⭕️⭕️⭕️سلسلة بداية الخلق⭕️⭕️⭕️
🌹🌹🌹الحلقة 31🌹🌹🌹
📌موسى عليه السلام الجزء 3🌲🍂🌲🍂🌲🍂🌲🍂🌲🍂🌲
كاان ياما كاان ولا يحلى الكلاام الا بذكر الله ثم الصلاة على رسول الله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
قلنا المرة اللى فاتت يا حلوين ان سيدنا موسى عاش 10 سنين ف مدين وبعد ما خلصوا اخد اهله وراح بلده مصر وهو فى الطريق كانت الدنياا بليل والجو برد وفضل ماشى ماشى ف الصحراء ومرة واحدة لاقى ناااار
قال لاهله استنوا هنا انا هروح اشوف النار دى اكيد فى ناس اعدين هناك او اجيب خشبة فيها ناار نتدفى بيها او ننور الطريق
رااح سيدنا موسى عند الناار وملاقاش حد هناك بس اول ما وصل عند النار سمع صوت بيناديله ، صوت قال يا موسى انا ربك واخلغ جزمتك علشان انت ف الوادى المقدس اللى اسمه طوى
🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒🍒
موسى على طول سمع الكلام وقلع جزمته وبعدين ربنا كلمه تانى وقاله ان ربنا اختاره علشان يعلم الناس ازاى يبقوا مسلمين واننا لازم نصلى لربنا وان كلنا هنرجع لربنا علشان يحاسبنا والمسلم يدخله الجنة والشرير يدخله النار
سيدنا موسى كان خايف جدا جدا ومش فاهم ايه اللى بيحصل
هو مشفش ربنا لان محدش ابدا ابدا هيشوف ربنا ف الدنيا لكن ف الجنة كلنا هنشوفوه وهتكون احلى حاجة ف الجنة اننا نشوف ربنا
🌲🍂🌲🍂🌲🍂🌲🍂🌲🍂🌲🍂🌲🍂
المهم ربنا سال موسى ايه اللى ف ايدك دى ؛ ربنا طبعا يعلم بس هو سال موسى علشان هيعلمه حاجة
سيدنا موسى كان ماسك عصاية قاله دى العصاية بتاعتى بهش بيها الغنم وبسند عليها وبعمل بيها حاجات تانية
ربنا قاله ارميها يا موسى سيدنا موسى سمع الكلام ورماها
العصاية ربنا حولها لتعبااااان سبحان الله العصاية بقت تعبان بيمشى
سيدنا موسى خاف اكتر واكتر وطلع يجرى
ربنا نداله وقاله ان مفيش رسول بيخاف وقاله مد ايدك امسك التعبان وربنا هيرجعه عصاية تانى
سيدنا موسى مسك التعبان واول لما مسكه رجع عصاية تانى
ربنا قال لسيدنا موسى يحط ايده ف صدره ، حطها وبعدين طلعها لاقاها بقت بيضاااااا اوى اوى واصلا سيدنا موسى كان لون بشرته اسمر
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وبعدين ربنا قاله روح بالايتين دول اللى هم العصاية وبياض ايدك لفرعون وقومه وقولهم يسمعوا كلام ربنا وان محدش يقدر يعمل كدة غير ربنا اللى خلقهم وقلهم يبقوا طيبين وكلمهم براحة
بس سيدنا موسى كان خايف وقال يارب انا قتلت منهم واحد وخايف يقتلونى ابعت اخويا هارون يجى معايا
ربنا قالوا روح انت وهارون
وربنا هيكون معاهم شايفهم وسامعهم
🍃🌷🍃🌷🍃🌷🍃🌷🍃🌷🍃🌷
سيدنا موسى راح لهارون واخده معاه عند فرعون علشان يعلموه يسمع كلام ربنا اللى خلق كل شئ
هنشووف بقى المرة اللى جاية فرعون هيعمل ايه
يتبع ....
