⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 44🌹🌹🌹
📌 داوود عليه السلام الجزء 2
كان ياما كان ولا يحلى الكلام الا بذكر الله ثم الصلاة على رسول الله
شوفنا المرة اللى فاتت المقاتل القوى والشجاع داوود ازاى قتل قائد الاشرار وازاى بقى الملك بعد طالوت وكمان ربنا اختاره يبقى رسول
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲
وبكدة داوود اول ملك ورسول فى نفس الوقت وكمان عرفنا مع بعض النعم الكتيرة الل ربنا انعم بيها على داوود ومنها الملك والعلم والفهم والحكمة والزبور ووالصوت الجميل وتسبيح الطيور والجبال معاه وقدرته على تشكيل الحديد ورزقه باحب الصيام واحب الصلاة وكمان رزقه بابنه سليمان عليه السلام وفوق دا كله ربنا رزقهم شكر النعم دى كلها
وفاكرين طبعا الراجل بتاع المزرعة حصله ايه من غنم جاره وشوفنا ازاى سليمان ربنا رزقه فهم المشكلة وقدر يحلها بحل يعجب الرجلين
والنهاردة هنشوف شكوى تانية لداوود عليه السلام وانه بردوا سليمان عليه السلام قدر يحلها بالفهم اللى ربنا رزقهوله
كان فى اختين كل واحدة فيهم عندها ابن صغير وفى يوم طلع عليهم الذئب واكل ولد فيهم
وبقى كل اخت تقول الولد اللى اتاكل مش ابنها وعايزة تاخد الولد اللى لسة عايش
فراحوا لداوود عليه السلام علشان يحكم بينهم
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
وفعلا الاخت الكبيرة اعدت تتكلم وتدافع عن نفسها وتقول ان الولد اللى عايش هو ابنها وتبكى وتعيط
لكن الاخت الصغيرة مكنتش عارفة تقول ايه
فداوود عليه السلام اقتنع ان الولد دا هو ابن الكبيرة وفعلا قالها خدى انت الولد
لكن سليمان عليه السلام ربنا رزقه فهم تانى للمشكلة وقال انه عنده حل تانى علشان ميزعلش حد فيهم
قال انه هيجيب السكينة ويقطع الولد نصين وكل اخت تاخد نص
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
فالاخت الكبيرة اول لما سمعت الحل دا وافقت وسكتت
لكن الاخت الصغيرة اول لما سمعت الحل دا قالت لااااااا انا مش عايزاه هو مش ابنى هو ابنها هى
فسليمان عليه السلام قال الولد دا ابن الصغيرة وهى اللى هتاخده
طب عرف منين!!!!
الاخت الكبيرة لما عرفت ان الولد هيتقطع نصين ودا معناه انه هيموت ومش هيبقة لا عندها ولا عند اختها ولد
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
فهى وافقت لانها قلبها وحش وعايزة اختها تحزن زى ما هى حزينة ان الذئب اكل ابنها ومش قادرة يكون ابنها ميت واختها فرحانة وابنها بيكبر ادام عينها
فقالت ياما تاخده ليها ويبقى ابنها هى يااما يموت ومحدش فيهم يبقى عنده ابن
لكن الصغيرة اول لما عرفت انه هيتقطع ويموت خافت عليه لان الام بتخاف على ابنها وعلى طول قالت انها مش عايزاه علشان تحافظ على حياته ويعيش ويكبر حتى لو مش معاها
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
فساعتها عرف سليمان مين الام الحقيقية ومين الام اللى بتمثل ودا من فضل ربنا عليه ومن العلم والفهم الل ربنا رزقهوله
وداوود وسليمان عليهما السلام كانوا دايما بيشكروا ربنا وبيبعبدوه وبيحمدوه على النعم العظيمة الل انعم الله بها عليهم
وداوود عليه السلام كان دايما وسط الناس يحكم بينهم ويشوف مشاكلهم واول لما يجى الليل يقفل بابه ويمنع دخول اى حد عليه ويدخل محاربه الل هو المكان اللى بيعبد ربنا فيه
ويفضل فى محرابه يعبد ربنا ويدعوه ويقرا فى الزبور
وفى يوم بليل وهو فى محرابه وكل الابواب مقفولة وكمان الحراس على الباب حصل حاجة غريبة جدا
💐💐💐💐💐💐💐💐💐💐💐💐💐💐💐💐💐
رجلين طلعوا فوق السور بتاع المحراب ونطوا جوا المحراب ودخلوا على دواوود عليه السلام
وطبعا داوود عليه السلام اول لما شافهم خاف منهم واتخض
ازاى دخلوا عليه والابواب كلها مقفولة والحراس واقفين
ازاى ينطوا من فوق السور!!
لكن هم اول لما شافوه داوود قالوله متخافش... احنا عندنا مشكلة وعايزينك تحلها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
فواحد منهم قال ان التانى دا اخوه وعنده 99 نعجة والنعجة هى الخروف الست
والراجل دا عنده نعجة واحدة بس
لكن رغم كدة ورغم عدد النعاج الكتير اللى عنده الا انه طمع فى نعجة اخوه وطلبها منه وقاله يديله النعجة دى يجمعها مع ال 99 بتوعه وفضل يضغط عليه علشان ياخدها منه
زعل جدا داوود عليه السلام من الفعل دا ورد عليه بسرعة وقاله ان اخوك ظلمك انه طلب النعجة بتاعتك وللاسف ناس كتير لما بتتعامل مع بعض بتظلم بعض
لكن الناس المؤمنة فقططط هم الل مش بيظلموا حد مهما حصل
ومرة واحدة اختفى الرجلين ... !!!!
🌷🍃🌷🍃🌷🍃🌷🍃🌷🍃🌷🍃🌷🍃🌷🍃🌷🍃
وساعتها فهم داوود ان دا كان اختبار من ربنا
وان الرجلين دول كانوا ملايكة
وان القصة دى كلها حصلت علشان ربنا يعلمه
واتعلم فعلا داوود عليه السلام انه ميقفلش بابه ابدا عن الناس لانه هو المسؤل عنهم
عايز يصلى ويعبد ربنا ويسبحه مفيش مشكلة لكن فى نفس الوقت يسمح لاى حد انه يدخل عليه بمشكلته
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
لان مشاكل الناس فى منها ضرورى ومتستناش للصبح
واتعلم كمان داوود عليه السلام انه مهما كان الحق واضح ومهما كان الظلم بردوا واضح إلا انه لازم يسيب الظالم يدافع عن نفسه ودا مش هيغير من الحكم شى لانه ظالم الا انه هيحقق العدل لانه قدر يدافع عن نفسه ويقول سبب ظلمه للناس ايه
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
وداوود عليه السلام اول لما فهم كل دا على طوووووول وبسسسسرعة سجد لله وفضل يستغفر ويدعو ربنا
وربنا قال فى القران انه غفر لداوود عليه السلام
وطبعا زى ما احنا عارفين كل الناس لازم هتموت مهما طال عمرها ومهما بلغت قوتها
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وجيه وقت موت داوود عليه السلام وكان دايما لما بيخرج من بيته بيمنع اى حد غريب انه يدخل البيت وهو مش موجود ودا من كتر حبه وخوفه على اهله
وفى يوم خرج داوود عليه السلام من البيت لكن زوجته لاقت رجل غريب جوا البيت اتخضت منه وقالت اكيد داوود هيزعل جدا ان حد غريب فى البيت وهو مش موجود
وفعلا اول لما داوود رجع وشاف الرجل سأله بسرعة انت مين
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
فرد عليه الرجل و
