حلمي البدري:
⭕️⭕️⭕️سلسلة بداية الخلق⭕️⭕️⭕️
🌹🌹🌹الحلقة 41🌹🌹🌹
📌موسى الجزء 13 *موسى والخضر 2"
كان ياما كان ولا يحلى الكلام الا بذكر الله ثم الصلاة على رسول الله
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹
شوفنا ياولاد المرة الل فاتت ازاى موسى عليه السلام سافر علشان يدور على الخضر ويتعلم منه وشوفنا كمان الاتفاق بتاعهم ان موسى مش هيسال على اى حاجة خالص
وفعلا ياولاد موسى عليه السلام مشى مع الخضر ناحية البحر ووهم ماشين شافوا مركب فقالوا يركبوها بس اصحاب المركب مرضيوش ابدا ابدا ياخدوا منهم فلوس حق التوصيلة لانهم عارفين الخضر ومسمينه كمان الرجل الصالح
وركبوا السفينة وشافوا عصفورة صغننة جدا جت حطت منقارها فى الماية مرتين
🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲
فالخضر قال لموسى شوفت العصفورة اللى حطت منقارها فى الماية ومنقارها اتبل ... اهو البحر نقص نقطة الماية دى
وقاله كمان ان العلم كله الل عند الخضر وعند موسى ميجيش نقطة ماية فى علم الله
ودا ياولاد انه عايز يفهمه ان مهما كان الواحد عنده علم فالعلم دا من عند ربنا وعلم ربنا عظييييييم جدا جدا محدش ابدا يقدر يحيط به
🌷🍃🌷🍃🌷🍃🌷🍃🎀🍃🌷🍃🌷🍃🌷🍃🌷🍃
المهم وهم فى السفينة راح الخضر شال خشبة من ارض السفينة فموسى عليه السلام اتخض منه وزعل جدا ايييييه داااا انت بوظت السفينة بتاعتهم وهتخليها تغرق وهم ركبونا من غير فلوس
فرد عليه الخضر وقاله انهم اتفقوا انه مش هيسال ابدا على حاجة
فموسى افتكر وقاله معلش انه نسى
💐💐💐💐💐💐💐💐💐💐💐💐💐💐💐💐💐💐
نزلوا من السفينة ومشيوا تانى فلاقوا ولد صغير كدة ...فالخضر جاب الطفل الصغير دا وقتله ... فموسى اتخض جدا تانى وزعل منه جدا وقاله ازااااااى تقتتتتتتل طفل من غير ما يعمل حاجة
فرد عليه الخضر وقاله مش انا قلتلك انك مش هتقدر تستحمل
فموسى قاله خلاص ادينى اخر فرصة ولو سالتك تانى خلاص سيبنى وامشى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
وفعلا ياولاد مشيوا تانى ودخلوا بلد وسالوا اهل البلد دى انهم يضيفوهم لان هم معندهمش بيت فى البلد دى
فالمفروض اهل البلد لما يجى حد غريب من السفر يدخلوه البيت يستريح ويجيبوله اكل وشرب لان زمان السفر كان متعب جدا جدا مش زى دلوقتى
لكن اهل القرية دى كلهم رفضوا ومحدش وافق ابدا انه يضيفهم
فالخضر شاف حيطة كدة شكلها خلاص هيتهد وتقع راح صلحها وبناها كويس تانى
فموسى عليه السلام قاله انت صلحتلهم الحيطة بالرغم ان محدش رضى يضايفنا طب كنت اخدت عليها فلوس
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
فرد عليه الخضر وقاله خلاااص دا فراق بينى وبينك انت خلاص اخدت فرصك
بس انا هقولك انا عملت كل اللى عملته دا ليه
اما السفينة كانت بتاعة ناس غلابة اوى والسفينة دى شغلهم وحياتهم وكان فى ملِك ظالم كل لما يشوف سفينة حلوة وقوية ياخدها من اصحابها بالعافية
فانا قلت ابوظ المركب دى وبعدين يبقوا يصلحوها علشان لما الملك يشوفها متعجبوش وميرضاش ياخدها ويسيبهالهم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
والولد الصغير دا ربنا اوحاله انه لما يكبر هيبقى كافر وهيتعب ابوه وامه جدا من كفره وظلمه بالرغم من ان اهله صالحين.. فربنا اراد انه يبدلهم بالولد الكافر دا ولد تانى يخلفوه ويكون صالح
واما بقى الحيطة اللى بنيتها فدى كان تحتها كنز بتاع اولاد صغيرين ابوهم مات وكان راجل صالح جدا وقبل ما يموت خبالهم الكنز دا هنا ولو الحيطة وقعت الناس هتشوف الكنز وهتاخده فعلشان كدة بنيت الحيطة علشان تحفظ الكنز لحد لما يكبروا ويطلعوا كنزهم بنفسهم
وبكدة ياولاد لازم نتعلم ان الصبر مهم جدا جدا فى التعليم .. اى حد بيتعلم اى حاجة محتاج انه يصبر علشان يتعلم صح
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وموسى عليه السلام لو كان صبر اكتر كان اتعلم حاجات اكتر
واحنا كمان لو نصبر اكتر على مذاكرتنا ودروسنا وحفظنا للقران هنتعلم حاجات اكتر واكتر
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
وحاجة كمان مهمة اوى ياولاد شوفتوا ازاى موسى لما كان بيشوف ضر بيعمل حاجة شكلها غلط على طول كان بينصحه ويقوله ازاى تعمل كدة
فاحنا بردوا لازم لما نشوف اى حد بيعمل اى حاجة غلط نروح ننصحه ونبينله الغلط دا غلط ليه
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
وحاجة كمان ياولاد شوفنا ازاى الخضر بنى الحيطة من غير ما حد يطلب منه لانه مش عايز اجر ولا فلوس هو عايز اجر من ربنا
فاحنا كمان لما نشوف اى حاجة نقدر نعملها نساعد بيها اى حد نعملها على طول من غير ما تستنى يطلب مننا ونستنى اجرنا من ربنا
بسرعة نساعد ماما ونساعد بابا وأخواتنا وجيرانا واصحابنا واهلنا واى حد يحتاج مساعدة
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
واخر حاجة عايزة اقولهالكم يااولاد ان كل حاجة بتحصلنا هى خير لينا حتى لو احنا شايفنها شر ... زى السفينة الل باظت اكيد اهلها زعلوا جدا وقالوا ياريتها ما باظت والطفل الل اتقتل فاهله زعلوا عليه جدا واتمنوا انه مكنش مات ولكن قضاء ربنا دا كان هو الرحمة نفسها
فلو مكنتش السفينة باظت كان الملك اخدها ولو الطفل دا كبر كان بقى كافر وتعب اهله جدا
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
ففى حياتنا هنمر بمواقف كتير نفتكر انها شر ولكن ف الحقيقة هى دى الخير لينا بس احنا مش عارفين
ونقف هنا المرة دى ونشوف المرة الجاية قصة نبى الله داوود
