الحلقة 47
سليمان عليه السلام الجزء 3
كان ياما كان ولا يحلى الكلام الا بذكر الله ثم الصلاة على رسول الله
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
شوفنا ياولاد المرة اللى فاتت ازاى سليمان عليه السلام خرج مع الجيش بتاعه اللى من الانس والجن والطيور وسمع النملة اللى بتحذر باقى النمل
وشوفنا ازاى سليمان عليه السلام فضل يدعى ربنا ويحمده ويشكره
جيش سليمان كان زى ما قلنا جيش قوى جدا ومنظم جدا وكل واحد ليه مكان محدد .. وفى يوم سليمان عليه السلام بيشوف الجيش وبيطمن ان كل الجنود فى اماكنهم, وفعلا كان كل الجنود من الانس والجن والطيور فى اماكنهم الا واحد بس!!
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
الجندى اللى مش موجود دا ياجماعة طلع الهدهد!!!
سليمان عليه السلام دور على الهدهد ومش لاقيه.. زعل جدا واتعصب
ازااااااااى الهدهد يسيب مكانه ويمشى من غير اذن؟!!
ازااااااااى الهدهد ميكونش موجود فى مكانه؟ّ!!
ازاااااااى سليمان يدور عليه وميلاقيهوش؟!!
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
وعلى طول سليمان عليه السلام قال انه هيعاقب الهدهد دا عقاب شديد جدا انه اتحرك من غير اذن او انه ممكن كمان يذبحه خالص الا لو قال سبب مقنع يدافع بيه عن نفسه
ودا ياولاد بيدل على حكم سليمان العادل بانه مش ممكن ابدا هيقبل بالاهمال او التسيب او انه يعاقب اى حد من غير ما يديله فرصة يتكلم ويدافع عن نفسه
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
وبعد شوية جيه الهدهد ودخل على سليمان عليه السلام وعلى طول قاله انا جبتلك معلومات مهمة جدا انت مش عارفها عن مملكة سبأ!!!
مملكة سبأ بيحكمها ملكة.. والملكة دى عندها كل حاجة تساعدها علشان تكون مملكتها دى قوية جدا وغنية جدا ومتقدمة جدا وكمان عندها عرش اللى هو الكرسى اللى بتعد عليه للحكم عظيم جدا وكبير جدا ومليان جواهر وذهب
بس للاسف عندهم مشكلة كبيييييرة اوى اوى
يا ترى ايه المشكلة دى ياجماعة ؟؟
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
هل معندهمش زرع يكفيهم؟!!
هل معندهمش بيوت تقضيهم؟!!
هل معندهمش هدوم تكفيهم ؟!!
المشكلة يا جماعة اللى فى مملكة سبأ واللى خلت الهدهد يتاخر علشان يتاكد منها هى ان الملكة العظيمة دى والمملكة القوية دى كلهم كفرة!!!
رغم قوتهم وتقدمهم وزكائهم لانهم قدروا يعملوا مملكة عظيمة كدة الا انهم بيسمعوا كلام الشيطان وبيبعدوا الشمس وبيسجدوا ليها!!!
واستغرب جدا الهدهد من كفرهم وانهم ازااى بيسجدوا للشمس ومبيعبدوش ربنا الل بيرزق الناس كلها وبيخرج ليهم اللى مستخبى جوا الارض من النباتات والزرع والكنوز او جوا السما من امطار
ازاى مبيعبدوش ربنا اللى بيعلم كللللل شى .. بيعلم الظاهر ويعلم كمان المستخبى !!!
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
فرد على الهدهد سليمان عليه السلام بانه هيتاكد الاول من الكلام دا علشان يشوف الهدهد صادق ولا كاذب وبعد كدة يشوف هيعمل ايه
واحنا كمان ياجماعة لازم لما نسمع اى خبر نتاكد منه الاول لانه من السذاجة اننا نصدق على طول ومن العند اننا نرفض على طول ولكن لازم نتاكد الاول
وفعلا اتاكد سليمان من حقيقة اخبار مملكة سبأ وانهم فعلا كفار
فعلى طول كتب جواب يدعوهم فيه انهم يسمعوا كلام ربنا ويبقوا مسلمين وميعندوش وميتكبروش
وامر الهدهد انه ياخد الجواب دا ويطيبر بيه لحد مملكة سبأ ويرميه للملكة ويقف بعيد يراقب يشوف هتعمل ايه الملكة هى والمساعدين بتوعها لما يقروا الجواب
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
اخد الهدهد الجواب وطار بيه ونفذ اوامر سليمان ليه اكنه انسان بيفهم بالظبط وبينفذ المهام بتاعته
مملكة سبا اخدت الجواب وقريته وناديت على على المساعدين والوزراء بتوعها تحكلهم اللى حصل وتاخد رائيهم وفعلا قالتلهم ان سليمان بعتلهم جواب وكلهم عارفين مين هو سليمان وعارفين اد ايه ان مملكته قوية وان جيشه عظيم فيه فرق من الانس والجن والطيور
رد عليها المساعدين والمستشارين وقالولها اننا اقوياء جدا وعندنا جيش قوى فلو عايزة تحاربيه احنا مستعدين
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
ردت عليهم مملكة سبأ وقالت انها مش عايزة تحارب سليمان وخايفة انها تخسر الحرب معاه فالمملكة بتاعتها تدمر كلها وهى بتفكر انها تبعتله هدية كبيرة علشان يسيبهم فى حالهم على كفرهم وملوش دعوة بيهم
اول ما سليمان عليه السلام شاف الهدية اتعصب جدا واتضايق وقالهم انتوا جايبينلى هدية .. انا مش عايز اى هدايا لان ربنا رزقنى بنعم اكثر من كل اللى عندكم ولو فضلتم على كفركم انا هبعتلكم جيش قوى جدا متقدروش عليه ابدا وهخرجكم من المملكة وانتم ائلة لانكم كفرة
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
وساعتها اتاكدت الملكة من ان سليمان فعلا بيدعوهم للاسلام وانه مش طمعان فى مملكتها ولا هيحاربهم علشان ياخد بلدهم ولكن هو فعلا عايزهم يسيبوا الكفر ويعبدوا ربنا وحده وقررت الملكة انها تترك الكفر وتسلم مع سليمان وقالت انها هتروح تزورسليمان بنفسها فى بيت المقدس وابتدت تتجهز للرحلة دى
سليمان عليه السلام لما عرف ان الملكة جاية علشان تسلم فكر فى حاجة تزيد الايمان فى قلبها
معجزة لو شافتها تتأكد تماما ان السمش اللى بتعبدها لا بتنفع ولا بتضر
وان لا معبود بحق الا ربنا وحده
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷
سأل سليمان المساعدين بتوعه مين يقدر يجيب عرش الملكة من اليمن لعنده فى فلسطين قبل ما الملكة توصل؟!!!
دا طلب صعب جدا جدا
مين هيقدر يروح يجيب العرش ويشيله .........نكمل الحلقه القادمه باذن الله
