#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
📒📒📒 الحلقة 15📒📒📒
📌📌ابراهيم عليه السلام الجزء 7
كان ياما كان ولا يحلى الكلام الا بذكر النبى عليه الصلاة والسلام
🌹🌹🌹🌹🌹
شوفنا ياولاد المرات اللى فاتت ابراهيم عليه السلام من ساعة ما دعا قومه اللى كانوا بيعبدوا الشمس والقمر والنجوم والاصنام ... واما كسر الاصنام واترمى فى النار وربنا حفظه وفاكرين الملك الظالم اللى بيقول هو ربنا
🌹🌹🌹🌹
وفاكرين هجرته مع زوجته سارة وابن اخوه لوط وفاكرين ملك مصر الشرير وفاكرين طبعا كمان هاجر وابنها اسماعيل
🌹🌹🌹🌹
ومحدش طبعا نسى الصفا والمروة وزمزم ... وشوفنا ازاى اسماعيل كان قوى وشجاع ومبيخفش غير من ربنا وانه معيطش لما ابراهيم كان هيدبحه ... بالعكس كان راضى جدا لانه بيسمع كلام ربنا
🌹🌹🌹🌹🌹
وفى مرة ابراهيم كان فى بيته مع سارة وجاله ضيوف ..ابراهيم كان مستغرب اوى من الضيوف دول...
🌹🌹🌹🌹🌹🌹🌹
ابراهيم كريم جدا وبيحب اوى يكرم الضيوف علشان ضيوفه يحسوا بالراحة فى بيته ... احنا كمان ياولاد لازم اى حد يدخل بيتنا نكرمه ونجبله احسن حاجة عندنا
🌹🌹🌹🌹🌹🌹🌹🌹
المهم ياولاد ابراهيم بسرعة بسرعة دبح عجل للضيوف رغم ان عددهم كان صغير الا انه دبحلهم عجل كبيير وتخيين علشان يكرمهم اكتر واكتر
لكن ابراهيم استغرب اكتر واكتر انهم ماكلوش خاالص من الاكل ...
تعرفوا مين الضيوف دول ياولاد
🌹🌹🌹🌹🌹
برافووو عليكم .... الضيوف دول ملايكة من عند ربنا
قالوله ان ربنا بعتهم علشان يعذبوا قوم لوط ... فاكرين لوط ياولاد ابن اخو ابراهيم ... الناس بتوعه كانوا اشرار جدا جدا ومكنوش بيسمعوا كلام ربنا واخلاقهم كانت وحشة وشريرة جدا جدا
🌹🌹🌹🌹🌹🌹🌹🌹🌹🌹
وبعدين ياولاد الملايكة سمعت صوت ضحكة سارة .... فقالت لسارة انها هتحمل وهتخلف اسحاق واسحاق هيخلف يعقوب ... استغربت جدا جدا هى وابراهيم انهم هيخلفوا بيبى وهم عواجييز اوى اوى كدة
🍃🍃🍃🍃🍃🍃🍃🍃
فالملايكة قالتلهم ان مفيش حاجة صعبة عند ربنا .. وربنا قادر على كل شئ
وبعد شوية وقت كبر اسماعيل فى مكة وسط قبيلة جرهم ... واختار زوجة منهم يتجوزها ويعيش معاها
🥀🥀🥀🥀🥀🥀🥀🥀🥀
وفى يوم ابراهيم جيه علشان يزور اسماعيل ويطمن عليه لكن ملاقهوش ولقى زوجته لوحدها فى البيت ... سالها ابراهيم عن اسماعيل وعن احوالهم .. الاولاد الابطال دايما اما حد بيسالها عم احوالها واخبارها بيقولوا ايه ؟؟
🍃🍃🍃🍃🍃🍃
مظبووط بنقول الحمد لله ... ومنشتكيش ابدا لحد واما نحتاج حاجة ندعو ربنا يحققهلنا
لكن اللى حصل ياولاد ان زوجة اسماعيل مقالتش الحمد لله وفضلت تشتكى ان معندهمش فلوس كتير وان حالتهم صعبة جدا
🍃🍃🍃🍃🍃🍃
ابراهيم اضايق من كلام زوجة اسماعيل لانها مش بتشكر ربنا ومش راضية برزقها
