#بداية_الخلق_قصص_الأنبياء
⭕️⭕️سلسلة بداية الخلق⭕️⭕️
🌹🌹الحلقة 10🌹🌹
سيدنا ابراهيم الجزء 2
كان ياما كان ولا يحلى الكلام الا بذكر النبى عليه الصلاة والسلام
🌹🌹🌹🌹
ازيكم ياا حلوين... مين فاكر معايا حصل ايه المرة اللى فاتت مع سيدنا ابراهيم
🌹🌹🌹🌹🌹🌹
قلنا ياولاد انه كان فى بلد اسمها العراق وكانت البلد كلها كفرة . .. شوية بيعبدوا النجوم والقمر والشمس... وشوية تانيين بيعبدوا التماثيل
وشوفنا ان محدش ابدا ابدا رضى يسمع كلام ربنا وكلام رسولنا ابراهيم. غير زوجته سارة وابن اخته لوط.. وفاكرين اما ابراهيم عليه السلام كسر التماثيل والكفار عاقبته بانها رمته ف النار
🌹🌹🌹🌹🌹
وطبعا فاكرين ان ربنا قال يانار كونى بردا وسلاما على ابراهيم ومحصلوش اى حاجة خالص من النار
بعد شوية يا ولاد ابراهيم عليه السلام قابل النمرود .... النمرود دا ملك ظالم وشرير ... وبيقول ان هو ربنا
شوفوا ياولاد ازاى الشيطان ضحك عليه وخلاه يقول كلام وحش اوى اوى وهو مصدق الكلام الوحش دا
🌹🌹🌹🌹
ازاى يعنى هو ربنا.. هو اللى خلق الارض والسما والنجوم... هو اللى خلق العصافير والحيوانات... هو اللى خلق العين والودان والبطن... هو اللى خلق النملة والنحلة
شوفتوا يا ولاد الشيطان ازاى خلاه شرير جدا وخلاه كمان غبى مش بيعرف يفهم ولا يفكر
🌹🌹🌹🌹🌹🌹🌹
المهم ياولاد النمرود دا اعد يتكلم مع ابراهيم عليه السلام ويقوله ان هو ربنا... ابراهيم عليه السلام رد عليه وقاله ان ربنا هو اللى بيحيى ويميت... يعنى هو اللى خلقنا من غير اى شئ وهو اللى بيموتنا وهو اللى هيصحينا تانى بعد الموت
فيرد عليه النمرود الشرير دا ويقول ان هو كمان بيحييى ويميت.... ازاى الكلام دا
🌹🌹🌹🌹🌹🌹
هو فاكر ياولاد انه مثلا لو معاه مسدس ومعاه رجلين ... هيضرب واحد ويموته ويسيب واحد... هو كدة موت واحد وساب التانى عايش
فالشيطان ضحك عليه وقاله انه كدة هو بيحيى ويميت... لكن ربنا سبحانه وتعالى بيموت الشخص نفسه ويحيه هو بنفسه
🌹🌹🌹🌹
مش يسيب واحد عايش وواحد مين واقول انا احيى واميت
المهم راح ابراهيم عليه السلام قاله ان ربنا بيجيب الشمس من ناحية الشرق
الشمس يا ولاد كل يوم بتطلع من الشرق ... الشرق دا زى يمين وشمال كدة
🌹🌹🌹🌹🌹
فابراهيم قال للنمرود هات انت بقى الشمس من الناحية التانية ناحية الغرب
فطبعا محدش ابدا يقدر يعمل كدة غير ربنا... فسكت ومعرفش يرد... وابراهيم عليه السلام سابه ومشى
🌹🌹🌹🌹🌹
بعد شوية كدة ربنا اوحى لابراهيم انه يسيب العراق دى خالص البلد اللى كلها كفر ويروح يهاجر لفلسطين
ياااا دا فلسطين بعيدة جدا جدا ... وزمان مكنش فى عربيات ولا طيرات ولا اى حاجة. . كانوا بيسافروا ماشين
ابراهيم عليه السلام اخد زوجته سارة وابن اخوه لوط وراحوا لفلسطين
🌹🌹🌹🌹
وفضل ابراهيم عليه السلام يدعو الناس انها تعبد ربنا وحده علشان ربنا يحبهم ويديهم حسناات كتير اوى اوى ويدخلهم الجنة الل فيها كل حاجة جميلة
وشوية كدة ابراهيم اخد زوجته سارة وراحوا مصر علشان يدعو الناس هناك
لكن فى مصر حصل حاجة غريبة جدا
🌹🌹🌹
خلونا نقف هنا ونشوف المرة اللى جاية هيحصل ايه مع ملك مصر
والسلام عليكم ورحمة الله وبركاته
يتبع ....
