⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 27🌹🌹🌹
📌ايوب عليه السلام
🌹🌹🌹🌹🌹🌹🌹🌹🌹🌹
النهاردة ياولاد هناخد قصة نبى هنتعلم منه حاجات كتير اوى
هنتعلم منه نشكر ربنا على كل النعم
هنتعلم منه ازاى نصبر على الابتلاء واحنا راضيين من غير ما نزعل ونكشر
هنتعلم منه ندعى ربنا دايما القادر على كل شى
ونبتدى ونقول كان ياما كان ولا يحلى الكلام الا بذكر الله ثم الصلاة على رسول الله
🌷🍃🌷🍃🌷🍃🌷🍃🌷🍃🌷🍃🌷
زمان كان فى نبى اسمه ايوب ... ايوب عليه السلام كانت صحته كويسة جدا وكان قوى وكمان كان عنده زوجة واولاد كتير وكمان كان عنده فلوس كتيير اوى
بس ربنا امتحن ايوب علشان ايوب يصبر ويقول الحمد لله وربنا يديله على الامتحان دا حسنااات كتير اوى اوى
🍇🍇🍇🍇🍇🍇🍇🍇🍇
الدنيا دى ياولاد كلها امتحانات من ربنا
لو حياتنا حلوة وجميلة وكل حاجة تمام يبقى دا امتحان بالنعم ولازم نشكر ربنا ونقول الحمد لله ونعرف ان كل دا فضل من ربنا ولو عملنا كدة ربنا يرضى عنا ويدينا حسنات كتير اوى
🌹🌹🌹🌹🌹🌹🌹🌹🌹🌹🌹🌹
وساعات تانية حياتنا يبقى فيها شوية مشاكل ...شوية تعب... شوية امراض.... اى حاجة تضايقنا ودا بردوا بيكون اختبار من ربنا علشان نصبر ونقول الحمد لله ولما نعمل كدة ناخد بردوا حسنات كتير اوى اوى
المهم ياولاد نبى الله ايوب ربنا اختبره وابتلاه فى صحته وفى ماله وفى اهله
🌹🌹🌹🌹🌹🌹🌹🌹🌹🌹
مبقاش عنده اى حاجة خالص رغم كدة مزعلش ابدا ابدا
ومقالش ليه يارب فين اهلى
ليه يارب فين صحتى
ليه يارب فين فلوسى
اشمعنة انا يارب
معملش ابدا ابدا كدة
بالعكس كان صابر كدة وكان راضى بكل حاجة بتحصله ومكنش بيقول الا الحمد لله
🍅🥕🍅🥕🍅🥕🍅🥕🍅
والابتلاء دا ياولاد اعد يوم ورا يوم وسنة ورا سنة وايوب زى ما هو صابر ومش زعلان ومش بيشتكى
وبعدين ايوب ابتدى يدعى ربنا انه يرفع عنه البلاء دا وفعلا ربنا استجاب ليه على طول
وفى مرة ايوب كان اعد وربنا قاله يضرب الارض برجله ... ولما ضربها خرجت منها عين ماية باردة وجميلة
🌹🌹🌹🌹🌹🌹🌹🌹🌹
فربنا قاله يستحمى من الماية دى ويشرب وربنا هيشفيه من كل الامراض وكل الابتلاءات
وفعلا ياولاد ربنا شفاه من الامراض وكمان رجعله اهله وزيهم كمان ورجعله فلوسه واكتر كمان وكمان
🍒🍉🍒🍉🍒🍉🍒🍉🍒🍉🍒🍉
عارفين ياولاد وهو بيستحمى ربنا بعتله جراد دهب ... ايوة ياولاد جراد بس دهب ... وفضل ايوب يلم فى الجراد الدهب دا ويشكر ربنا لان دا من رحمة ربنا بيه انه بعتله كل الدهب دا
شوفتوا ياولاد الصبر جميل ازاى
شوفتوا دعاء ربنا جميل ازاى
شوفتوا ازاى ربنا بيستجيب الدعاء
شوفتوا ازاى اننا لازم نصبر مش ساعة ولا اتنين ... لا .. لازم نصبر على طول علشان ننجح ف الاختبار
🍇🍓🍇🍓🍇🍓🍇🍓🍇🍓
ف مرة ياولاد وايوب لسة مريض قبل ما ربنا يستجيب لدعائه ... حد ضايقه اوى بس ايوب كان ضعيف ومش قادر يعمله حاجة ... فحلف يعقوب انه هيبقى يضربه
فلما ربنا شفاه ورجع قوى زى زمان ربنا ربنا قاله ياخد حزمة كدة من الحشيش ويضرب بيها الشخص دا علشان لازم اى حد يحلف لازم لازم ينفذ حلفانه
وبكدة ياولاد نتعلم من ايوب ازااى الواحد حياته كلها تكون بين امرين
ياما نعمة فاشكر ربنا عليها
ياما ابتلاء فاصبر وادعى ربنا يكشفه عنى
🌷🍃🌷🍃🌷🍃🌷🍃🌷
الدعاء ياولاد هو سلاحنا فى الدنيا دى
لان ربنا هو خالق الدنيااا دى كلها
وهو الملك
قادر على كل شى
فاى حاجة نعوزها ندعى ربنا ونطلبها منه
واى حاجة نخاف منها ندعى ربنا يبعدها عنا
ونقف هنا المرة دى ونشوف المرة الجاية قصة جديدة مع نبى جديد
يتبع .....
والسلام عليكم ورحمة الله وبركاته
🌹🌹🌹🌹🌹🌹🌹🌹🌹🌹🌹
