⭕️⭕️⭕️سلسلة بداية الخلق⭕️⭕️⭕️
🌹🌹🌹الحلقة 35🌹🌹🌹
📌موسى عليه السلام جزء 7🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
كان ياما كان ولا يحلى الكلام الا بذكر النبى
هاا الممتازين هيقولوا ايه عليه الصلاة والسلاام
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
شوفنا ياا حلوين ازاى فرعون كان شرير وكان بيقول انه ربنا
وانه كان بيقتل البيبهات الاولاد وازاى ربنا حفظ سيدنا موسى بعد لما مامته رميته ف النيل واتربى ف قصر فرعون
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وشوفنا كمان الراجل من بنى اسرائيل اللى كان بيتخانق مع واحد من قوم فرعون وازاى مات لما سيدنا موسى زقه
🌹🥀🌹🥀🌹🥀🌹🥀🌹🌹🥀🌹🥀🌹🥀🌹🥀🌹
وعرفنا ايه اللى حصل مع سيدنا موسى لما هرب وراح مدين وشاف بنتين عند بير الماية وانه اتجوز واحدة فيهم واما حب يرجع بلده شوفنا ايه حصله ف الطريق وان ربنا كلمه وقاله انه بقى رسول يعلم الناس الخير وطريق الجنة ويخليهم يبعدوا عن الشر وطريق الناار
☘🍁☘🍁☘🍁☘🍁☘🍁☘🍁☘🍁☘🍁☘🍁☘🍁☘🍁☘🍁
وشوفنا كمان فرعون الشرير وقومه مرضيوش يسمعوا كلام ربنا وكلام سيدنا موسى وان ربنا بعتلهم ايات كتير وهم بردوا مسمعوش الكلام
وشوفنا ازاى هم غرقوا ف البحر بعد ما ربنا فتح طريق لسيدنا موسى والمسلمين اللى معاه جوا البحر لكن قفل البحر تانى على فرعون وقومه علشان يغرقوا ويموتوا ودا عقابهم ف الدنيا وان ربنا هيعاقبهم عقااب شديد جدا بوم القيامة 😱
🍒🍑🍒🍑🍒🍑🍒🍑🍆🍑🍒🍑🍒🍑🍆🍑🍒🍑
المهم يا حلوين دلوقتى سيدنا موسى وبنى اسرائيل اللى معاه خلصوا الطريق اللى كان ف البحر وشافوا فرعون وقومه وهم بيغرقوا واتاكدوا ان هم صح وان ربنا اللى خلقهم هو اللى حفظهم ونصرهم على الاشرار الكفار
بعد شوية وبنى اسرائيل ماشين مع سيدنا قابلوا نااس
ناس كفار بيعبدوا الاصنام
يعنى ايه اصنام يا ولاد
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
اصنام دى زى اللعب والعرايس بتاعتكم كدة، تمثال لا بيتكلم ولا بيسمع ولا بيتحرك، هم بيعملوه بايديهم ويقولوا هو دا ربنااا
حاجة غريبة جدا الكفار الشيطان مش بيخليهم يفكروا كويس ولا يفهموا
ازاى اصنام هم اللى عملوها يقولوا انها ربنا واما يحتاجوا اى حاجة يروحوا يطلبوها من الاصنام دى، طب هى الاصنام دى تقدر تعمل اى حاجة
🍄🍂🍄🍂🍄🍂🍄🍂🍄🍂🍄🍂🍄🍂🍄🍂🍄🍂
المهم. بنى اسرائيل قالوا لسيدنا موسى اعملنا إله زى بتاعهم
عايزين صنم لربنا يمسكوه ف ايدهم ويشوفوه بعينهم
هم لسة مسلمين جداد ومش قادرين يفهموا ان ربناا دا عظييم اوى اوى
وان هو سامعنا وشايفنا من غير ما احنا نسمعه ونشوفه وان لو احتاجنا اى حاجة نقول يااااااارب وربنا هيسمعنا وان شاء الله يجبلنا اللى طلبناه منه
سيدنااا موسى رد عليهم وقالهم انتوا مش عارفين عظمة ربنا علشان كدة قلتوا الكلام دا
الاصنام دى وعبادتها حاجة وحشة اوى واعد يقولهم نعم ربنا عليهم وازاى ربنا انقذهم من فرعون وقومه بعد ما عذبوا فيهم كتير وضربوهم وقتلوهم وان ربنا وحده اللى نعبده
🌲🍒🌲🍒🌲🍒🍒🌲🍒🌲🍒🌲🍒🌲🍒🌲🍒🌲
بنى اسرائيل سكتوا وسمعوا الكلام وبعد كدة ربنا قال لسيدنا موسى يروح انه هيكلمه بعد 30 يوم
سيدنا موسى صام التلاتين يوم دول مستني معاده مع ربنا وبعد اما خلصوا ربنا قاله يكمل كمان 10 ايام وبكدة سيدنا موسى استنى معاده مع ربنا 40 يوم
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
لما جيه المعاد سيدنا موسى كان هيروح لجبل الطور علشان يكلم ربنا فقبل ما يمشى قال لاخوه هارون خلى بالك من بنى اسرائيل
ومتعملش اى حاجة وحشة
ومتسمعش كلام حد منهم لو قال حاجة غلط
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وهنقف هنا يا حلويين ونشوف المرة الجاية ربنا هيقول ايه لسيدنا موسى وبنى اسرائيل هيعملوا ايه وسيدنا موسى مش موجود
اشوفكم المرة الجاية ان شاء الله والصلاة والسلام على رسول الله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
يتبع ......
