⭕️⭕️⭕️سلسلة بداية الخلق⭕️⭕️⭕️
🌹🌹🌹الحلقة 37🌹🌹🌹
📌موسى عليه السلام الجزء 9
بسم الله والصلاة والسلام على رسول الله
كان ياما كان ولا يحلى الكلام الا بذكر النبى عليه الصلاة والسلااام
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
الاولاد الحلوييين عامليين ايه يارب تكونوا بتسمعوا كلام ماما وبابا علشان ربنا يحبكم وتكونوا مسلمين طيبين ومؤدبين وتدخلوا كلكم الجنة
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
شوفتوا يا اولاد المرة اللى فاتت اليهود بنى اسرائيل عملوا ايه اما سيدنا موسى راح يكلم ربنا وشوفنا ان السامرى ضحك عليهم وخدعهم وخلاهم يعبدوا العجل وقالهم ان العجل دا هو ربنا بتاع موسى، اعوذ بالله من الكلام الوحش دا
المهم سيدنا هارون اعد يقولهم وينصحهم بس هم مرضوش يسمعوا كلاموا لحد اما سيدنا موسى رجع
وشوفنا ااااااد اييييه سيدنا موسى زعل واضايق انهم سمعوا كلام الشيطان وكلام السامرى وشوفنا العقاب اللى اخدوا كل واحد فيهم
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
عقاب السامرى انه سيدنا موسى قاله انه هيسيبه مش هيعمله حاحة بس محدش هيقدر يلمسه ابدا ولا هو هيقدر يلمس حاجة وبكدة هيعيش لوحده خاااالص لا حد هيكلمه ولا هيعرف يكلم حد ودا عقاب الدنيا واما يروح لربنا هيعاقبه عقاب شديييد اوى اوى ف الاخرة
والعجل سيدنا موسى عمل فى ايه؟؟
ايوة ممتاازين
حرقه وبعدين رماه ف البحر
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
ناقص كدة الناس اللى عبدت العجل لازم ياخدوا عقاب هم كمان
فضلوا زعلانيين جدا من نفسهم انهم سمعوا كلام الشيطان وكلام السامرى وفضلوا يدعوا ربنا انه يتوب عليهم وميزعلش منهم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
ربنا قالهم علشان يسامحهم وميزعلش منهم وميعاقبهمش ف الاخرة ويدخلهم الجنة ان الناس الطيبين اللى مسمعوش كلام السامرى يقتلوا الناس اللى سمعت كلام السامرى ولو عملوا كدة ربنا هيتوب عليهم ومش هيكون زعلان منهم وفعلا قتلوهم وربنا تاب عليهم
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
بعد كدة يا ولاد سيدنا موسى فضل يعلم بنى اسرائيل كلام ربنا ويعرفهم طريق الجنة لكن بنى اسرائيل مش عاجبهم الكلام دا بيقولوا لو فى حاجة سهلة هنعملها لكن لو فى حاجة صعبة او حاجة احنا مش بنحبها مش هنعملها
سيدنا موسى قالهم مينفعش لازم نسمع كلام ربنا كله لان ربنا يعلم الخير فين ويعلم مصلحتنا اكتر مننا بس بنى اسرائيل فضلوا مش عايزين يسمعوا كل الكلام
🥀☘🥀☘🥀☘🥀☘🥀☘🥀☘🥀☘🥀☘🥀☘
فربنا ارسلهم معجزة ليهم
كان جنبهم جببببببل كبييييييير فربنا رفع الجبل الكبييير دا فووق دماغهم
وسيدنا موسى قالهم لو مسمعتوش كلام ربنا الجبل دا هيقع فوق دماغكم
راحوا بسرعة قاالوا خلااااص احنا هنسمع كلام ربنا
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
بنى اسرائيل يا ولاد اللى هم اليهوود قلبهم دايما وحش ومبيسمعوش الكلام غير اما بيخافوا زى ساعة القمل والضفادع والدم والطوفان والبحر
دايما اما يخافوا يقولوا هنسمع الكلام واول اما ينسوا الخوف دا يرجعوا وحشين تااانى
بعدين سيدنا موسى قال لبنى اسرائيل يتوبوا لربنا ويستغفروه واختار منهم 70 رجل علشان يقابلوا ربنا
هيروحوا مع سيدنا موسى وهيسمعوا كلام ربنا مع سيدنا موسى
🍄🌟🍄🌟🍄🌟🍄🌟🍄🌟🍄🌟🍄🌟🍄🌟🍄🌟
ياااااااا دى حاجة عظيمة جدا
يسمعوا صوت ربنااا وكلامه لسيدنا موسى
لازم طبعا هيزداد الايمان ف قلبهم اما يسمعوا بودانهم صح يا ولاد
لكن مع اليهود مش هيزداد الايمان
راحوا فعلا مع سيدنا موسى وسمعوا كلام ربنا مع موسى لكن عملوووا ايه
🥀☘🥀☘🥀☘🥀☘🥀☘🥀☘🥀☘🥀☘🥀☘
بدل ما يقولوا الحمد لله اننا مع سيدنا موسى واننا سمعنا كلام ربنا
لاا قالوا حاجة غريبة جدا
قالوا انهم عايزين يشوووفوااا ربنااا
يااا هو فى حد هيشوف ربنا ف الدنيا طبعا لاا
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
انتوا عارفين يااولاد هم مش عايزين يشوفوا ربنا علشان بيحبوه
هم عايزين يشوفوا ربنا علشان يتاكدوا ان ربنا موجود
ومش مكفيهم كل المعجزات اللى شافوها بعينهم
فربنا موتهم كلهم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
سيدنا موسى اعد يستغفر ربنا ويدعيه ويقوله يااارب متزعلش
يارب هم مش عارفين
يارب سامحنا وتوب علينا
ربنا استجاب لدعاء سيدنا موسى وتاب عليهم وصحاهم تانى من موتهم
وهنشوف المرة اللى جاية هيحصل ايه تانى مع سيدنا موسى ويهود بنى اسرائيل
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
يتبع
المصدر تفسير بن كثير
تفسير السعدي
