#بداية_الخلق_قصص_الأنبياء
⭕️⭕️⭕️سلسلة بداية الخلق⭕️⭕️⭕️
🌹🌹🌹 الحلقة 17🌹🌹🌹
📌📌 اسحاق ويعقوب عليهما السلام
📌📌 يوسف عليه السلام الجزء 1
كان ياما كان ولا يحلى الكلام الا بذكر النبى عليه الصلاة والسلام
🌹🌹🌹🌹🌹
شوفنا ياا حبايبى ازاى ابراهيم عليه السلام عاش حياته كلها فى طاعة ربنا
حياته كلها استسلام تاااام لله
حياته كلها بيقول حاضر لاى امر من ربنا وهو مبسوط وراضى
حتى لو الامر دا انه يهاجر ويسيب بلده واهله
حتى لو الامر دا انه يترك مراته وابنه الصغير فى الصحرا لوحدهم
حتى لو الامر دا بذبح ابنه حبيبه
حتى لو الامر دا ببناء الكعبة
مهما كان الامر .... ابراهيم عليه السلام كان طائع وراضى بامر الله علشان كدة مكانة ابراهيم عند ربنا عالية جدا
🌹🌹🌹🌹
وبردوا اى حد فينا هيكون بيسمع كلام ربنا طوول الوقت... وهو نشيط وهو كسلان
بيسمع كلام ربنا وهو بصحته وهو عيان
بيسمع كلام ربنا وهو مشغول وهو فاضى
ولما نحتاج اى حاجة ندعى ربنا
وعلى طول لو عمل اى حاجة غلط بسرعة يستغفر ربنا كتير
لو عملنا كدة ياولاد ربنا هيحبنا اوى اوى ويكتبلنا حسنات كتير ويكون لينا مكان جمييل اوى اوى ف الجنة
🌹🌹🌹
فاكرين طبعا ياولاد ان المرة اللى فات ابراهيم عليه السلام مات ... وبعد شوية سينين مات كمان اسماعيل عليه السلام
🌹🌹🌹🌹
وفاضل مين من اولاد ابراهيم ....
ها مين فاكر
ابن سارة اسمه ايه
اللى الملايكة بشرتها بيه وهى ست عجوزة اوى
شاطرين ياولاد
اسحاق عليه السلام
🌹🌹🌹
اسحاق ياولاد كان نبى زى ابراهيم وكان بيدعو الناس لعبادة ربنا وبيعلمهم الحلال والحرام
اسحاق كبر واتجوز وخلف كمان .... خلف ولد سماه يعقوب
يعقوب عليه السلام ليه اسم تانى اللى هو اسرائيل ... واولاد يعقوب هم بنى اسرائيل
🌹🌹🌹🌹
يعقوب ياولاد بردوا كان نبى ... ربنا اوحاله انه يعلم الناس الدين ويعلمهم الحلال والحرام ويدعوهم لعبادة ربنا
كبر يعقوب واتجوز وخلف من مراته عشر اولاد
وبعدين اتجوز زوجة واحدة تانية خلف منها ولدين ... واحد منهم هو النبى يوسف عليه السلام والتانى اخوه بنيامين
🌹🌹🌹🌹🌹
يبقى كدة يعقوب عليه السلام عنده عشر اولاد من زوجة وولدين من زوجة تانية
يوسف ابن يعقوب ياولاد كان ولد صغير لسة ... وفى يوم وهو نايم شاف حلم غربب وراح سال والده يعقوب عليه
🌹🌹🌹🌹🌹
شاف ايه يوسف
شاف 11 كوكب ... عارفين الكواكب ياولاد ... كوكب زى الارض كدة اللى عايشين عليها
شاف يوسف 11 كوب ومعاهم الشمس والقمر وكلللللهم ساجدين ليوسف
يعقوب عليه السلام خاف على ابنه يوسف من اخواته الكبار وقاله ميقولش لحد ابدا ابدا على الحلم دا
🌹🌹🌹🌹🌹
لان الرؤيا دى فيها بشارة يعنى خبر حلو ان يوسف مكانته هتبقى عظيمة اوى
فخاف يعقوب عليه السلام من اخوات يوسف الكبار انهم يتغاظوا من يوسف ويضايقوه فعلشان كدة قاله ميقولش لحد ابدا
🌹🌹🌹🌹🌹
وفعلا اخوات يوسف كانوا على طول متغاظين ومضايقين منه وكانوا فاكرين ان يعقوب عليه السلام بيحب يوسف وبنيامين اكتر منهم
مفيش اي او ام ياولاد بيحب ابن اكتر من ابن
🌹🌹🌹🌹🌹🌹
الاب والام بيحبوا كل ولادهم جدا جدا حتى لو دا مش باين او مش ظاهر
ومفيش اب او ام بيحب ابن او بنت اكتر من التانى
🌹🌹🌹🌹🌹🌹🌹🌹🌹🌹
لكن ساعات الشيطان بيقول للاولاد ان اهلهم مش بيحبوهم او انهم بيفضلوا اخواتهم عنهم علشان الشيطان عايز يضايقهم ويحزنهم وعايز الاخوات يكرهوا بعض ويضايقوا بعض
فاحنا مش لازم ابدا ابدا نسمع كلام الشيطان لما يقولنا اى حاجة وخصوصا الكلام دا
🌸🌹🌸🌹
ولازم نتاكد من حب اهلنا لينا ونحبهم جدا ونحب اخواتنا ونساعدهم ونخلى بالنا منهم وندعلهم دايما بالخير
🌸🌹🌸🌹🌸
ونقف هنا المرة دى ونشوف المرة الجاية الشيطان هيخلى اخوات يوسف يعملوا ايه
وهنشوف خطتهم الشريرة لاذية اخوهم
والسلام عليكم ورحمة الله وبركاته
يتبع .....
