#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 14🌹🌹🌹
*ابراهيم عليه السلام الجزء 6*
📌📌قصة لوط عليه السلام
كان ياما كان ولا يحلى الكلام الا بذكر النبى عليه الصلاة والسلام
الولاد الابطال طبعا فاكرين احنا فين دلوقتى... احنا فى مكة مع هاجر واسماعيل اللى عايشين مع قبيلة جرهم ومنهم اتعلم اسماعيل اللغة العربية
🌹🌹🌹🌹🌹
ومحدش طبعا نسى اختبار ربنا الكبير لابراهيم واسماعيل بذبح اسماعيل .... وانه ازاى ابراهيم واسماعيل بيحبوا ربنا اوى اوى وبيسمعوا كلامه وهم مبسوطين فى اى حاجة مهما كانت صعبة ... وشوفنا رحمة ربنا بيهم وازاى السكينة مدبحتش اسماعيل وربنا نزلهم كبش كبيييير من السما يدبحوه ولحد النهاردة اليوم دا يوم عيد ... العيد الاضحى ياولاد فاكرين
🌹🌹🌹🌹🌹
ابراهيم دلوقتى عايش مع سارة فى فلسطين ... وفى يوم جاله ضيوف ... شكلهم كان غريب شوية ..سلموا عليه الضيوف دول وهو قالهم انهم شكلهم غريب... لكن بسرعة بسرعة علشان ابراهيم كريم وبيحب يكرم الضيوف ذبحلهم عجل تخين وكبير وعملهم الاكل وقدمه ليهم
🌹🌹🌹🌹🌹
والضيوف ماكلتش خالص فابراهيم استغرب اكتر واكتر
فالضيوف قالوا متخافش ياابراهيم احنا ....
هااا مين يفكر ويقول الضيوف دول مين
🌹🌹🌹🌹🌹
مظبووط ... الضيوف دول ملائكة من عند ربنا
فابراهيم سالهم هم جاين عليهم ... قالوله ان ربنا امره يعذبوا ويدمروا قوم لوط 😱😱😱
مين فاكر ياولاد لما ابراهيم ترك العراق هو وسارة كان مين معاهم... هاا مين فاكر .... مظبوووووط ... كان معاهم لوط ... لوط ابن اخو ابراهيم عليه السلام
لوط ياولاد كان راجل صااالح جدا جدا وكان بيحب ربنا اوى اوى... وبردوا كان نبى... ربنا امره يعلم الناس الدين ويعلمهم الاخلاق ويعرفهم طريق الجنة
🌹🌹🌹🌹
طيب ليه ربنا زعل منهم جدا وغضب عليهم وهيعذبهم ويدمرهم !!
اكيد كانوا بيعملوا حاجة وحشة جدا وشريرة جدا
🌹🌹🌹🌹🌹
مين يقول كانوا بيعملوا ايه
بيكذبوا ؟؟
حاجة اكبر...
بيسرقوا؟؟
حاجة اكبر...
بيقتلوا؟؟
حاجة اكبر...
ها ياولاد كانوا بيعملوا ذنب كبيييير اوى اوى
ذنب لازم ليه عقاب شديد اوى اوى
ذنب اللى بيعمله بياخد سيئات كتير جدا ومبيدخلش الجنة
🌹🌹🌹🌹🌹
قوم لوط الاشرار دول ياولاد كان الراجل بيتجوز راجل زيه😱 .. استغفر الله استغفر الله .... ازاى دا ياولاد
