#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
🌹🌹🌹الحلقة 25🌹🌹🌹
📌يوسف عليه السلام جزء 9 والاخير🌷🌷🌷🌷🌷🌷🌷🌷
كان ياما كان ولا يحلى الكلام الا بذكر النبى عليه الصلاة والسلام
🌹🌹🌹🌹🌹🌹🌹🌹
اخوات يوسف سمعوا كلام باباهم وراحوا لعزيز مصر يجيبوا اكل ويشوفوا اخبار اخوهم بنيامين ايه
وفضلوا يحكوا ليوسف حالهم ازاى بقى وحش من الجفاف اللى البلاد عايشة فيه بقالها سنين وان معندهمش اكل كفاية ولا بضاعة كويسة
فعلى طول يوسف رد عليهم وسالهم سؤال غريب جدا
عارفين سالهم ايه ياولاد
سالهم عملوا ايه فى يوسف وبنيامين وهم مش عارفين ان دا ذنب كبير اوى وعظيم
فعلى طووووول اخوات يوسف عرفوا ان دا يوسف لان مش ممكن العزيز هيعرف اللى حصل لان محدش ابدا ابدا شافهم وهم بيرموه فى البير وهم محوش لاى حد ابدا... فعلى طول اتاكدوا ان العزيز دا هو يوسف بنفسه
فرد عليهم يوسف واكد لهم انه هو يوسف وان ربنا كرمه بعد ما ظلموه وحرموه من العيشة وسط اهله وابوه وامه واخوه ورموه فى البير وهو طفل صغير خاااالص
لكن ربنا كريم اوى وعوضه وخلاه هو عزيز مصر لان ربنا بيكرم دايما الطيبين الصالحين
وكمان ربنا كرمه وجمع بينه وبين اخوه بنيامين تانى بعد سنييييين كتيييرة اوى فرقت بينهم
🌹🌹🌹🌹🌹🌹🌹🌹
اخوات يوسف ياولاد زعلوا اوى من نفسهم انهم ظلموا نفسهم وعملوا ذنب كبير اوى وظلموا اخوهم لما رموه فى البير وظلموا ابوهم لما حرموه من ابنه وقالوا ليوسف انهم عملوا حاجة غلط وان ربنا كرم يوسف فعلا باخلاقه الجميلة وقلبه الطيب اللى مفيهوش اى شر او كره لحد
ويوسف علشان كريم وطيب ومبيحبش يضايق اى حد قالهم خلاص متزعلوش من اعمالكم الغلط اللى عملتوها وانا مش هتكلم فى الموضوع دا تانى وانه سامحهم ومش زعلان منهم وهيدعى ربنا انه يسامحهم ويغفر لهم
وقالهم ياخدوا القميص بتاعه يرموه على وش ابوهم يعقوب وربنا هيرجع بصره تانى وعينه هيرجع يشوف بيها وطلب منهم يجيبوا ابوه وامه وكل اهلهم ويجوا يعيشوا معاه فى القصر
وفعلا ياولاد اول لما اخوات يوسف اتحركوا من عند يوسف العزيز ... يعقوب قال لاهله انه شامم ريحة يوسف لكن محدش صدقه ابدا وقالوله انه لسة بيحلم بيوسف وان يوسف خلاص مات ومش راجع
واول لما اخوات يوسف وصلوا لابوهم رموا قميص يوسف على وشه وعلى طول عينه رجعت تشوف تانى وفرح اوى وكلهم فرحوا ان يوسف لسة عايش وانهم هيقابلوه تانى
🌹🌹🌹🌹🌹🌹🌹🌹
وفضل يعقوب يقولهم انه كان متاكد ان ربنا هيجمع تانى بينه وبين ولاده
واخوات يوسف اعترفوا ليعقوب بذنبهم وطلبوا منه انه يسامحهم وانه يدعى ربنا ان ربنا كمان يغفر لهم ويسامحهم
ويعقوب طمنهم وقالهم ان ربنا دا كريم اوى وغفور وبيسامح اى حد يعمل اى ذنب مهما كان كبير بس المهم ان الواحد يطلب من ربنا انه يسامحه وميرجعش يعمل الغلط دا تانى ابدا
اخوات يوسف اخدوا يعقوب وامهم وام يوسف وعليتهم واهلهم كلهم وراحوا ليوسف فى القصر
🌹🌹🌹🌹🌹🌹🌹🌹
واتجمعوا كلهم تانى وفرحوا جدا برحمة ربنا وفضله انه بعد كل السنين دى جمع بينهم
وكان زمان ياولاد لما حد يحب يشكر حد او يعظمه يسجد ليه ... لكن دلوقتي خلاص مينفعش ابدا ابدا اننا نسجد غير لربنا
واخوات يوسف وابوه وامه كانوا عايزين يسلموا على يوسف ويعظموه فسجدوا كلهم ليه
واول لما يوسف شافهم ساجدين قال ليعقوب ان دا تفسير الحلم اللى شافوا زمان وهو صغير
فاكرين الحلم ياولاد ... انه شاف الشمس والقمر و11 كوكب ساجدين ليه
🌹🌹🌹🌹🌹🌹🌹🌹
فالشمس والقمر هم ابوه وامه
و11 كوكب هم 11 اخ
وبردوا دايما علشان يوسف اخلاقه جميله وبيحب ربنا ومش ممكن ينساه ابدا ودايما ربنا فى تفكيره
قال ان كل دا بفضل ربنا وان ربنا كريم معاه دايما زى ما انقذه من البير ورباه فى القصر مع عزيز مصر وخرجه من السجن وكمان خلاه عزيز مصر وبعد سنين كتير اوى جمع بينه وبين اهله
وفضل يشكر ربنا ويدعيه انه دايما يكرمه ويلطف بيه
وبكدة ياولاد شوفنا ازاى من الانسان الكويس مهما الناس كلها حاولت تاذيه مش هتعرف وان ربنا دايما هيحميه ويلطف بيه ويكرمه
🌹🌹🌹🌹🌹🌹🌹🌹
وكمان ياولاد ان الانسان اللى بيظلم حد ويعمل فيه حاجة وحشة عمر ابدا ما ربنا هيوفقه مهما طاالت السنين ... ولازم الحق هيظر والناس هتعرف مين الطيب ومين الشرير
زى ما اخوات يوسف ظلموا يوسف والحق ظهر بعد سنين كتير جدا جدا
وزى ما مرات العزيز ظلمت يوسف وبردوا الحق ظهر بعد سنين كتييرة
وحاجة مهمة جدا ياولاد نتعلمها من يوسف عليه السلام ... ان الواحد لازم لازم دايما اخلاقه تبقى كويسة ويعامل الناس باخلاق المسلمين الجميلة
حتى لو الناس دى مش كويسة... لان لو مثلا شتمك فى وحش واخلاقه وحشة ... ولو انت رديت عليه وقلتله الله يسامحك يبقى كدة انت اخدت حسنات كتيرة وهو ماخدش ... وانت الملايكة كتبت عنك انك طيب وان هو مش طيب
🌹🌹🌹🌹🌹🌹🌹🌹🌹🌹
لكن ياولاد لو واحد شتمك وانت رديت عليه بشتيمة بردوا لانه هو شتم الاول... هتبقوا انتوا الاتنين وحشين وانتوا الاتنين مش هتاخدوا حسنات والملايكة هتكتب انكم انتم الاتنين مش طيبين
زى ياولاد لما يوسف عامل كل الناس بطيبته واخلاقه الجميلة من اول اخواته
