#بداية_الخلق_قصص_الأنبياء
⭕️⭕️سلسلة بداية الخلق⭕️⭕️
⭐️⭐️ الحلقة 8⭐️⭐️
سيدنا صالح🐪🐪 🐪🐪
كان ياما كان... ولا يحلى الكلام... الا بذكر النبى.... عليه الصلاة والسلام...
🌹🌹🌹🌹🌹🌹🌹
شوفنا يا ولاد المرات اللى فاتت ربنا ازاى رحيم بالناس زكل شوية يرسل لهم انبياء يعلموهم طريق الجنة ويعلموهم ازاى يكوموا مسلمين طيبين صالحين
🌹🌹🌹🌹🌹
وشوفنا ربنا ازاى عاقب اللى مبيسمعش الكلام وبيفضل كافر زى قوم نوح اللى غرقوا وقوم هود اللى الرياح موتتهم كلهم وف نفس الوقت ربنا نجى وحمى المسلمين وحفظهم من العقاب اللى كان حواليهم من كل مكان .... ويالا بينا نشوف حصل ايه بعد ما ربنا عاقب قوم هود وموتهم كلهم وفضل بس المسلمين الكويسين ... وسنة ورا سنة الناس دول ماتوا وجم ناس تانية مكانهم.. وبردوا سنة ورا سنة الناس نسيت دينهم ونسيوا ازاى يكونوا فى طريق الجنة ويحبوا ربنا
ونبدا ونقول
كان ياما كان... ولا يحلى الكلام... الا بذكر النبى.... عليه الصلاة والسلام🌹🌹🌹
زماااان زمااااان..كان فى شوية ناااس اسمهم ثمود...ثمود دول كانوا بيعيشوا ف الجبال... كانوا يحفروا بيوتهم جوا الجبل .. يحفروا الجبال تبقى قصوور... وكانوا شاطريين اوى اوى ف الموضوع دا... كانوا حافظين كل الجبال... وعارفين اماكنهم واشكالهم... فهم كانوا فرحانين بقوتهم وانهم ازاى بيكسروا الجبال ويعملوها قصور . ... فاكرين انهم اقوياء علشان هم اقوياء... مش عارفين ان القوة دى نعمة من عند ربنا المفروض انهم يشكروه عليها ويعبدوه ويسمعوا كلامه علشان يحافظوا على النعمة بتاعتهم،،،،
بس للاسف ثمود دوول مكنوش مسلمين...كان كلهم وحشين...ومحدش بيسمع كلام ربنا.... وكلهم اشرار.... وميعرفوش طريق الجنة.... وكلهم اصحاب الشيطان.... وعلشان ربنا بيحبنا... ورحيم بالناس... بعتلهم رسول....
يعلمهم الصح من الغلط...يعلمهم طريق الجنة...يعلمهم ازاى يبقوا مسلمين طيبين. .. ربنا بعتلهم نبى اسمه صالح ،،،
سيدنا صالح راح لثمود وقالهم يسمعوا كلام ربنا. .. لازم يصلوا.. لازم يصوموا...لازم يكونوا مسلمين طيبين. .. علشان ربنا يوديهم الجنة ،،،
شوية ناس قالوا حاضر... هنسمع كلام ربنا... وشوية ناس اشرار قالوا لااا...احنا مش هنسمع كلام ربنا الا لما نشوف ءايه...يعنى ايه ءاية ياولاد...ءاية يعنى معجزة...حاجة محدش يقدر يعملها غير ربنا...
ربنا اخرج لهم من الجبل ناقة يعنى جمل.... الناقة دى مكنش ليها ام ولداها...ربنا اخرجها لهم من غير ما تتولد...وصالح قال لثمود...ان دى ناقة الله ءاية ليكم علشان تسمعوا كلام ربنا... سيبوها محدش ابدا ابدا يضايقها او ياذيها...واللى هياذيها ربنا هيعاقبه...
وقسم سيدنا صالح الماية اللى بيشربها الحيوانات فقال... الناقة دى هتشرب الماية يوم...واليوم التانى باقى الحيوانات هتشرب ---
المسلمين كانوا فرحانين اوى اوى بالناقة وكانوا بيحبوها...لكن الكفار الاشرار كانوا متغاظيين ومضايقين اوى من المسلمين ومن الناقة.... هم عارفين جوا نفسهم ان صالح دا نبى من عند ربنا ومتاكدين ان محدش لبدا ابدا يقدر يعمل الناقة دى غير ربنا .... لكن هم اشرار وبيسمعوا كلام الشيطان ومبيحبوش الخير... علشان كدة مرضيوش يسمعوا كلام سيدنا صالح ويسمعوا كلام ربنا بعد ماتاكدوا ان سيدنا صالح فعلا نبى بيعلمهم ازاى يحبوا ربنا وازاى يبقوا مسلمين....
وف مرة والاشرار متجمعين مع بعض... اتفقوا على اتفااق شرير زيهم.. اتفقوا انهم هيقتلوا الناقة دى... ياخبر دا ربنا قال لو حد اذاها هيعاقبه.. بس هم بيسمعوش كلام ربنا
وف يوم بليل وكل الناس نايمين...راح الاشرار دول قتلوا الناقة واعدوا يضحكوا... وقالوا يالا يا صالح هاات العقاب بتاع ربنا اللى بتقول عليه..واعدوا يضحكوا تانى...
سيدنا صالح قالهم استنوا تلات ايام... عقاب ربنا بعد تلات ايام... راح الكفار الاشرار اعدوا يضحكوا وفرحانين انهم قتلوا الناقة...ومش مصدقين ان ربنا هيعاقبهم...لكن المسلمين الطيبيبن بقوا خايفين اوى من عقاب ربنا .... ربنا طبعا قادر انه يعذبهم حالا لكن امهلهم ربنا 3 ايام
بعد تلات اياام... وفى صباح اليوم الرابع...ربنا ارسل عليهم الصيحة...يعنى ايه صيحة...صيحة يعنى صاعقة من السماء... ليهااا صوووت قوى جدا ونار بتحرق ومن قوتها وشدتها بتهز الارض...
ومات كل الكفار موتة واحدة ف نفس الوقت من قوة الصيحة... بس ربنا نجا المسلمين الطيبين...
شوفتوا يا ولاد ازاى مفيش حد قوى على ربنا
ازاى ربنا اقوى من اى حاجة
وازاى بردوا ربنا ارحم الراحمين بيبعتلنا رسل يعلمونا ... وبيحفظ المسلمين الطيبين من اى سوء او عقاب
وبكدة ياولاد لازم نعرف ان ربنا بيحبنا وبيحب لينا الخير... ولازم نسمع كلامه علشان هو دا طريق الجنة
وان ربنا هيعذب الكفار عذاب شديد جدا ... وهيحفظ المسلمين الطيبين دايما
ونستناكم المرة الجاية علشان نطييير بيكم نروح بلاد الروافد اللى اسمها دلوقتى العراق علشان نشوف مين النبى اللى جيه بعد صالح
🌹🌹🌹🌹🌹
يتبع .....
والسلام عليكم ورحمة الله وبركاته
