌹🌹🌹🌹🌹🌹
سيدنا يونس عرف انه عمل حاجة مكنش المفروض يعملها...مكنش المفروض ابدا يمشى ويسيب الناس اللى مسمعوش كلام ربنا من غير ما ربنا يقوله..

.وعرف ان دا عقاب ليه من ربنا ...

سيدنا يونس عمل ايه وهو ف بطن الحوت...
حد سامعه...
حد شايفة...
حد يقدر ينقذه....
مفيش غير ربنا ....
اللى خلق سبدنا يونس...
وخلق الحوت...
ويسمعنا ويشوفنا واحنا ف كل مكان...
ويقدر يعمل اى حاجة...
🌹🌹🌹🌹🌹🌹🌹🌹🌹
سيدنا يونس اعد يدعى ربنا ويقول....

لا اله الا انت سبحانك انى كنت من الظالمين
لا اله الا انت سبحانك اني كنت من الظالمين
لا اله الا انت سبحانك اني كنت من الظالمين

اعد يقوول كتييير كتييير...وربنا ارحم الراحمين...خلى الحوت ميأذيش يونس وهو ف بطنه...يعنى مندغوش بسنانه ولا هضمه...فضل اعد كدة ف معدته....
🌹🌹🌹🌹🌹🌹🌹🌹🌹🌹🌹🌹🌹
يااااااا دى حاجة صعبة اوى....بطن الحوت ظلمة...والبحر من جوااا خالص بيكون ظلمة....والدنيا بليل فهى كمان ظلمة...

لكن سيدنا يونس عرف ان كل دا علشان هو اتصرف من غير ما ربنا يقوله...

علشان كدة يا اولااد احنا كمان مش لازم نعمل اى حاجة ربنا مقلهاااش...ربنا علم سيدنا محمد ..الرسول بتاعنا كل حاجة احنا محتاجنها....فقبل ما نعمل اى حاجة لازم نفكر الاول...الحاجة دى ترضى ربنا ولا ﻷ
🌹🌹🌹🌹🌹🌹🌹🌹🌹
المهم سيدنا يونس اعد يسبح ويسبح....لحد لما ربنا استجاب لدعائه...ربنا استجاب لدعاء سيدنا يونس..واستجاب لدعاء الناس اللى كانوا وحشين وبقوا كويسين...

احنا كمان لازم ندعى ربنا دايما ....وندعيه كتير كتير...وهو هيستجاب ان شاء الله. ..

ربنا خلى الحوت يطلع سيدنا يونس من بطنه...

سيدنا يونس طلع على الشاطئ...ربنا انبت عليه شجرة من اليقطين...اللى هو القرع...
ورقها كبير وناعم يحميه من الشمس...
🌹🌹🌹🌹🌹🌹🌹🌹🌹🌹🌹
وياكل القرع دا علشان كان تعبان وعيان وجعان من اعدته ف بطن الحوت...

وبعد ما بقى كويس ربنا اوحاله...انه يرجع قريته تانى ويشوف الناس اللى فيها بقوا كلهم مسلمين...ويعلمهم دينهم...

وكان عددهم 100 الف واكتر كمان...

🌷🍃🌷🍃🌷🍃🌷🍃🌷
ا نتعلم ان الواحد ميستعجلش ابدا ابد ولا يزهق ويقول مفيش فايدة ولا يعمل حاجة مش هترضى ربنا وكمان لو حصلنا اى خاجة ولا كنا عايزين اى حاجة...لازم ندعى ربنا....

ونقف هنا المرة دى ونشوف المرة الجاية قصة جديد مع نبى جديد

يتبع .....

والسلام عليكم ورحمة الله وبركاته