#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 24🌹🌹🌹
📌يوسف عليه السلام الجزء 8🌷🌷🌷🌷🌷🌷🌷🌷
كان ياما كان ولا يحلى الكلام الا بذكر النبى عليه الصلاة والسلام😃
🌹🌹🌹🌹🌹🌹🌹🌹
طبعا كلنا فاكرين ايه الل حصل المرة اللى فاتت .... وفاكرين لما اخوات يوسف فتحوا حاجاتهم ولقوا بضاعتهم يوسف رجعها وفاكرين كمان رفض يعقوب انه يبعت معاهم بنيامين
لكن ياولاد اخوات يوسف فضلوا يتحايلوا عليه ويقنعوه انهم هيحافظوا فعلا على اخوهم المرة دى... وانهم لازم يروح اخوهم معاهم علشان عزيز مصر يوافق يديهم الاكل
ويعقوب عليه السلام كان رافض خالص وخايف على بنيامين لحسن اخواته يضيعوه زى ما ضيعوا يوسف
لكن فى الاخر ياولاد وافق يعقوب انه يبعته معاهم بس بشرط
🌹🌹🌹🌹🌹🌹🌹🌹
الشرط ياولاد انه ياخد منهم عهد ... والعهد ياولاد يعنى اتفاق بيشهد عليه ربنا ... ومينفعش ابدا ابدا المسلم مينفذشى العهد بتاعه
فعلشان كدة طلب منهم يعقوب عليه السلام انه ياخد منهم عهد واتفاق انهم مش هيرجعوا ابدا من غير اخوهم بنيامين الا لو حصلهم حاجة كبيرة جدا مقدروش عليها
وفعلا ياولاد اخوات يوسف وعدوا ابوهم انهم هيحافظوا على اخوهم واخدوه وراحوا ليوسف
واول لما دخلوا على يوسف اخد بسرعة يوسف اخوه بنيامين لوحدهم سلم عليه جامد وقاله انه اخوه يوسف وحكاله على كل اللى حصل وقاله ميزعلش من اللى اخواته عملوه
وبسرعة فكر يوسف فى حاجة يعملها علشان بنيامين يعيش معاه فى القصر وميمشيش مع اخواته تانى
🌹🌹🌹🌹🌹🌹🌹🌹
يوسف امر العمال بتوعه انهم وهم بيحضروا الاكل والحاجات بتاعة اخواته... انهم يخبوا السقاية بتاعة الملك فى حاجات بنيامين
والسقاية دى ياولاد حاجة زى كوباية كدة بيشربوا بيها وبيوزنوا بيها الاكل
وفعلا ياولاد العمال من غير ما اى حد اخد باله حطوا بسرعة السقاية فى حاجات بنيامين
اخوات يوسف خلاص اخدوا اكلهم وقفلوا شنطتهم وحاجاتهم وابتدوا يمشوا من عند يوسف
بس بعد شوية صغيرين لقوا العمال بينادوا عليهم وبيقوللهم انتوا سرقتوا السقاية بتاعة الملك
🌹🌹🌹🌹🌹🌹🌹🌹
وبسرعة رجعولهم وقالوا انهم مش حرامية وانهم مسرقوش حاجة وقالوا كمان للعمال يفتشوهم علشان يتاكدوا انهم صادقين... ولو فيهم واحد حرامى وسرق السقاية ياخدوه ويخلوه عندهم
وفعلا ياولاد العمال بدأوا يفتشوا فى حاجات اخوت يوسف واحد ورا التانى لحد لما وصل لحاجات بنيامين... وطلع السقاية من حاجات بنيامين
فقال يوسف احنا مش هنرجع معاكم بنيامين وهيفضل معانا هنا فى القصر لاننا لاقينا حاجتنا عنده
🌹🌹🌹🌹🌹🌹🌹🌹
وبكدة ياولاد ربنا يسر ليوسف الخطة دى علشان اخوه يعيش معاه
لكن اخوات يوسف اتخضوا جدا وبقوا خايفين من يعقوب ومن العهد بتاعهم
ازاى هيرجعوا من غير بنيامين وفضلوا يتحايلوا على يوسف انه ياخد اى حد منهم بدل بنيامين وان ابوه راجل كبير اوى وعجوز وهيزعل ويمرض لو رجعنا من غيره
لكن يوسف مرضيش ابدا باى حل من عندهم غير انه ياخد بنيامين
🌹🌹🌹🌹🌹🌹🌹🌹
وبعد شوية اخوات يوسف اتاكدوا ان خلاص عزيز مصر مش هيزافق على اى حل تانى واعدوا يتكلموا مع بعض ازاى يحلوا المشكلة دى
واعدوا يتكلموا ياولاد واخوهم الكبير قالهم انه مش هيرجع ابدا لابوه من غير بنيامين لانه خايف من ابوه ومن عهده مع ربنا وقالهم يرجعوا هم ويحكوا ليعقوب اللى حصل وانهم فعلا معملوش اى حاجة غلط
🌹🌹🌹🌹🌹🌹🌹🌹
يعقوب اول لما عرف زعل جدا على بنيامين... وزعل تانى وعيط كتير على يوسف وقال انه هيصبر وان شاء الله ربنا هيرجعله ولاده كلهم
وفضل يعيط لحد لما عينه باظت ومبقاش يشوف بيها
وبعد شوية ياولاد يعقوب نادا على اولاده وقالهم روحوا ياولاد دوروا على اخواتكم يوسف وبنيامين واستعينوا بالله واوعوا ابدا تقولوا مش هنلاقيهم لان ربنا قادر على كل شى
ونقف هنا المرة دى ونشوف المرة الجاية ايه اللى هيحصل🤔
يتبع ......
والسلام عليكم ورحمة الله وبركاته
