#بداية_الخلق_قصص_الأنبياء
⭕️⭕️⭕️سلسة بداية الخلق⭕️⭕️⭕️
🌹🌹🌹الحلقة 9🌹🌹🌹
🔥🔥سيدنا ابراهيم الجزء 1🔥🔥
كان ياما كان ولا يحلى الكلام الا بذكر النبى... عليه الصلاة والسلام
🌹🌹🌹🌹
شوفنا المرة اللى فاتت ياا حلوين ازاى ربنا نجى سيدنا صالح والناس الطيبين اللى معاه وانتقم من كل الكفار الوحشين
🍁🌸🍁🌸🍁
وفضل الناس الطيببين دول يعبدوا ربنا ويسمعوا كلامه... بس سنة ورا سنة. .. جيل ورا جيل الناس نسيت دينها تانى والشيطان رجع يزن عليهم تانى ويشجعهم يبقوا اشرار كفار
🍁🌸🍁🌸🍁
وفعلا ياولاد الناس ابتدت تعبد تماثيل واصنام جديدة وناس تانية ابتدت تعبد الشمس والقمر والنجوم
بس بردوا ربنا رحيم بينا دايما وبعت للناس رسول يعلمهم علشان يرجعوا تانى مسلمين ويدخلوا الجنة
رسولنا النهاردة ياولاد هو سيدنا ابراهيم... سيدنا ابراهيم ربنا كان بيحبه اوى اوى ... وسيدنا ابراهيم يبقى ابو الانبياء .... عارفين ليه.... علشان حاجتين
🌹🌹🌹
اولا لانه خلف سيدنا اسماعيل وسيدنا اسحاق والاتنين انبياء .... وسيدنا اسحاق خلف سيدنا يعقوب وكان بردوا نبى.... وسيدنا يعقوب خلف سيدنا يوسف وكان بردوا نبى .. فبكدة سيدنا ابراهيم خلف 2 نبى واحفاده كانت انبياء بردوا
🌹🌹🌹🌹🌹
وتانى حاجة اسمه ابو الانبياء لان كل الانبياء اللى ربنا ارسلهم بعديه كلللللللهم من عيلته.... كلهم من احفاده.... حتى اخر الانبياء وهو سيدنا محمد صلى الله عليه وسلم بردوا من احفاد ونسل سيدنا ابراهيم
سيدنا ابراهيم لقى شوية ناس بتعبد النجوم ... فراح يدعوهم ويعلمهم بس بطريقة مختلفة... عمل ايه ولاد... بدا يتصرف زيهم وبعدين يطلع الغلط فى اللى عملوا... فالناس تصدقوا .. لان ناس كتير مبتحبش حد يقولها كدة غلط... فحب يقولهم بطريقة تانية
🌹🌹🌹🌹🌹🌹
ففيوم شاف نجم جمييل اوى فى السما... فقال النجم دا ربنا ...وشوية والنجم اختفى فقال سيدنا ابراهيم ان النجم مينفعش يبقى ربنا لانه مشى واختفى وسيدنا ابراهيم مش عايز يعبد حاجة تروح وتيجى
🌹🌹🌹🌹
هو طبعا مش هيعبد نجم ولا شمس ولا حاجة هو بس بيقول كدة علشان يخليهم يفكروا
تانى يوم شاف القمر الجميل وشكله كان حلو اوى اوى فقال ان القمر ربنا... بس بردوا القمر مشى واختفى فسيدنا ابراهيم دعا ربنا انه يهديه للحق علشان ميكنش مع الناس الوحشين
🌹🌹🌹🌹
تانى يوم شاف الشمس اكبر من النجمة ومن القمر وجميلة فقال هى دى ربنا.. لكن بردوا لما جيه بليل الشمس مشيت واختفت.. فقال سيدنا ابراهيم انه مش هيعبد اى حاجة من دول وهيعبد بس ربنا اللى خلق السموات كلها والارض
🌹🌹🌹🌹🌹🌹
لكن بردوا محدش رضى يسمع كلامه ومحدش رضى يعبد ربنا
وكان فى ناس تانين بيعبدوا الاصنام والتماثيل لكن ياولاد سيدنا ابراهيم من وهو صغير كان مبيحبش ابدا الاصنام والتماثيل.. كان مش عارف ازاى الواحد يعمل تمثال بايده وبعدين يعبده ويقول دا ربنا
🌸🍁🍁🌸🍁
لكن كل الناس اللى حواليه كانوا بيعملوا كدة حتى ابوه... فهو ابتدى يعلم الناس الصح واول واحد ابتدى بيه هو ابوه
🌹🌹🌹🌹🌹🌹🌹🌹🌹
فراح لباباه وقاله ليه ياا بابا بتعبد وتصلى للتماثيل... التماثيل اللى لا بتسمع ولا بتشوف ولا تقدر تعملك اى حاجة.... وفضل يكلم باباه براحة خالص ويقوله انه يسيب الاصنام دى ويسيب طريق الشيطان لان الشيطان مش بيسمع كلام ربنا... وربنا هيعاقب كل اللى مش بيسمع كلامه... فسيدنا ابراهيم خايف جدا على باباه من عذاب ربنا
🌹🌹🌹🌹🌹
لكن باباه كان كافر وقلبه شرير ومرضيش يسمع الكلام وكمان قال لسيدنا ابراهيم انه هيضربوا بالحجارة او الطوب لو مبطلش الكلام دا وطردوا من البيت
