⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 42🌹🌹🌹
📌طالوت وجالوت
كان ياما كان ولا يحلى الكلام الا بذكر الله ثم الصلاة على رسول الله
دلوقتى ياجماعة شوفنا قصة موسى عليه السلام وعرفنا انه مات
وجيه بعده فى بنى اسرائيل رسل احنا منعرفش قصصهم او اساميهم او رسل نعرف اساميهم بس
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
المهم هنحكى النهاردة حكاية حصلت فى وقت نبى من بعد موسى احنا منعرفش اسمه بس عارفين ايه الل حصل مع بنى اسرائيل
فدلوقتى بنى اسرائيل عايشين ضعفاء، الملك جالوت عدوهم حاربهم وكسبهم واخد ارض بنى اسرائيل وخطف ولادهم وكمان اخد التابوت بتاعهم
والتابوت دا ياولاد اعظم حاجة كانت عندهم، دا صندوق فيه بقية من حاجات موسى وهارون وبوجوده معاهم ربنا ينزل عليهم السكينة والطمانينة
فبنى اسرائيل زعلوا وتعبوا جدا من الهزيمة واتفقوا مع بعض انهم لازم يوحدوا نفسهم ولازم يحاربوا جالوت ويرجعوا ارضهم وولادهم وتابوتهم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
فبنى اسرائيل ياجماعة راحت للنبى بتاعهم وطلبت منه انهم عايزين رئيس يسمعوا كلامه، عايزين مَلِك يوحدهم كلهم، مَلِك يحاربوا معاه اعدائهم
لان كل لما يختاروا رئيس شوية يوافقوا عليه وشوية يرفضوه
لكن لما ربنا يختارلهم الرئيس اكيد كلهم هيسمعوا كلامه ويوافقوا انه يبقى الملك بتاعهم
رد عليهم النبى وقالهم ليه عايزين مَلِك يقولكم تحاربوا الكفار وساعتها هتقولوا لا مش عايزين
فردت عليه بنى اسرائيل واكدوا انهم مستعدين للحرب وللقتال وقالوله ازاى مش هنحارب والكفار الاعداء خرجونا من بلادنا وخطفوا اولادنا !!!
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
وفعلا ياولاد النبى كان عنده حق لانه لما ربنا كتب عليهم القتال كتير جدا منهم رفضوا وخافوا تعالوا نشوف حصل ايه
بعد شوية النبى قالهم ان ربنا اختار لهم الملك اللى عايزينه... ربنا اختار طالوت.
وطالوت ياولاد كان واحد من بنى اسرائيل معندوش فلوس كتير ومكنش مشهور ولا من كبار بنى اسرائيل
فعلى طول بنى اسرائيل اعترضت ومعجبهاش ان طالوت يبقى ملك عليهم وقالوا ازاى طالوت يبقى هو الملك وهو فقير كدة
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
رد عليهم النبى وقالهم ان ربنا اختاره وانه صحيح معندوش فلوس كتير بس ربنا زاده من العلم والقوة
واى ملك ياولاد او رئيس مش لازم يكون غنى انما لازم يكون عنده علم وقوة مع بعض، لانه لو عنده علم بس من غير قوة مش هيعرف ينفذ قراراته لانه ضعيف ومحدش هيسمع كلامه
ولو عنده قوة بس من غير علم هيبقى ظالم ومفترى لانه بيستخدم قوته بس وفوق كل حاجة ربنا يعطى الملك لمن يشاء واحنا مش مفروض نعترض.
💐💐💐💐💐💐💐💐💐💐💐💐💐💐💐💐💐💐💐
فبنى اسرائيل لما سمعت الكلام دا وافقت انه يكون هو الملك بتاعهم وكمان النبى قالهم ان هيكون فى علامة من ربنا تثبت وتاكد ان ربنا اختاره علشان يبقى هو الملك، والعلامة دى ياولاد ان الملايكة هاتجبلهم التابوت بتاعهم من عند جالوت
وفعلا الملايكة حملت التابوت ووصلته لبنى اسرائيل وبكدة بقى طالوت هو الملك ليهم ولازم كلهم يسمعوا كلامه
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وبعد شوية طالوت جمع بنى اسرائيل وجهزهم لحرب جالوت وبدأ يتحرك علشان يروحوا يحاربوهم
وهم فى الطريق الماية قلت جدا معاهم وعطشوا جدا جدا لكن طالوت قالهم ان ربنا هيختبرهم بنهر، ربنا امرهم ان محدش ابدا من الجنود يشرب من النهر ماية كتيرة والل هيشرب ماية كتير مش هيروح يحارب مع طالوت، لكون ممكن ياخدوا شوية ماية حابة صغيرين بايدهم كدة يشربوها
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
لكن للاسف جنود كتير جدا مقدرتش تستحمل العطش ومسمعتش كلام ربنا مسمعتش كلام الملك وشربت ماية كتير جدا
بنى اسرائيل ياولاد رايحة تحارب عدو قوى جدا والحرب صعبة جدا ومحدش يقدر يحارب الا الرجالة الل بجد، محدش يقدر يحارب الا المؤمن اللى بجد، محدش يقدر يحارب الا اللى بيسمع كلام ربنا بجد
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
ازاى مش قادرين يستحملوا العطش وهيقدروا يستحملوا الحرب
فكل اللى شرب رجع تانى ومراحش يحارب معاهم وطالوت والجيش بقوا شوية صغيرين وعددهم بقى قليل، فشوية منهم قالوا احنا ازاى هنقدر نحارب جالوت واحنا قليلين اوى كدة وبقوا خايفين انهم يخسروا تانى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
فردت عليهم شوية ناس تانين ان ساعات كتير جدا القليلين هم اللى بيكسبوا لما ربنا بيريد
وانهم لازم يستعينوا بالله ويدعوه لان النصر مش بالعدد، انما النصر بطاعة الله
وفعلا اول لما اتقابلوا مع جالوت وجيشه فضلوا يدعوا ربنا كتير جدا انه يصبرهم ويقويهم ويثبتهم وينصرهم
وربنا استجاب ليهم وطالوت وجيشه كسبوا جالوت وجنوده وكمان جالوت اتقتل
🍒🥀🍒🥀🍒🥀🍒🥀🍒🥀🍒🥀🍒🥀🍒🥀🍒🥀
عارفين مين اللى قتل جالوت؟؟!
جندى من الجنود كان قوى جدا وشجاع جدا اسمه داوود
وبكدة شوفنا ازاى ان الملك لازم يبقى قوى وعنده علم علشان يقدر يحكم بالعدل
وشوفنا ان طاعة ربنا هى سبب النصر
وشوفنا كمان ان الدعاء هو سلاح المؤمن لان لو فى حاجة صعبة احنا منقدرش عليها فربنا يقدر على كل شى
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
هنقف هنا المرة دى ونشوف المرة الجاية داوود البطل قصته ايه
يتبع ....
