#بداية_الخلق_قصص_الأنبياء
🌹🌹🌹الحلقة 4🌹🌹🌹🌹
السلام عليكم ورحمة الله وبركاته
وحشتونا جدا جدا
ونرجع ونقول كان ياما كان... ولا يحلى الكلام الا بذكر النبى عليه الصلاة والسلام....
🌹🌹🌹🌹🌹
شوفنا مع بعض المرة اللى فاتت ازاى الشيطان قعد يزن ويزن ويزن على ادم وحوا علشان يخليهم ميسمعوش كلام ربنا وشوفنا كمان ان ادم وحوا اول ما عرفوا انهم عملوا حاجة غلط زعلوا وتابوا وقالوا لربنا استغفر الله وطلبوا من ربنا انه يسامحهم
وشوفنا كمان ان ربنا نزلهم كلهم يعيشوا ف الارض
ادم وحوا والشيطان
وقالهم كمان ان هيفضل فى حرب بين ادم وحوا واولاده ضد الشيطان لححححححححححد اما الدنيااا كلها تخلص
🌹🌹🌹🌹🌹🌹
الحياة دلوقتى عاملة زى مسااابقة كبيرة... شروط المسابقة دى ان الواحد لازم يسمع كلام ربنا وكلام الرسول وميسمعش ابدا ابدا كلام الشيطان
🌹🌹🌹🌹🌹
ان الواحد لازم يعمل الصح حتى لو هو الوحيييييد اللى صح
ومش لازم يعمل الغلط حتى لو الدنيااا كلها بتعمله
🌹🌹🌹🌹
وبعد ما نخلص المسابقة الكبيرة دى كلنا هنموت تانى ونروح لربنا
🌹🌹🌹🌹
وربنا هيجييب كل اعمالنا ويشوف مين كان صالح ومسلم ويدخله الجنة ومين سمع كلام الشيطان ومش هيدخله الجنة
🌹🌹🌹🌹🌹🌹
المهم دلوقتى يااا اولاد الارض الكبييييرة دى فااااااضية خاااالص... مفيهاش اى حد غير ادم وحوا...مفيش اى انسان تانى... ابتدى ادم وحوا يخلفوا اولاد كتير علشان يملوا الارض بالناس
🌹🌹🌹🌹
كل مرة حوا كانت بتحمل كان ربنا بيرزقها توام... ولد وبنت... كل مرة ولد وبنت.... وكان كل ولد من دول اما يكبر بيتجوز اى بنت من بنات حوا معادا اللى كانت معاه فى نفس الوقت فى بطن حوا...
🌹🌹🌹🌹🌹
يعنى زمان كان الرجل بيتزوج اخته بس متكونش اتولدت معاه ودا علشان مكنش لسة فةى ناس...كلهم اخوات لان مكنش فى غير ادم وحوا
🌹🌹🌹🌹
بعد كدة اما الناس كترت شوية ربنا قال مفيش اخ خلاص يتجوز اخته
🌹🌹🌹🌹🌹
المهم مرة كان فى واحد من اولاد ادم اسمه قابيل... قابيل دا اتخانق مع اخوه اللى اسمه هابيل... كان عايز يتجوز هو البنت اللى المفروض ان هابيل هيتجوزها
🌹🌹🌹🌹
وطبعا الشيطان اعد يزن عليه علشان يتخانق مع اخوه وعلشان يطمع ف حاجة مش بتاعته
🌹🌹🌹🌹🌹
قابيل اعد يتخانق مع هابيل وعمااال يزن انه لازم هيتجوز عروسة هابيل
راحوا اتفقوا انهم هيقدموا هدية لربنا.. واللى ربنا هياخد هديته هو اللى هيتجوز العروسة دى
🌹🌹🌹🌹🌹
زمان كان ممكن الواحد يقدم هدية لربنا...اسمها قربان....كان ياخد القربان ويحطه فوق جبل... واللى ربنا يقبل هديته تنزل نار من السما تحرق الهدية المقبولة .. واللى مش هتتقبل هديته هتفضل زى ما هى....دلوقتى مفيش حاجة اسمها كدة
🌹🌹🌹🌹
المهم ياااولاد قابيل كان مزارع وعنده زرع كتير وجميل...بس هو اختار اوحش زرع عنده وقال هو دا اللى هيقدمه قربان لربنا
اما هابيل فكان راعى غنم وعنده غنم كتير...واختار احسن واتخن شاه علشان يقدمها قربان لربنا
التنين حطوا هدايهم على الجبل والنار نزلت حرقت الشاة بتااعت هابيل...راح قابيل اتغااااظ اكتر واكتر وكره هابيل اكتر والشيطان ملى قلبه كره وشر وقال لاخوه انه هيقتله
🌹🌹🌹🌹
لكن هابيل رد عليه وقاله لو حاولت تقتلتى انا بردوا مش هقتلك...انا هاسيبك تقتلنى وتاخد ذنبى وانا ادخل الجنة وانت تدخل النار
رغم كدة قابيل مصر بردوا انه يقتل اخوه من كتر الحقد والكره والشر اللى ف قلبه
🌹🌹🌹🌹🌹🌹
وراح فعلا قتل اخوه ودى كانت اول معصية واول جريمة فى الارض... وبكدة يبقى قابيل بقى اول قاتل فى الدنيا دى.. واى حد بعديه هيقتل حد... قابيل هياخد من سيئاته...لان اللى بيعمل خير والتاس تعمله بعديه بياخد زى حسانتهم... واللى بيعمل شر والناس بتعمله بعديه بياخد زى سيئاتهم
بعد ما قابيل قتل اخوه اعد يبكى وبقى مش عارف يعمل ايه دلوقتى ف اخوه اللى مات
🌹🌹🌹🌹🌹
ربنا بعتله غراب يعلمه يعمل ايه... الغراب دا جيه جنب قابيل وحفر برجله حفرة ف الارض ودفن فيها حاجة وقفل الحفرة تانى بالتراب
راح قابيل عمل زى الغراب وحفر حفرة كبيييرة ودفن فيها اخوه
🌹🌹🌹🌹🌹
وبكدة يبقى قابيل اول قاتل ف الارض
وهابيل اول ميت يموت فى الارض
وبكدة نتاكد ان الشيطان مش هيسييب ابدا ابدا الناس تكون حلوين وطيبين وهيفضل يحاول يخلى قلوب الناس كلها كره وشر علشان يبعدهم عن طريق ربنا وعن الخير وعن الجنة
🌹🌹🌹🌹🌹
ونقف هنا النهاردة ونكمل المرة الجاية
يتبع.....إن شاء الله
