فراشات تخشى الاحتراق

الجزء الثاني

مساء الخير

فراشات تخشى الاحتراق
الجزء الثاني

بنهاية الدوام خلصت دروسي ورحت للمعاونة
يلا ست انة طالعة تحتاجين مني شي؟
اخذي راحتج ماما الله وياج..
يلا مع السلامة..
مع السلامة ماما...

خلص الدوام وكالعادة استأذن من المعاونة يلا اطلع
لان هي تعتمد عليه بهواي امور..
سلمت عليها وطلعت اصعد بخط وي الطالبات
لاكتني ست زمن هم طالعة..

ها عيني طالعة للبيت..
لا طالعة اتشمس ..
هههه عابتلج ماتجين ويانا نوصلج ولا فرة الخط والدوخة..
لا مشكورة ع العرض المغري بس تعرفين مااكدر..
ترى مراح ياكلج !
ولا انة الانوكل بسهولة هه ..بس تعرفين اهلي وقوانينهم..
ماشي حبي براحتج ..
مع السلامة باجر نلتقي..
بااي ..

مشيت من يمها بلا مااباوع ع اتجاه السيارة الي واكف
ورا باصات المدرسة..
رغم احس النظرات متوجهتلي ..بس مالي علاقة ..
وصلت للباص مالتنا..شافوني الطالبات سكتو
كلش يحبوني ويخافون مني..

صعدت وسلمت ع ابو منذر ابو الباص..رجل خمسيني
كلش محترم ويسميني بنيتي..
هلا بنيتي نتوكل لو بعد ؟
اباوع للطالبات وقائمة الاسماء بيدي..
جردت الطالبات كلهن موجودات..
لاحجي العد مكتمل خلينا نتوكل..
يلا يا الله..
طبعا كل يوم لازم اجرد الطالبات الموجودات بالباص
لان اخاف وحدة طالعة ومامنتبهين عليها
وهاي مسؤولية والبنات بعمر حساس
وتصرفاتهن كلش متعبة..

مشت السيارة وانتبهت لليوگن الي رافقتنا طول
الطريق
رغم وجهي للكدام واسولف وي الحجي
بس عيني كل شوية تلقي نظرة بس ماادور
ولا احسس احد..

افترينا ثلث مناطق القريبة من بعضها
ووصلنا الطالبات
واخر شي بقيت اني ووياي طالبة بمنطقتنا..
وصلها الحجي والتفت عليه..
ها بنيتي دختي من الفرة والدنيا ظهر..
ههه بعد تعودنا حجي شنسوي ولا الكعدة..
هم صح الله يساعدج ويرزقج ابن الحلال
اليعيشج خاتونة ومو بعازة شغل..
ههه الله يخليك مشكور...

ذبني ببابنا وسلم وراح ومن ورا عبرت سيارة
اخو زمن..
بلا اهتمام جريت السيم وفتحت الباب وفتت..
الساعة وحدة وثلث الظهر
فتت من باب المطبخ الجدورة ع النار الهادئة
وريحة القيمة تفوح وانة جوعانة ..

دخلت للهول ابوي متمدد وامي يمه بحضنها
سنا بت معين ..الظاهر مرته راجعة..
السلام عليكم..حجيتها بابتسامة..
وعليكم السلام الله يساعدج..جاوبوني ثنينهم سوا..
الله يساعدكم ..
يلا بابا ترى جعنا خفي ايدج حتى نتغدى..
اي صار هسه ابدل واجي اصب..

دخلت للغرفة ذبيت الجبة ولبست دشداشتي
ورحت غسلت وجهي بالمغسلة ونشفته
وانة اصلا مصلية بالمدرسة بس ياذن اصلي
واذا عندي درس ورا مااخلصه اروح اصلي بغرفتنا
مالت المدرسات..