#بداية_الخلق_قصص_الأنبياء
⭕️⭕️سلسلة بداية الخلق⭕️⭕️
🌷🍃🌷🍃🌷🍃🌷🍃🌷
🌹🌹 الحلقة 26🌹🌹
📌شعيب عليه السلام
كان ياما كان ولا يحلى الكلام الا بذكر الله ثم الصلاة على رسول الله عليه الصلاة والسلام
🍓🍌🍓🍌🍓🍌🍓🍌
رحلتنا النهاردة يااولاد فى بلد اسمها مَدين
اهل مدين ياولاد كانوا بيشتغلوا بالتجارة والتجارة يعنى بيبيعوا وبيشتروا اى حاجة وكل حاجة
اهل مدين كانوا ناس اشرار جدا ياولاد كانوا لما بيبيعوا الحاجات بتاعتهم بيغشوا فى الميزان
يعنى لو حد طلب منهم مثلا كيلو طماطم يحطوله نص كيلو ويقولوله دا كيلو
لو حد طلب عشرة كيلو رز
يحطوله 7 كيلو ويقولوله دول 10
المهم انهم مكنوش ابدا ابدا بيحطوا الميزان المظبوط
🍇🥝🍇🍓🍎🍒🍌🍉
ودا طبعا ياولاد حرام ... لانهم بياخدوا فلوس من الناس بالظلم لان الناس فاكرة انها اشترت وزن معين وفى الحقيقة هم اخدوا اقل من حقهم
وكانوا كمان ياولاد بيقفوا فى نص الطريق بتاع الناس وبيمنعوهم انهم يعدوا الا لما ياخدوا فلوسهم وحاجاتهم
وكانوا كمان ياولاد مش بيعبدوا ربنا
اه ياولاد مكنوش بيعبدوا ربنا اللى خلقهم ورزقهم وكرمهم
كانوا بيعبدوا نوع شجرة اسمه الأيكة
كانوا بيقدموا للشجرة الهدايا وبيدعوها وبيطلبوا منها اى حاجة يحتاجوها
شوفوا ياولاد الشيطان بيعمل ايه فى الناس ... الشيطان بيخلى الناس اشرار جدا جدا
🍆🥕🍆🥕🍆🥕🍅🥑🌽
شوفوا احنا ازاى شايفين قوم مدين دول ناس اشرار ومش عارفين ازاى هم كان فيهم كل الشر والجهل دا انهم يسيبوا عبادة ربنا ويعبدوا شجرة
لكن للاسف ياولاد هم مكنوش حاسين انهم اشرار لان الشيطان قافل مخهم خالص ومش مخليهم يعرفوا يفكروا كويس
علشان كدة ياولاد الواحد بيخاف اوى اوى يعمل حاجة غلط وهو مش عارف انها غلط لان الشيطان بيكون قافل مخه
طب الحل ايه .... الحل اننا لما نعمل اى حاجة لازم نشوف ربنا قال عليها ايه او رسولنا صلى الله عليه وسلم
لان ربنا لما خلق الناس بعتلهم رسول يعلمهم الخير ويعرفهم طريق الجنة فاحنا عمرنا ما هنعرف الخير لوحدنا وعمرنا ما هنعرف نعبد ربنا لوحدنا وعمرنا ما هنعرف الشر بردوا لوحدنا
فلازم نتعلم كلام ربنا ونتعلم احاديث رسولنا صلى الله عليه وسلم وننفذ كل الحاجات الل جت فيهم وبكدة نكون بعيدييين جدا عن طريق الشيطان
🍓🍇🍓🍇🍓🍇🥝🍊
المهم ياولاد ربنا علشان رحيم بالناس ورحيم باهل مدين بعتلهم رسول يعلمهم الخير ويعلمهم طريق الجنة
الرسول دا ياولاد كان اسمه شُعيب عليه السلام
شُعيب ياولاد كان راجل طيب وضعيف كدة وجسمه ضعيف لكن كان بيحب ربنا وكان رحيم اوى بقومه
