⭕️⭕️⭕️سلسلة بداية الخلق⭕️⭕️⭕️
🌹🌹🌹الحلقة 39🌹🌹🌹
📌موسى عليه السلام جزء 11
كان ياما كان ولا يحلى الكلام الا بذكر الله ثم الصلاة على رسول الله
🍑🍑🍑🍑🍑🍑🍑🍑🍑🍑🍑🍑🍑🍑🍑🍑🍑🍑
شوفنا ياولاد المرات اللى فاتت قصة موسى مع بنى اسرائيل من ساعة لما اتولد وفرعون كان بيقتل الاطفال لحد لما موسى عليه السلام كبر وبقى قوى وزق واحد ومات غصب عنه وهو مش قصده
وشوفنا ازاى موسى هرب وساب مصر وراح مدين لان قوم فرعون كانوا عايزين يقتلوه واعد فى مدين 10 سنين ووهو راجع لمصر ربنا كلمه قاله انه اختاره يبقى رسول يعلم الناس الخير ويدلهم على طريق الجنة
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
ومحدش طبعا نسى فرعون وبنى اسرائيل عملوا ايه مع موسى وانهم مرضيوش يسمعوا الكلام وربنا ارسلهم ايات كتير زى الطوفان والجراد والقمل والضفادع والدم والرجز الا انهم كل نرة يقولوا خلاص هنسمع الكلام واول لما ربنا يرفع عنهم البلاء يرجعوا كفار اشرار تانى
لحد لما ربتا انقذ موسى واليهود اللى معاه وغرق فرعون وقومه فى البحر
وشوفنا ازاى قوم فرعون كانوا عايزين صنم يعبدوه وشوفنا ازاى عبدوا العجل اللى من دهب لما موسى راح علشان يكلم ربنا وشوفنا ازاى طلبوا من موسى بصل وتوم بدل المن والسلوى
واخر حاجة شوفنا رفضهم للجهاد وانهم مرضيوش يحاربوا الكفار اللى ف بيت المقدس وربنا كتب عليهم انهم يفضلوا تايهين فى الصحرا كدة 40 سنة ميعرفوش يوصلوا لاى مكان
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🍒🌲
وعرفنا ان موسى وهارون ماتوا فى الصحرا وهم تايهين وعرفنا كمان ان فى قصص فى القران لموسى عليه السلام بس احنا مش عارفين هى حصلت امتة واتفقنا اننا هنحكيها بعد لما نخلص
وجيه معادنا اهو مع اول قصة لموسى عليه السلام واحنا مش عارفين هى حصلت امتة
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
مرة ياولاد واحد من بنى اسرائيل غنى اوى اتقتل واهله كان نفسهم يعرفوا مين اللى قتله بس معرفوش ابدا
راحوا لسيدنا موسى وطلبوا منه يعرفهم مين اللى قتل الراجل دا
موسى عليه السلام قالهم لو عايزين تعرفوا مين اللى قتلوا فربنا قال اتذبحوا بقرة
🥀☘🥀☘🥀☘🥀☘🥀☘🥀☘🥀☘🥀☘🥀☘☘
طبعا احنا عارفين ان اليهود مبيحبوش يسمعوا الكلام فمعجبهمش الكلام واعدوا يسألوا موسى عليه السلام اسئلة كتيرة لانهم مش عايزين يذبحوا البقرة لانهم مش مصدقين انهم لو دبحوها هيعرفوا مين الل قتل الراجل
فاول لما سمعوا الكلام دا انهم يدبحوا بقرة قالوا لموسى عليه السلام انت بتضحك علينا وبتستهزأ بينا ... لانهم مش مصدقين ان دبح البقرة هيعرفهم مين اللى قتل ورد عليهم موسى عليه السلام انه مش ممكن هيستهزأ بيهم او انه يتكلم كلام مش صح
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وهو ف الحقيقة مش دبح البقرة اللى هيعرفهم لان دى معجزة من معجزات الله انما طاعتهم لامر الرسول هى اللى هتحل كل مشاكلهم
المهم ياولاد بردوا معجبهمش الكلام ومرضيوش يدبحوا بقرة وقالوله طب البقرة عندها كام سنة
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
شوفوا ياولاد هم بيصعبوا على نفسهم ازاى .... يعنى هم لو كانوا سمعوا الكلام من اول مرة كانوا دبحوا اى بقرة يلاقوها لكن هم مش بيحبول يسمعوا الكلام فصعبوا على نفسهم فرد عليهم موسى عليه السلام وقالهم بقرة متكنش كبيرة اوى ولا صغيرة اوى وتكون نص نص
راحوا بردول صعبوا على نفسهم وسالوه طب لونها ايه
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
سبحان الله بجد لو كانوا دبحوا اى بقرة كانت المشكلة اتحلت لكن دلوقتى مش هتتحل الا لما يلاقوا البقرة بالمواصفات اللى سالوا عليها دى
موسى عليه السلام رد عليهم وقالهم بقرة لونها اصفر جميل اى حد يشوفها تعجبه على طول
🌲🍒🌲🍒🌲🍒🌲🍒🌲🍒🌲🍒🌲🍒🍒🌲🍒🌲
بردوا لسة مش مصدقين ولسة هيصعبوا على نفسهم اكتر واكتر فسالوا موسى عليه السلام
فقالوله فى بقر كتير اوى سنه مش كبير ولا صغير ولونه اصفر ... احنا لسة مش عارفين انى بقرة اللة ندبحها فاوصفها اكتر لينا
سبحان الله بجد هو ربنا فى الاول امرهم باى بقرة .... اى بقرة من غير اى اوصاف لكن لما صعبوا على نفسهم وشددوا عليها فحل المشكلة بقى صعب
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
فرد عليهم موسى وقالهم ادبحوا بقرة متكنش بتعمل اى شغل لا فى الزراعة ولا فى سقى الارض ... فى الارياف يااولاد بيستخدموا البقر فى الزراعة او فى سقى الزرع وكدة... فموسى عليه السلام طلب منهم بقرة متكنش بتشتغل خالص ويكون لونها اصفر صافى مفيهوش اى لون تانى وميكنش فيها اى عيب
بنى اسرائيل فضلوا يدوروا على البقرة دى ومش لاقينها ويدوروا تانى وتانى لحد لما لاقوها
🥀☘🥀☘🥀☘🥀☘🥀☘🥀☘🥀☘🥀☘🥀☘
ويقال ان البقرة دى كانت بتاعة واحد فقير معندوش غيرها فمرضيش يديهالهم يدبحوها الا لما يدوله فلوس كتيييير اوى اوى
ونرجع نقول هم اللى عملوا كدة فى نفسهم لو من الاول خالص جابوا اى بقرة ودبحوها كانت المشكلة اتحلت
🌹☘🌹☘🌹☘🌹☘🌹☘🌹☘🌹☘🌹☘🌹☘
المهم اخدوا البقرة ودبحوها وبعدين امرهم موسى عليه السلام انهم ياخدوا حتة لحمة من البقرة دى ويضربوا بيها الراجل الميت
وفعلا حصلت المعجزة اول لما الراجل الميت اضرب باللحمة صحى تانى وسالوه مين اللى قتلك فرد عليهم وقالهم قتلنى فلان وقال اسمه وبعديها مات تانى
فسبحان الله قادر على كل شئ مفيش ابدا حاجة مستحيلة عند ربنا
ودى كانت معجزة من ربنا لبنى اسرائيل علشان يزداد ايمانهم
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
ونقف هنا المرة دى ونشوف المرة الجاية موسى عليه السلام هيعمل ايه؟؟
