دد
⭕⭕⭕سلسلة بداية الخلق⭕⭕⭕
🌹🌹🌹الحلقة 45 🌹🌹🌹
📌سليمان عليه السلام الجزء 1
كان ياما كان ولا يحلى الكلام الا بذكر الله ثم الصلاة على رسول الله
🌹🥀🌹🥀🌹🥀🌹🥀🌹🥀🌹🥀🥀🌹🥀🌹🥀🌹
شوفنا المرة الل فاتت نبى الله داوود وازاى ربنا انعم عليه بنعم كتيرة جدا جدا ونعمة منهم كانت ابنه سليمان
سليمان عليه السلام ربنا رزقه بالفهم والعلم وكمان رزقه بالملك والرسالة بعد موت ابوه داوود
فسليمان هو كمان كان ملك ونبى من ربنا والفترة دى كانت من اقوى فترات بنى اسرائيل لانهم كلهم كانوا بيسمعوا كلام ربنا وبيعبدوه وكانوا بيسمعوا كلام الرسول
فمملكة داوود وسليملان كانت مملكة قوية جدا ودا رزق ربنا ليهم لانهم كانوا بيعبدوا ربنا صح وبيسمعوا الكلام
وكمان لانهم كانوا بيجاهدوا وبيحاربوا الكفار وزى ما شوفنا ان داوود عليه السلام كان بيصنع الاسلحة والدروع بنفسه
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹
كمان سليمان كان عنده جيش قوى جدا وعنده خيول كتير جدا بيدربها علشان يجاهد بيها فى سبيل الله
وفى يوم سليمان عليه السلام كان بيشرف على تدريبات الخيول بتاعته وفضل يتفرج عليها وهى عمالة تجرى باقصى سرعة وبمنتهى القوة وبعد شوية تقف على تلات رجلين بس وترجع تجرى تانى
فسليمان كان بيحب الخيل جدا وكان بيعتبر تدريباته للخيل وحبه للخير دا من العبادة وذكره لله
لانه بيحب الخيل وبيدربها علشان يجاهد فى سبيل الله بيها لانها تعتبر من اقوى الاسلحة
وبعد كدة الخيل جريت بعيد وغابت عن عينه فامر المساعدين بتوعه انهم يرجعوا الخيل ولما رجعت فضل يمسح على رقبتها ورجلها لان دى لغة التواصل مع الحصان
🌲🍒🌲🍒🌲🍒🌲🍒🌲🍒🌲🍒🌲🍒🌲🍒🌲🍒
وسليمان عليه السلام كان دايما مشغول بامر الجهاد فى سبيل الله ودايما مشغول بامر الدين ففيوم كان اعد مع ملك من الملائكة فقال انه الليلة هيتجوز 100 ست وكل واحدة فيهم تحمل بولد والولد دا يكون فارس ومجاهد فى سبيل الله
فالمَلك ذكره انه يقول ان شاء الله ... لان مفيش ابدا حاجة بتحصل غير بارادة ربنا فلازم اى حاجة نعوز نعملها نقول ان شاء الله لان مفيش اى حاجة مهما كانت اكيدة تقدر تحصل من غير ارادة ربنا
لكن للاسف سليمان نسى يقول ان شاء الله وفعلا اتجوز ال 100 ست لكن مفيش ولا واحدة فيهم حملت الا واحدة بس !!
والواحدة دى بعد ما خلفت اكتشفوا ان البيبى اتولد ميت وكمان مش كامل زى ما يكون كدة نص طفل فقط
ودا كان اختبار وامتحان من ربنا لسليمان لانه نسى يقول ان شاء الله
فاول لما جابوا الطفل الميت المشوه دا حطوه على كرسى سليمان علشان يشوفه عرف على طول ان كل دا حصل لانه نسى يقول ان شاء الله وفضل يستغفر ربنا كتير وكمان دعا ربنا دعوة تانية
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
عارفين دعا بايه ؟!!!
دعا ان ربنا يرزقه بملك مش عند اى حد من الدنيا دى كلللها
ملك يقدر بيه ينشر دين ربنا فكل الارض
ملك يقدر بيه يسعد كل اهل الارض
وعلشان كدة ربنا استجاب لدعائه ورزقه بمُلك عظيييم جدا جدا
ربنا جعله ملك للانسان وللطيور وللشياطين وللجن وللريح
كللللل دووول كاانوا بيسمعوا كلامه
🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹
سبحان الله !!
سليمان اقوى ملك فى الدنيا دى كلها لان ربنا رزقه ملك محدش ابدا اخده قبل ولا بعد كدة
سليمان كان تحت امره الريح والطير والجن والشياطين
وكمان الناس كانت بتحبه وبتسمع كلام ربنا وبتسمع كلامه
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
فالريح كانت بتتحرك بامر من سليمان عليه السلام ودا من امر الله ليها ... ربنا امر الريح تسمع كلام سليمان
فكانت بتجرى بامره فى فلسطين الارض المباركة اللى كان عايش فيها سليمان
وكانت الريح سريعة جدا تمشى مسيرة شهر فى النهار ومسيرة شهر تانى فى وقت الغروب
وكانت الريح دى سبب فى ان الناس تزرع وتحصد والبلد تكون مليانة خيير كتير ومليانة ثمر وشجر وزرع
لانها ريح طيبة جميلة زى بتاعة الربيع كدة مش ريح ساقعة وباردة زى بتاعة الشتا
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وكمان ياجماعة سليمان عليه السلام حكم الجن والشياطين وكانوا بيسمعوا كلامه
والجن ياولاد دول خلق زى الانسان كدة منهم المؤمن الصالح ومنهم الكافر الشرير
والاتين كانوا بيسمعوا كلام سليمان وبيعملوا الشغل اللى بيقلهم عليه
فكان بيخلى الشياطين تغوص فى البحار والمحيطات تجيب الكنوز الل فيها علشان يستخدمها فى طاعة الله
وكان بيأمرهم بردوا انهم يبنوا القصور والقلاع
واى حد فيهم مش بيسمع الكلام كان بيربطهم فى السلاسل
وكل دا كان بامر من ربنا سبحانه وتعالى هو اللى سخر الجن والشياطين والرياح والطيور لسليمان
🌹🥀🌹🥀🌹🥀🌹🥀🌹🥀🌹🥀🌹🥀🌹🥀🌹🥀
وكمان ربنا اسال _يعنى اجرى_ لسليمان عين من النحاس السايح
والنحاس دا معدن زى الحديد كدة كانوا بيصنعوا منه حاجات كتير اوى
فكان سليمان بيأمر الجن والشياطين انهم يبنوا من النحاس دا بيوت ومساجد ويصنعوا احواض للماية وحلل كبيرة للاكل والطبخ وكانت كبيرة جدا وتقيلة جدا محدش يقدر يحركها من مكانها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
وجيه وقت فى حكم سليمان المسجد الاقصى فى بيت المقدس اتبهدل جدا وبقى قديم ومكسر فسليمان امر الجنود بتوعه انهم يبنوا المسجد الاقصى ويجددوه علشان الناس تقدر تصلى فيه وكمان ربنا قال ان اى حد هيصلى فى المسجد الاقصى ربنا هيغفرله كلللل ذنوبه
لكن للاسف المسجد الاقصى دلوقتى اليهود الاشرار ......
يتبع
