#بداية_الخلق_قصص_الأنبياء
⭕️⭕️سلسلة بداية الخلق⭕️⭕️
🌹🌹🌹 الحلقة 11🌹🌹🌹
ابراهيم عليه السلام الجزء 3
كان ياما كان ولا يحلى الكلام الا بذكر النبى عليه الصلاة والسلام
فاكرين ياولاد ان ابراهيم عليه السلام ساب العراق ومشى بعد ما كسر الاصنام وراح لفلسطين هو وزوجته سارة وابن اخوه لوط
وفاكرين طبعا انه اخد زوجته سارة وراحوا مصر يدعو الله هناك
🌹🌹🌹🌹
بس فى مصر يا ولاد كان فى ملك ظالم جدا وشرير .. دايما كدة ياولاد اى حد مش بيسمع كلام ربنا بيكون بيسمع كلام الشيطان... والشيطان عمره عمره ما هيخلى حد كويس... هو عةيز الناس كلها اشرار علشان محدش يدخل الجنة وكلهم يدخلوا معاه النار
🌹🌹🌹🌹🌹🌹
المهم ياولاد الملك الشرير دا مكنش بيسيب اى ست تكون مع زوجها.... اى حد يلاقيه متجوز يخطف مراته ويأذيها
الملك دا سمع ان ابراهيم عليه السلام جيه مصر ومعاه زوجته سارة وبسرعة بسرعة قال للجنود بتوعه يخطفوا سارة ويجيبوها بالعافية
🌹🌹🌹🌹🌹🌹
وفعلا راحوا لابراهيم عليه السلام وسالوه على سارة وهو مرضيش يقول انها زوجته وخاف عليها منهم فقالهم انها اخته ... وكان قصده انها اخته فى الاسلام
🌹🌹🌹🌹🌹🌹
مش احنا كلنا اخوات فى الاسلام يا حلوين... ورغم كدة الا انه اعد يستغفر ربنا كتير انه قال انها اخته وكان خايف ربنا يزعل منه
المهم الجنود مهمش وبردوا خطفوا سارة وراحوا ودوها عند الملك
🌹🌹🌹🌹🌹🌹🌹
ابراهيم عليه السلام فضل يدعى ويدعى ويدعى ربنا.. محدش ابدا هيقدر يساعده غير ربنا.... وفى نفس الوقت سارة بردوا اعدة تدعى وتدعى وتدعى ومتاكدة ان محدش هيقدر يساعدها غير ربنا
🌹🌹🌹🌹🌹🌹
سارة لما دخلت عند الملك وقرب منها علشان يأذيها راحت سجدت لله واعدت تدعى وتدعى... وسبحان الله استجاب لدعاها والملك جسمه كله وقف وبقى مش قادر يتحرك خالص ولا يحرك ايده ولا رجله ولا اى حاجة بقى عامل زى التمثال كدة
🌹🌹🌹🌹
فراح قالها فكينى وانا مش هأذيكى .... راحت سارة دعت ربنا انه يفكه لان هى صدقته... لكن هو شرير ومكار ومش بيقول الحق... اول لما رجع كويس تانى قرب منها علشان يأذيها... وهى دعت ربنا تانى... وربنا استجاب لها تانى
وهو بردوا طلب منها تانى انها تفكه وهو مش هيأذيها ... الا انه يردوا كذاب وشرير... اول لما سارة دعت ربنا وربنا استجاب ليها وفكه... قرب منها لتالت مرة علشان يأذيها... تهى بسرعة بسرعة دعت ربنا... وربنا بردوا استجاب ليها
🌹🌹🌹🌹🌹
وبردوا لتالت مرة الملك يقولها فكينى وانا مش هأذيكى بس المرة دى كان صادق لانه اتاكد ان ربنا هيحميها منه على طول
وفعلا ربنا فكه وقالها تمشى خلاص من عنده وكمان اداها وهى ماشية بنت تساعدها فى شغل البيت واى حاجة تحتاج فيها مساعدة... البنت دى اسمها هاجر
🌹🌹🌹🌹🌹🌹🌹🌹
ورجعت سارة مع هاجر لابراهيم عليه السلام وفرحوا جدا جدا بحفظ ربنا ليهم وان الملك الشرير مقدرش يأذيهم ولا يضرهم
وابراهيم اخد سارة وهاجر ورجعوا تانى لفلسطين
🌹🌹🌹🌹🌹🌹🌹
وهناك سارة اعدت تفكر وتقول انها كبرت اوى وبقت ست عجوزة وكمان ابراهيم كبر ولحد دلوقتى معندهمش اولاد
🌹🌹🌹🌹
فقالت لابراهيم انه يتجوز هاجر علشان هى صغيرة وممكن تخلف ويبقى عند ابراهيم اولاد
الراجل ياولاد عادى ممكن يتجوز كذا زوجة فى نفس الوقت
لكن الست مينفعش يكون ليها غير زوج واحد بس
🌹🌹🌹🌹🌹
علشان كدة ابراهيم اتجوز هاجر وبقى عنده 2 زوجة ... سارة وهاجر
وفعلا ياولاد هاجر بقت حامل ... وخلفت ولد جميل اسمه اسماعيل
وتعالوا نشوف المرة الل جاية ايه الل هيحصل لهاجر واسماعيل
🌹🌹🌹🌹🌹
والسلام عليكم ورحمة الله وبركاته
يتبع ....
